قصتي معا زوجي اللي مايخاف الله 💔

السلام قبل الكلام خواتي اللي تقرأن قصتي ماتعلمن كم نصيحتكن مهمه عندي لان واقعه في كرب وضيق الله وحده اعلم بحالي قصتي انه بنت مطلقه عمري ١٩ سنه مابي اذكر انه من اي دوله لاكن تقدملي لخطبتي شاب سعودي وهوه ولد خالتي الله يرحمها قبلت الزواج فيه وهوه رجل اكبر مني با٢٠ سنه مطلق عنده عيال بس عند امهم قبلت الزواج وجيت سكنت عنده في الرياض في بيت مستقل (صار لنا ثلاث سنوات متزوجين ) اول سنه كان عسل معايه حمل من اول شهرين في الزواج ماكان عندي اي احد يقربلي الا زوجه ابوه اللي كانت جارتي لاكن ابد ماتمرني ولأ تسأل عن حالتي ولدت لحالي وجبت ولد لله الحمد واهل زوجي حتى مازاروني متخيلين لحالي وعمليه مرت الايام الصعبه والحمد لله قمت على حيلي زوجي كان يراجع بيت ابوه المهم بدا زوجي يتغير علي تدريجيًا اكتشفت خيانات كثير وواجهته وقلب الطاوله علي واخر شي رجعت زوجته الأوله قال انه رجعتها على عيالها ما ابي اقرب منها وجلست معه وفهمته ان هلشي يغضب الله ولازم تعدل بينا وقلت له انه راضيه لو تروح عشر ايام عندها ويوم عندي وهوه رفض المهم زوجته ماجلست لها شهر وطلبت الطلاق ومشت لهلهه وانه في بيتي صرت اراجع بيت اهل بين فتره وفتره لان ابو زوجي كان مريض وزياره المريض حق اكتشفت من مره ابوه انه زوجي كان مصالح زوجته الاوله ومقرب لها انه ماهتميت صراحه ولا بينت لزوجي انو عرفت الصدمه الكبيره اكتشفت انو زوجي يشرب اي اي يشرب الخمر ويروح سهرات وبارتيات واعوذ بالله كانت الصدمه كبيره وتحملت وسكتت زوجي بعد ولادتي خذا كل ملابسه وصار ينام بغرفه ثانيه لان هوه يدخن عذره عشان البيبي بنات صرت اكتشفت خيانات وحريم وصار الزعل بينه بالاشهر ولا حتى يفكر يراضيني المهم اخر مشكله قال لي قدام اهله انه يبي يتزوج وانو انه مقصره بحق البيت والطبخ .!! بصراحه انفجرت ماتحملت وقلت قدام اهله ولدكم يشرب وانه متحمله وساكته واخر شي يطلعني انه مقصره وصار زعل بينا من المشكله ذي طبعا اهله صفو جنب ولدهم وخلو اللوم كله علي انه وماتدخلو حتى او حاولو انو يصالحونه معا بعض الحين صار له ٤ شهور هاجرني تنزلت وجيت قربت منه ورفضني قال تبين تجلسين على ولدك ماعندي مشكله اما بنسبه لي من صديت خلاص لاتحاولين قتله اوك طلقني وخلاص يقول ماعندي مشكله اطلقك صار يكلم حبيبته قدامي ويلبس ويكشخ ويطلع وانه مو سعوديه ماقدر اسافر لحد مايكمل اوراق طفلي تحملت اهله يجون ياكلون وينامون وصارو مايحترموني حتى ينغزون بلكلام وهوه حتى مايدافع عني انه اهلي على قد حالهم صح لاكن كنت اطلع لصديقاتي اتونس شوي اغير جو بس من تزوجت بلبيت حتى زوجي مايطلعني بس للأمانة مو مقصر بحقي وبحق ولدي من اطلبه شي يجيبه بهدوء بس شلفايده كل شخص بغرفه اهمال وجفا وحتى كلمه طيبه مافي امي تكلمت معه لان ابوي متوفي وقالت وش سبب خلافكم يقول لها بنتك نكديه نكد في نكد هاذا عذر ..!!! الحين انه جالسه في بيتي مااستفزه ولا اجي حوله بس اجيب اكله ونظافه البيت اهلي عندهم عيال اخوي وازعاج كثير اخاف اروح وما ارتاح هناك واذا ضليت هنا عند زوجي طقت روحي الشمس ماشوفها هوه يطلع ويسافر وحابسني والله قهرررر ايش تنصحوني اسوي ولدي سعودي بس لحد الان زوجي ماضافه لكرت العايله يعني اذا ابي اسافر بدونه لحالي وانه مقدر اترك ولدي