مساء الخير اخواتي حبيباتي كيفكم
بعد السلام والكلام اكيد كلكم قراتو موضوع الاخت ندوش 6 اللي كاتبه فيه عن صدمتها ببنتها كيف عندها علاقة بشب وتتكلم معاه واخدت الموضوع بشكل سهل وعم تتساهل فيه !!!!
انا عضوة قديمة بالمنتدى من اربع سنين بس حبيت اعمل معرف جديد لاكتب قصتي لانو كتير منكن بيعرفوني
بدي احكي قصتي للعظة وعشان ماتتساهلو بهيك مواضيع خطيرة عالبنت وعلاهل
أولا انا كنت انسانه عادية جدا بالدين صلاه قليلة ولبسي بلوزة وبنطلون واشارب موضة هيك المجتمع اللي عايشة فيه للاسف .
انا اصغر وحدة بخواتي الشباب والبنات وامي كانت بفترة مراهقتي مشغولة بزواجات اخواتي البنات وماكانت فاضيتلي اصلا علاقتي فيا رسمية
اما علاقتي مع رفقاتي هنن كانو كل شي بحياتي ومتعلقة فين وكل اسراري عندن بالمختصر رفقاتي كانو اهلي اما بيت اهلي متل الفندق كل مين ايدو الو
كبرت بهاد الجو كانت امي تدخلني دروس ودورات لاتعلم مواد المدرسة غير المدرسة يعني بقضي يومي بين المدرسة الصبح والدروس الخاصة والدورات المسا ،
هيك حتى صرت بالبكلوريا (الثالث الثانوي) ومتل مابتعرفو هي سنة مصيرية بالنسبه الي
كنت اطلع من البيت عالمدرسة وعالدروس بعدا من السبعه الصبح للتمانه بالليل تقريبا بس ارجع علبيت احيانا بين الدروس وهيك حتى خلص الفصل الاول من السنه وبالفصل التاني كنت داخلة درس عربي والدرس مختلط بنات وشباب وبعمري مافكرت اعمل اي علاقة مع اي شب كنت مهتمة بالعلم وحاطة ببالي بدي ادرس اقتصاد
واتعرفت بدرس العربي على بنتا للانسة اسما (ب) وعلى بنت تانية اسما (م) وانا كنت كتير اجتماعية بالدرس ومن الشاطرين والحمدلله وبعد مرور شهر بالفصل التاني لاحظت انو في شب عم يلحقني عالمتور ( الدراجة الالية ) كل الطريق من اول مابطلع من البيت لوقت بوصل عالدرس او المدرسة وانا كنت بعرف هالشخص بالشكل لانو كان معي عند نفس الانسة تعيت العربي السنه الماضيه وكان ابن اختا للانسة انا اول الشي طنشت وكنت فكر انو هاد عم يلحق رفيقتي اللي بروح معا ما عم يلحقني لانو ماكان عندي ثقه بحالي اني حلوة او ماحطر ببالي انو انا لهالدرجة ممكن اعجب شخص .
بس اصلي وبرجع لكم حبيباتي وبكمللكم القصة وامانه النفسيات برااااا ماناقصني
ماريا 92 @marya_92
عضوة جديدة
يلزم عليك تسجيل الدخول أولًا لكتابة تعليق.
مارووووخة
•
في الانتظار لا طولي
ماريا 92
•
رجعتلكم حبايبي اهلا وسهلا فيكم بقصتي
المهم مرة كنت راجعه من الدرس انا وصديقت تانية اسمها ( ه) وكان الوقت تقريبا بعد المغرب المهم تركتها وكمل طريق بيتي وهي كملت طريق بيتها وبطريق بيتي في متل الطريق الضيق بين بنايتين بوصلل للشارع التاني وهاد اقصر طريق عبيتي وكان هالشخص عم يلحقنا وانا مطنشة متل الحيط ولا فارقة معي وانا بدخل من هالطريق الضيق بكون هوة واقف عالجهة التانية منو والطريق فاضي والدنيا عتمة كانت مطفيه الكهربا كالعادة وانا مريت من جنبو قلي لو سمحتي ماريا بدي حكيكي واذا بتريدي وانا مطنشتو اخر طناش ولا كانو في حدا عم يحكي وكملت طريقي ورجعت عالبيت وبعد اسبوع كنت راجعه مع رفيقتي ( ب )اللي قلتلكن عنا انا هي بنت الانسة وبنفس الوقت بتكون بنت خالتو للشب ونحنا كمان بالطريق كان لاحقنا كان متل خيالي مايفارقني ولا لحظة المهم بعد ما تركتني ورجعت عالبيت وهيي عبيتا قبل ماتوصل هيي عبيتا وقفا وسالا اذا ماريا رفيقتك والا لا وكيف علاقتك فيا وهيي عرفت فورا انو هوة بدو اياني
المهم مرة كنت راجعه من الدرس انا وصديقت تانية اسمها ( ه) وكان الوقت تقريبا بعد المغرب المهم تركتها وكمل طريق بيتي وهي كملت طريق بيتها وبطريق بيتي في متل الطريق الضيق بين بنايتين بوصلل للشارع التاني وهاد اقصر طريق عبيتي وكان هالشخص عم يلحقنا وانا مطنشة متل الحيط ولا فارقة معي وانا بدخل من هالطريق الضيق بكون هوة واقف عالجهة التانية منو والطريق فاضي والدنيا عتمة كانت مطفيه الكهربا كالعادة وانا مريت من جنبو قلي لو سمحتي ماريا بدي حكيكي واذا بتريدي وانا مطنشتو اخر طناش ولا كانو في حدا عم يحكي وكملت طريقي ورجعت عالبيت وبعد اسبوع كنت راجعه مع رفيقتي ( ب )اللي قلتلكن عنا انا هي بنت الانسة وبنفس الوقت بتكون بنت خالتو للشب ونحنا كمان بالطريق كان لاحقنا كان متل خيالي مايفارقني ولا لحظة المهم بعد ما تركتني ورجعت عالبيت وهيي عبيتا قبل ماتوصل هيي عبيتا وقفا وسالا اذا ماريا رفيقتك والا لا وكيف علاقتك فيا وهيي عرفت فورا انو هوة بدو اياني
ماريا 92
•
ووقت رجعت ( ب) على بيتا فورا اتصلت فيني وقالتلي هيك صار معا وانا طنشت قلت بعقلي مشكلتو وما كنت بوارد هيك علاقات اصلا كنت استحقر كل بنت تحكي شب .والاسبوع اللي بعدو كانت رفيقتي (ب) عندا حفلة بالمدرسة واخدتني على مدرستا لانو مدرستي غير مدرستا ورحت وقالتلي بالحفله انو ابن خالتا صارعا فيني وبدو يحكيني وبحبني ومن هالحكي الفاضي وقلا بدو رقمي وقالتلي بعطيه رقمك ؟؟؟ وصارت تقنعني فيه انو كويس وادمي( وما حدا بقول ع زيتو عكر ) المهم كيف بلفتني فيه مابعرف واقنعتني انو وافق اعطيه وقمي اصلا كانت الامتحانات بعد شهرين وانا ماني بهالوارد بس لعب الشيطان بعقلي وخلا الموضوع حلو بعيني قلت لجرب هالمغامرة
الصفحة الأخيرة