قصتي معــ : زيت أنوب !!!/اكتفى من الردود

.. بسم الله الرحمن الرحيم ..

هلا و غلا فيكم ..

انا اليوم راح اقول لكم قصتي مع شعري الخـــــــفـــــيــــــــف ..

قولوا : ما شاء الله ..

من يوم عمري 7 سنوات لاحظت امي (( الله يحفظها و يخليها لي )) تساقط في شعري و لحد الحين و انا الآن عمري 16 سنه يعني ما يقارب 8 سنوات من المعانات ..

و ما بقى مستشفى إلا و رحت له و ما بقى استشاري و إلا و شاف حالتي و ما بقى زيت إلا و حطيته و ما بقى خلطه إلا و زينتها و ما بقى و ما بقى .... إلخ ،، إلا و حطيته

بدون أدنى فايده :(

لحد ما لاحظت امي تحسن كبير في شعر صديقتها فراحت و سألتها فقالت :

انا على الله ثم على زيت (( انوب ))

فراحت امي وشرته .. وحطيته مع اني ما فكرت يجيب نتيجه يعني مثل الباقين ..!

بس و الله من اول شهر و شفت النتيجه بأم عيني توقف تساقط شعري نهائيا و صار له نضاره ..

هذا حصل في اول شهر بس و في الشهر الثاني استمريت عليه و ألحين و الله كل من شافني يسالني و يقول تحسن يعني إلي يشوف شعري ألحين ما يقول انه يعتبر من الشعور الخفيفه ابد صح مو من الشعور الغزيره بس مو خفيف ابدا (( للمعلوميه هذا في غضون شهرين بس )) ..

و انا راضيه فيه كثير .. قبل ما كنت اقدر اجعده و ان جعدته طلع كنه سلكين و لا كنت اقدر افكه و ان فكيته لازم احط البودره الخاصه بالشعر او مخفي العيوب ..

يعني نصيحه مني لكم و الله استخدموه لشهر بس و شوفوا النتيجه الرائعه .. و اوعدكم ما راح تندمون ..

وهذي صوره الزيت :



طريقه استخدامه :

بللي شعرك بالماء (( بلليه مو غسليه )) و من ثم ضعي غطاء واحد على الاقل في في شعرك و انتبهي (( ضعيه على الجذور )) و دعيه لمده ساعتين على الاقل و يستحسن النوم فيه

مده الاستخدام :

ضعيه يوميا لمده اسبوع او عشر ايام بشكل يومي و من ثم ابدأي بوضعه يوم بعد يوم لمده اسبوع او عشر ايام و من ثم ابدأي بوضعه في كل اسبوع مرتين او ثلاث و استمري عليه لمده شهر و ستجدين النتيجه المرضيه لك و استمري للنهايه و لا تكتفين لمده شهر ..


مكان بيعه :

تجدينه عند العطار او الحمود ...


ملاحظه :

يفضل استخدامه و حده دون خلطه مع غيره .. و عند وضعه قومي بعمل مساج له بأطراف اصابعك لمده 3 دقائق !



و هذا الموضوع مو منقول ... مني انا و عن تجربه شخصيه ..


و اتمنى يعجبكم .. و انا مستعده لأي استفسار :)