قصتي معها تقولون ضرتي 😭

السلام عليكم كيفكم خواتي
بقولكم قصتي شخصيا انا ويشهد الله علي في هذي العشر الفضيله ماكذبت بحرف بس عشان الواحد اللي مايخاف ربه ويحاول يخرب حياة غيره يتعض او اللي قلبها محروق من وحده لاتخاف الزمن كيفل في انه يرد الصفعه لها يعني كما تدين تدان بس انتي ارفعي يدينك وادعي ربك ببدأ بقصتي



في هذيك الفتره كنت متزوجه ومالي سنه زواج وهذي الانسانه توها متزوجه يعني عروس

اول ماقابلتها كان الوضع مايدعو لشك لاني من الناس اللي ماتدقق مررررررره واذا بدر من الشخص شي ألتمس له العذر

بديت الاحظ عليها انها تتعمد تتزين لما يجي زوجي تنط وتتزين وتغير نبرة صوتها وتسوي حركات قلت عادي عروس وباقي طربانه للعرس بدت الحركات تصير اوسع او انها تستغبينا شافتنا مطنشين

مجرد مازوجي يتنحنح يبغى يدخل غرفته يشوف في احد قدامه طبعا انا في غرفتي وهي في الغرفه المقابله (لتوضيح انا ساكنه في منطقه وهي في منطقه أهل زوجي بس نجتمع وقت الصيف في بيت اهل زوجي)

تخيلو معاي تنط من بين البنات وتسوي كنها عالمرايه وتطلع من الغرفه يعني انا مادريت عنه وهي لابسه قميص قصييييييييير من نصف الساق

لما زوجي يناديني تخيلو معي يشهد الله ماكذبت يناديني يافلانه تخيلو تقوم هي تنط وتقابله عند الباب بعدين تصيح واااو فلان

ياشيخه أجل مين

انا بس دلوني على مكان الباب ماعاد شفته من الغبنه

نجي نبيي نروح مشوار يقولون مثلا فلان روح جيب الحريم اللي هو زوجي طبعا يركب السياره يشغلها تنط يبنات بسرعه وتلبس العبايه وتدخل السياره وتركب وراء زوجي وتصك الباب مستوعبين بس هي وزوجي بالسياره لحالهم زوجي استحى ونزل

لما ننزل من السياره تنزل وتلصق في زوجي ورب البيت تقولون زوجته وانا على بال ماأشيل طفلي اطالع الا وهي لاصقه فيه من وراء 😩😩😩

يارب ايش سالفة هالادميه اقولها بيني وبين نفسي

تتعممممممممممد تتدخل على زوجي البيت 3ادوار ماتروح الا الحمام اللي بجمب غرفتي قلت لها والحمام هذاك ليش ماتروحين له قالت لا مااحبه



جاء زوجي وقالي فلانه بغيتك بكلام قلت ايش قال يابنت الحلال مارحت مكان ولا لفيت وجهي الا وجهي بوجه هالادميه يمكن تقريبا من 4الى 5 مرات باليوم هذي ماتستحي على وجهها قولي لها زوجي يقولك حطي الغطاء على وجهك قلت والله ماقوله هي اذا ماحشمت نفسها مابغطيها بالغصب



واشتعلت النار بقلبي تقولون ضرتي وعلى هالموال ولما تجي المنطقه اللي انا في تتعرا في بيتي تلبس ملابس نووووم عاررررريه وتجلس قدام الباب الخارجي اللي يجي منه زوجي😭😭😭

انفقع قلبي ومابغى اتكلم الموضوع حساس ومو مستوعبه الحركات اللي تسويها ومازالت تخيلو تتكشخ اخخخخخخخر كشخه وعطر وحركات والله والله والله ماظلمتها خصوصا لما تسمع صوت زوجي تتعممممممممد تدخل عليه 😳😳



تعبت منها الزبده جوني اخوات زوجي قالو انتي ماتغارين قلت ليش😓 قالو تشوفينها تسوي هالحركات قدام زوجك وساكته قالت وحده منهم والله لو انا تسوي كذا قدام زوجي اقل شي كف على وجهها



المهم طفش زوجي من حركاتها قام كلم زوجها قاله يافلان خل زوجتك تغطي وجهها عني كل مارحت مكان الا وجهي بوجهها



لكن الشخص اللي في خصله قذره مابيقدر يخليها

دعيت عليها من كلللللللل قلبي الله يحرق قلبك زي ماتسوين فيني سنتين ونص وهي على هالحركات وألعن منها ومواقف كثيره لو اقولها ماكفتني الصفحه يشهد الله يابنات تقولون ضرتي



بعد هالسنين وعرفت ان اللي ياذي الناس لابد له يوم ويرجع له دينه اللي سواه فيهم



تسلطت بنت في مواقع التواصل على زوجها وترسل صورها وهي عاريه وكلام بذئ وتبغى تقابله وجلست فتره وهي تزعجه وتحنننننن عليه وهو وافق يقابلها

وراح وواعدته بمكان ما

اوا ماراح مسكته الهيئه والبنت فص ملح وذااااااب تقولون انها بسم الله من هذي البنت الله اعلم

وحطوا عليه قضيه وسجنوه الله المستعان



والله انها على قد ماحرقت قلبي وكنت انقهر الا اني ماسويت لها ولاشي بس دعيت ان الله يسلط عليها بنت الحرام زي ماتسوي لي



هذي قصتي شخصيا انا ولاهي منقوله

الواحد يتعض من هالدنيا ومهما تسوي مردوده عليك ان احسنت فأحسنت لها وان اسئت فبترجع لك حوبتك في الناس
فالخوات اللي يشكون من خيانة ازواجهم ادعي ربك من كل قلبك واتركيها والله والله يادعوتك ماتخليها


وسلامتكم