قصتي معى الحمل والخلطه

السلام عليكم ورحمه الله وبركاته
يــــابــــنــات
كيفكم ياحلوين
انا عضوه جديده وبس متصفحه للمنتدى من زمان
بس بعد تجربتي في جميع مستشفيات الشرقية
وجدة انا وزوجي وتحاليل وعلاجات وابر وتلقيح
الزبدة جربتها كلها ماكتب لي الله نصيب






المهم بعد فقداني للأمل من المستشفيات اتجهت لرب البريه وكنت اقرا سورة البقرة


وكنت ابكي مو من القدر لاحشا استغفر الله
لاكن التعب النفسي اللي يخليك تنتظرين الدورة ومتأمله وتصيحن تلقين ..الدم
خذيت لي فترة ابتعدت عن المستشفيات
وريحت زوجي اللي انكسر كاحله من فلوس هالمستوصفات اللي كلن همه الربح فقط لاغير
...
المهم بعد سنتين من الزواج والتأخير
قررت استعمل خلطة العسل من عند واحد عطار بالشرقية
مايحظرني اسمه ولا اسم محله
لاكن اللي مهتمه تراسلني واعطيها رقمه




المهم زوجي اصر اني استعملها وهو طبعاً يستعملها لان في مستوصف قال ان فيه دوالي خصية بس


ضئيلة جداً وماهي مضرة
واستعملتها بعد ماخلصت الدورة قعدت شهر طبعًا


في هالفترة قطعت كل العلاجات اللي كنت استخدمها لاني كنت متعبة نفسياً منها
..
ويوم جاء وقت الدورة جتني اعراضها وكنت زهقانه طبعاً ومر يوم وانا مو مهتمه يومين ونفس الشي لانها كل شهر تتأخر ٤_٥ ايام ~~~~
ومرت ٦ ايام وبديت احس بوجع في بطني جهة اليمين
وكنت اسولف معى بنت خالي قالت حللي وش خسرااانه
..
فكرت وشوي قالت اسمعي انا بجيب لك تحليل منزلي قلت احسن عساس زوجي مايتأمل ويتضايق
..المهم
.
جابت اليوم الثاني التحليل وانتظرت للصباح
ودخلت الحمام /ونتم بكرامه
.
ونا يعني مو متحمسه لان الاعراض اعراض الدورة
ويوم طلعت التحليل
انتظرت
.






صحت
صحت
صحت
يوم شفت
-------
-------
خطين
..
وبكيت وسكت فجأة ابغى زوجي يجي المشكلة توه رايح الدوام
وماراح يجي الا الساعة ٢
..
والله يابنات يالوقت واقف عن الساعة٨ مو راضي يتحرك
~~~~~ومشى الوقت ويوم جا زوجي سويت نفسي مريضة قلت ابغى الطوارئ ليشششش






قلت فيني زي الحبة تحت😸ابغى اخذ مرهم
رحنا وسويت التحليل وانتظرت ساعة وشوي
ويوم دخلت عند الدكتورة
قالت
مبرووووووووووووووووووووووووووووك
بيببببببببببببي😭😭😭😭😭😭😭😭😭😭😭😭😭
.
عيوني دمعت ماقدرت اطلع له ونا ابغى افاجأه
المهم طلعت وانكبت قالي وين علاجاتك 😹








قلت لا خلاص مايحتاج
دخلنا البيت وقلت له غمض
وحطيت التحليل بيده طبعاً هو عنده خلفيه
عن التحليل لان تمرمطنا سوا بالمستوصفات
وخذه وقال وشفيك ناظر فيه وشاف الخطين
يابري حالي ماعمري شفته مدمع طوال هالسنتين
وهو طبعه خشن يعني مو مايع ..
واحرقني قلبي وعرفت انه طوال هالسنتين كاتم بصدره نار
وساكت
قال خنا نروح نتاكد من المستشفى وطلعت له الورقه مكتوب فيها حامل
راح المجلس قام يشكر الله ويدعي بينه وبين نفسه
وتمت هذي قصتي ونا هالحين بالشهر ال٨ ادعولي الله يتمملي ويرزق كل محرومه
فالله الله يابنات بسورة البقرة
واللي تبي الخلطة ترسل عالخاص لان الرقم باحاول ادوره واعطيه للي تحتاجه
بالتوفيق للمنتدى وللقائمين عليه والله يجمعنا بالفردوس الاعلى