السلام عليكم يا بنات الحمد لله بعد آخر مرة كتبت فيها ما في هجوم
وضعت في غرفة المراقبة وبعدها نقلت الى غرفتي الخاصة جاءت الممرضة وطلبت ان امليها اسم الولد وكان زوجي موجود فنظر كل واحد فينا على التاني وكأننا مش متفقيين على اسم فقالت الممرضة ادا مش جاهزين ارجع مرة تانية فقلت لها سنكلمك لما نكون جاهزين.
خلاص... قررنا على اسم تاني وراح زوجي عشان يشوف الاولاد ويطمئن عليهم .
تذكرون صديقتي.... كانت حامل في نفس الفترة... هي كمان ولدت قبلي في تلات ايام وجابت بنوتة امورة في نفس المستشفى كانت في يومها التالت يعني وضعها احسن مني .
احضرتها الممرضة على كرسي متحرك وجاءت عندي وسهرنا.... ودائما انا وهي نتذكر هالسهرة ...وجلسنا نتحدث عن اسم الولد طبعا ونزلت تبهدل في وانه اسمه جاء قبل حتى ما يخلق وانه فال مش كويس نسميه اسم تاني ومن هالكلام ولكن انا كان الموضوع بالنسبة لي منتهي فقد نويت ان اسميه اسم تاني.
ونمت في الصباح عندما فتحت عيوني وجدت اسم "أحمد" على لساني فناديت الممرضة وسجلت الولد طبعا............."أحمد".
وما شاء الله عليه من اول اسبوع زاد وزنه حوالي نصف كيلو وصار يكبر بسرعة ... في 24 هدا الشهر ان شاء الله بيكون عمره 4 سنوات ولكن حجمه وحركاته ما شاء الله عليه اكبر من عمره وشكل ويشبه الطفل الذي كنت اراه في احلامي ....بس هداك كان احلى شوي ودائما نتذكر هذه الاحداث فهو هلاء ولد امور كتير وغلباوي كتير وكل ما اشوف حركاته وهبلاته اتذكر قصتي مع "حمادة" واقول سبحان الله .
اللهم احرس لي حمادة واخوه واخواته بعينك التي لا تنام وقر عيني وعين ابوهم بهم.... واجعلهم من عبادك الصالحين اللهم آمين.
وهلاء بدي اعرف رايكوا وتفسيراتكو وتحليلاتكوا وكمان انتقداتكوا ......
وكذلك ارجوا ان تسامحوني على الانتظار ويعلم الله انه ليس لزيادة عدد الردود كما يظن البعض والسلام عليكم ورحمة الله وبركاته

الحمدلله على سلامته وسلامتك
وعسى الله أن يقر عينك بصلاحه وبره

الله يخليه ليكي يا رب و يخليلك كل اولادك

الحمدلله النهاية بس تصدقين اختي القصة مرة عادية بس اسلوبك فيه من التشويق الكثير ماشاء الله عليك ولا عندي شيء زيادة 0

ايو الله الاسلوب مره مشوق ..

والا القصه مره تحصل كثير ..

الله يخليه لكم ويرزقكم بره ..

:26: