قصتي مع آية:" لا اله الا انت سبحانك اني كنت من الظالمين"

السلام عليكم ورحمة الله وبركاته
والصلاة والسلام على نبينا محمد وعلى اله وصحبه أجمعين ومن تبعهم بإحسان الى يوم الدين
أخواتي انا اعتبر اللي صار لي معجزة لأني بصدق اندهشت من اللي صار لي انا شخصيا يعني ما سمعته ولا نقلته من منتدى ثاني
من فترة واذكر الوقت كان العصر حاولت اكتب اسم المستخدم وكلمة السر عشان ادخل على الانترنت لكن المفاجأة كانت برسالة طلعت لي على الشاشة ان في فاتورة على حساب الانترنت لازم تندفع قبل يعني ما في انترنت لحد اليوم الثاني لان اللي اعرفه ان خدمة دفع الفواتير في الاتصالات بس في فترة الصبح لكن فيه خدمة الدفع عن طريق آلات الدفع الآلي المتوفرة في المولات لكني في هذه الفترة ما اقدر اطلع ولا احد من إخواني فاضي في هذا الوقت فاتصلت على أختي لان عندها خدمة دفع الفواتير من رصيدها في البنك اللهم تبعث مسج برقم الحساب لخدمة الانترنت عندي ويتم الدفع فورا من رصيدها وبعدين انا وهي نتحاسب...المهم اني خبرتها تدفع الفاتورة وانا بانتظر تتصل فيني تقولي انها بعثت المسج الخاصة بدفع الفاتورة عشان اقدر ادخل الانترنت...انا كنت حاطة مسبحة بجنب الكمبيوتر فمسكتها وجلست اذكر الله والذكر اللي كنت أردده هو لا اله الا انت سبحانك اني كنت من الظالمين...أختي طولت ما اتصلت فقلت في نفسي يمكن خلاص بعثت المسج وانفتح الحساب فقلت خلني أحاول ادخل مرة ثانية والحمد لله حصلت الحساب مفتوح والفاتورة خلاااااااااااااص اندفعت فقلت في نفسي باتصل اشكر أختي على استعجالها في بعث الرسالة فلما اتصلت تدرون شو قالت لي؟؟؟
قالت:سامحيني أختي ما بعثت المسج عشان يفتحون الحساب لأني انشغلت شوي والحين ببعث المسج!!!!!!!!!!...انا الصراحة انذهلت بكل ما تحمله الكلمة من معنى وقلت لاختي خلاص حبيبتي الحساب انفتح وانا الحين متربعة في أحلى عالم اللي هو عالم حواء...والحين اترك التعليق لكم لأني لحد اليوم افكر في اللي صار كيف صار يعني الدفع وإدخال المبلغ يكون عن طريق آلات وكمبيوترات كييييييف اتبرمجت ان المبلغ اندفع خلاص؟؟؟
سبحان الله العظيم نحن صدق ما قدرنا الله حق قدره...