هذولا خواتك وشو تنحرجين وماتبين تحملينهم فوق طاقتهم تكفين بطلى الحساسيه والله البكريه تحتاج اللمه والتغديه واحد يساعدها لاتستهنين بهالشى صدقينى اذا قريبت ولادتك كل شى بيتغير

اذا ماتبين تروحين عندهم مع اني احسهم مهتمين جدا فيك بس انتي اللي حابه تسمعين كلام ببالك

قولي لاختك تجيك الصباح وترجع المسا مثلا اذا تقدر

وانصحك لوجه الله روحي عندها مسكينه تدور راحتك

قالت لك روحي الغرفه فوق بحمامها لاجل ترتاحين لما قلتي شباب واستحي
فهمتيها غلط وكبرتيها براسك

روحي عند اختك وخلي الحساسيه عنك ترا عادي الوحده باخر الشهور تصير حساسه حبتين لاتنتظرين اختك تقولك تعالي انتي قوليلها ابجي عندك ترا صعبه عليك خاصه اول عشرة ايام اقل شي لين يلتم جرحك ترا يمكن هم حسوا منك انه انتي ماتبين تجينهم عشان كذا تحسينهم مترددين معك

روحي لأختك الكبيره لو اسبوعين و خلي زوجك يشتري اللحمه و الخضار و الفواكه و العصيرات بعد ولادتك

و قبل الولاده اشتري الضيافه من معمول و كب كيك و تمر و مكسرات و بن قهوه و بعد الولاده يجيبها
و هنا لا تكلفي عليها و لاشيء

معليش ي عمري بس انتي شكلك حساسه روحي لها مافي زي الأخت ممكن هي ماعندها أسلوب