الدعاء هو..
"اللهم سخر لي عبادك اجمعين"
على لسان أختي في الله.. تقول:
انا تخرجت من كلية الطب الحمد لله
وفي اخر اختبار لمادة الباطنة كنت متوترة كثيررر لان امتحاناتنا صعبه وكل كلمة اقولها يحاسبوني عليها.. غير الاسئلة الغريبة والدكاترة الصعبين..
فجلست فترة قبل الاختبار وانا ادعي بكل سجود او وقت اجابه
((اللهم سخر لي الدكاترة والمرضى والوقت يارب العالمين))
كنت أكثر من الدعاء هذا كثيررررر
وانا خايفة اي حالة راح ادخل عليها ومين الدكاترة الي راح يمتحنوني وكيف المناقشة حتكووون وتوتر وقلق فظيع.....
الي صار :
دخلت على مريض كبير عنده القلب الله يشفيه وييسر امره من حيث لا يعلم
كان جدا متعاون والحالة واضحه وسهله
تخيلوا وانا امتحن جات الممرضة قالت لازم نوديه للأشعه.:freak6::freak6:.. قلتلها كيف وانا امتحن الحين وانتي عارفه ان وقتي محدد ... قالت لااااااازم الحين يسوي الاشعة ..
اضطريت اوافق لان مامعايه خيار ثاني
سبحااااااااااااااااان الله راح يمكن ربع ساعة ورجع في الوقت هذا كتبت كل التاريخ المرضي كااااااااامل... جا الدكتور المشرف قالي كيف الاوضاع قلتله اخذوا المريض ربع ساعة للاشعة اذا ممكن تزودوني الربع الساعة
قال بازيدك نص ساعة.. اش راااايك؟؟؟>>> بغيت اسجد من رحمة ربي
خلصت الحالة وضبطت كل شي
وهنا جات المفاجأة عشان اعرف مين الدكاترة الي حيختبروني ويناقشوني في الحالة
سبحااااااااان الله كانوا احلى وايسر دكاترة
كل أسئلتهم بفضل من الله جاوبتها ومرررة اعجبتهم اجاباتي واعطوني درجة عالية ودكتورتي كانت مرررة مبسوطة
فهنا سبحان الله استجاب الله دعوتي
*سخر لي الدكاترة وكان افضل واسهل دكاترة
*وسخر لي المريض كان متعاون والحالة واضحه
*وسخر لي الوقت لما راح المريض يسوي الاشعة زودوني نص ساعة بدل ربع ساعة وكفاني الوقت الحمد لله
وصدقوني الدعاء دام يتبعه ثقة ويقين وتوكل على الله فبإذن الله راح يستجاب لكم
بقول لكم قصة ثانية تخص مادة الباطنية
اول امتحان لي عملي ويكون فيه مناقشة مع الدكاترة وانا عشت في حالة نفسية مايعلم فيها الا الله الكل كان يخوفنا ماعندكم وقت والاسئلة صعبة وكل دكتور اصعب من الثاني وووو....
والله حسيت الهم الي كنت فيه زي الجبل على صدري
وكل ماقرب الاختبار زادت نفسيتي سوء
كنت وقتها متأخرة بقراءة القرآن وهذا الشي مضايقني لأن المفروض عديت كذا جزء
بس سبحان الله المؤمن أمره كله خير
السبت كان الاختبار وانا نفسيا خلاااااص منتهيه كان وقتها الخميس وحسيت بضيقه ماني قادرة اذاكر شي
قلت اروح أصلي وأقرا قرآن لجل أهدي شوي
والحمد لله صليت وفتحت مصحفي أقرا منه
سبحااااااااااااان الله كانت صفحة 329 في سورة الأنبياء
في حياتي كلها ماراح انسى هالصفحة
حسيت كأن ربي ألهمني ذي الصفحة بذيك الأيام
لما قريتها حسيت بالإبتلاء الي مروا فيه الانبياء عليهم السلام
في صفحة وحدة اجتمعت 3 أدعية
<<روحوا اقروها وشوفوا عظمة الخالق سبحاااااانه
صرت ارددها مع دعائي
اللهم سخر لي عبادك اجمعيييين
والله العظيم بس حطيت مصحفي بالدولاب ونزلت لامي
وأنا بنفسية ثاااااااانية ومبسوطة واضحك
لدرجة أمي تفاجأت وش فيني كذا قالت لي سمعتي خبر حلو
قلت لاااااا لكن قريت كتاب ربي
.......جا وقت الاختبار ..........
وصارت لي فيه العجايب لان التفاصيل كثيرة فماراح اذكرها
لكن الي اذكره ان بعد اختباري على طووول سجدت في غرفة الانتظار شكر لربي سبحاااااااااااانه
طلعت النتايج وكانت المفاجأة اني جبت درجة أعلى كثير من ما كنت اتوقعه
ومن بعدها تعودت أسجد لربي سجدة الشكر على كل شي مهما كان بسيط وصغير...
.............................. ......
هدوئي رمز حكمتي @hdoyy_rmz_hkmty
عضوة نشيطة
يلزم عليك تسجيل الدخول أولًا لكتابة تعليق.
موج.1
•
ما شاء الله لاقوة الا بالله
شئ راااااائع جزاك الله كل خير
صحيح الدعاء مع اليقين مع التوكل مع الثقة بالله سبحان الله يحقق العجب
لااله الا انت سبحانك
شئ راااااائع جزاك الله كل خير
صحيح الدعاء مع اليقين مع التوكل مع الثقة بالله سبحان الله يحقق العجب
لااله الا انت سبحانك
الصفحة الأخيرة
الله ايوفقك للاحسن يارب