قصتي مع أمي

والله ماأدري من وين أبدأ قصتي مع أمي
ولا أدري ليه ودي أقولها لكم يمكن فضفضة ويمكن عشان أعرف رايكم ويمكن لأني لايمه نفسي ولا ماأدري
أمي إنسانة محبوبة من كل الناس تضحك لهذا وتبش لهذه وتمازح هذه ولكن معنا نحن بناتها غير ودها تشوفنا أحسن بنات بس يمكن أسلوبها كان قاسي شوي
أنا الان فوق الثلاثين ولدي أربعة أطفال بس علاقتي مع أمي ما أقول ماهي كويسة بس ماهي علاقة بنت مع أمها
وأبدأ من الصغر أنا كنت أكبر عيالها بنات وأولاد وهذا خلاني أتحمل المسؤولية من صغري أمي كانت كل سنة تقريبا" حامل وكل سنة تقريبا" طفل والله إني كنت في صغري أكره الأطفال من كثر ما شلت وحطيت وطبعا كانت أمي مشغولة بالصغار ونسيتني مأذكر يوم إنها حضنتني والله ما عمرها حضنتني أو لمستني أنا هالحين ما أحب أمسكها أحس شي غريب إذا قرب جسمها من جسمي والله ما أحب أمسك يدها أبدا" أكتب الآن والدموع تنزل من عيني شي أنا ما أقدر أفسره
قست علي كثييير كانت تسيني قدام الناس أحس إني عمري ما عجبتها عكس أخواتي رغم إن الكل يمدحني بس كانت الصفة الي لازمتني الحزن كانوا دايما يصفونني زميلاتي الحزينة
وبعد ما تزوجت تغيرت لأني لقيت زوج أعطاني الحنان الي كنت فاقدته
بس جلست كل فتره أحلم
امي في الليل إنها تخاصمني وأجلس أبكي أحيانا بعد ما أصحى ألقى دمع في عيني
الان علاقتي معها رسمية وفيها نوع من التكلف أنا أحاول والله العظيم أبرها بس شي داخلي يخليني ما أحبها غصبن عني والله كنت أول ما تزوجت أقولها مشاكلي بس الحين لا يمكن أحكيلها عن شي يخصني وصرت ما أبغاها تقلي شي وهي تتحسس من الكلمة الي أقولها ولا تتحسس من أخواتي