قصتي مع أمي ادعو لها بالرحمه

بدون مقدمات بفضفض مضايقه وألي بكتبوه صعب افضفض فيه لأي أحد لأنه يعتبر سر ميت:( أنا بنت وحيدة أمي وأبوي كنت صغيره ومدلعه وطلباتي أوامر كانت كلمتي تمشي بالبيت من وأنا صغيره كان ابوي ياخذ شوري حتى في تفاتيف الامور ومرت السنين ويوم وأنا في سنه رابع ابتدائي يوم خميس الساعه 3 الليل تقريبا والله وتالله وبالله عمري 22 ومانسيت وعجزت انسى حتى الوقت في تلك الليله أبوي كان مسافر وأنا وامي بس في البيت وفي ديره بعيده عن أهلناصحيت أمي مو جنبي اتلفت البيت كان هااااااااااادي وموحش وظلام وخرجت من الغرفه ومشيت ومشيت وصلت لباب مجلس الرجال وسمعت همسات وضحكات اصوات ماعمري سمعتها من قبل وصوت رجال ايوه رجال وفتحت الباب وليتني كنت نسيا منسيا قبل افتح الباب ليت الله اخذ عمري قبل افتح الباب أمي معاها رجال غريب ماهو عمي ولاهو خالي ولا اعرفه لا لا لا لحظه شفت وجهه في السوق ايه هذا شفته بالسوق بس كيف وليش ووش جابه وكان وضعهم الله المستعان يومها انشليت صرت متنحه مابكيت ولاصرخت قفلت الباب وطلعت وانسدحت بفراشي بعد ساعه او يمكن اقل من ساعه بس انا كنت اشوفها طووويله الدقايق عشان كذا حسبتها ساعه جات أمي المربيه العظيمه الي مفروض تكون قدوتي الي مفروض افتخر فيها قالت يا فلانه ترا لو علمتي ابوك بيقتلني وتعيشين بدون ام وعماتك يضربونك وابوك يكرهك وبحكم اني طفله قلت مابعلم قالت شاطره واعطتني خمسين ريال عشان اسكت تعرفون شيعني طفله تحترق طفله تموت طفله تشوف رجال يدخلون بيتهم وينامون مع امها والله كنت اصرخ واصرخ واصرخ لكن بدون صوت كرهتها ايوه كرهتها فكنت بالمقابل اشوف ابويه الشايب الطيب الكل يحبه وطيب ويوفر ويسافر ويشتغل ومسعدنا وهي لاحياة لمن تنادي ونا سنه سادس صارت هي وجارتنا مع بعض وانا استخدموني واسطه لهم لمن يترقمون اروح بامر من امي اجيب الرقم ولمن احد يجي اراقب العماره ترا كنت اكره امي كره فضيع واتفشل منها ومابغا احد يعرف انها امي والحي كله يعرف ان امي وجارتها مو مضبوطات ومرت السنين خلاص تالمت تعبت كتمت وامي ذبحتني بطعنها وجرحها لطفولتي وقررت اني اقول لابويبه وتموت احسن لان وجودها يتعبني وقلت لابويه في رجال يجي بيتنا ويجيب ماكنتوش الحلاوه القديمه قالي طيب لاتعلمين انك علمتيني وابوي ركب تسجيل عالثابت ايامها مافي جوالات زمان وامي بكل سخريه واستهزاء عرفت وتطفي المسجل وتكلم ولا خلصت شغلته يعني هيهاااات يمسك عليها شي ونا اشوف كل شي قدامي وقلبي يتعصر هزلت صرت كثيرة التفكير نحفت
وفي نهاية سنه سادس جارت امي زوجها قتلها لانه كشفها وقتلها وصارت فوضه وامي يستدعونها يحققون معها لانها جارتها مره واقرب وحده لها وسنتين وامي ماشيه عالسراط المستقيم ونا ثالث متوسط كبرت وصرت اقدر اتكلم واصرخ وامد يدي بس كبرت وقلبي كله حقد وكره وبغض على امي وانتكست اي للاسوا فصارت تكلم وتقابل في البيت وانا تشدد علي وتشك فيه وتحرمني من كل شي بالمقابل هي تغلط قدامي صرت احب اتحداها وربي مدري شفيني بس كنت في كل مره اكسب التحدي اقول على شدتك هذي مامنعتيني تمنعيني ونتي صايعه منحطه وصرت انهل عليها بالكلام انتي تسوين وتسوين وتمشين بالحرام انا اشرف منك ماتشرف فيك انا ماسكه نفسي ومحافظه على شرفي الباقي عليك امسكي نفسك وبطلي دشره يا ويا ويا ويا ................. واستحاله اسكت الا لاشفتها بكت لابكت انا هنا انتصر وابرد القهر الي بقلبي ومرت السنين في عجل وصرت في ثاني ثانوي امي تغيرت دخلت تحفيظ قران وكانها كبرت وصارت تصلي اول ماكانت تصلي وصارت تحفظ القران وتركت كل شي بس انا كنت صخر كان قلبي صخر كنت بين فتره وفتره لانصحتني اهيج اقلها مسكت نفسي تحسبيني زيك انا اشرف منك وكانت تدمع عيونها وماترد عليه كانت تقول يابنتي انا تبت الله يغفر ارحميني تراك تحرقين قلبي وكنت اضحك وربي قلبي يتمزق بس مدري ليش كنت اسوي كذا ونقلنا لمدينة اهلنا وتخرجت من الثانوي وكانت امي وقتها داعيهوالكل يحبها وكانت معروفه بطيبها وحفظها للقران وصلاتها بس انا الوحيده الي كنت اكرها واتجاهلها دخلت الجامعه وعرفت بنات اشكال والوان وانا صورة هذاك الرجال ماراحت من بالي الي شفته اول مره والله مانسيته ابدن ابدن ومره وانا اسولف مع وحده ورتني صورة رجال انا شفته وتوقف قلبي هو ايوه هو الي كان مع امي والله هو بس تغير كبر وصار سكسوكه اول ماكان الا شنب قلت من هذا قالت هذا ولد اختي الكبيره ندور له عروس قلت كم عمره قالت شايب وتو بيتزوج انا بالحيله اخذت رقمه من جوالها وكنت ابغا انتقم ابغا انتقم كيف ووشلون مدري بس ابغا اطفي القهر بقلبي وكلمته وكانت المكالمه الو رد هلا قلت كيفك قال تمام مين الحلو قلت تعرف فلانه الي هي امي وانصعق قال منو قلت انا بنتها ياكلب وانهليت عليه بالسب واسب وابكي وابكي وادعي عليه وعلى امي رد عليه وهو يضحك قال شفتي امك تريك ........ زيها ومات ضحك ونا انهرت وكهت امي اكثر واكثر واكثر مع انها تابت والله تابت بس انا الشيطان كان معميني يالله يالقهر ليش ماسامحتها ليش ليش جرحتها ليش بكيتها ليش ليش المهم وغيرت جوالي واستمرت الحياه عدت اول سنه جامعه وانخطبت وملكت من رجال ملتزم وكان يمدح امي ويثني عليها ويقول لو امك واخلاقها ماكان خطبتك في نفسي اقول ليتك تعرف بس كنت مقوقعه بافكاري وكانت امي تردد كلمه اذا مت يابنتي بتبكين عليه كنت اقولها لا بقوم عرس والله واضحك وكانت تبكي وانا اروح ابكي ع فراشي ابكي ع قسوتي ابكي ععلى قلبي الميت واخيرا تحقق الحلم وامي حملت وفرحت وبعد 4 شهور من حملها جلس اقلها من منو حملتي هاه اعترفي لا افضحك كانت تبكي وتدعي لي وناكنت اعصب واهيج واشتعل واحترق ومع الوقت كني التهيت عن هالافكار وبالشهر الثامن امي جاها جلطه ودخلت المستشفى يومها انا انهرت وجلست ابكي وابوس رجلها واقول يمه سامحيييييييييييييييييييني تكفين سامحيييييييييييييييييييييني الله يخليك سامحييييني كنت اصرخ وابكي بس خسساااااااااااااااااااااااااااااااااااااااااااااااااااااااااااره امي ماكانت ترد زي اول ماترد جلست في العنايه 18 يوم ولدوها قيصري والنونو بالحضانه وامي شبه ميته عالاجهزه بس كنت اروح لها وابكي ابكي عالعذاب الي عذبتها ابكي لاني ما اسعدتها بعد ماتابت ابكي لاني ماعندي احساس كنت اقولها يمه قوومي والله مازعلك يمه صار عندي اخت حلوه تشبهك يمه قومي عشان نروح السوق نشتري لها الملابس وننبسط يمه ابوي اثث بيتنا يالله يمه البيت مو حلو يله قوومي والله يمه انا تغيرت تغيرت والله اني ابكي عليك وقلبي يتمزق عليك يالله يمه قووومي ولكن ................. كنت انهار بالبكاء ولا احد يجيب 18 يوم واخر يوم شفتها كانت مبتسمه ومفتحه انا هنا قلت امي بخير وبتقوم ان شاء الله اليوم احسها متحسنه احس في نور ونا جالسه اقولها يماااااااااااااااه يله عشان تشوفيني وانا عروس بصير عروسه يمه وبختار لك الفستان الي تلبسينه وبتصبغين شيبتك وابتسم اقول انتي تقولين شيبت وانتي ماشيبتي يالله يمه عندك وحده تونسك بعدي ماتطفشين وفجئه هجووم من الدكاتره والممرضات كنت اقول شفيه شفيه شفيه وغطوها وطلعوني برا انا هنا صرخت وصرخت وصرخت وصرخت ماااااااااااااااااااااااااااااااااااااااااتت امي مااااااااااااااااااااااااااتت راحت وخلتني مع حزني والمي وماساتي راحت وخلت لي امانه اختي الصغيره راحت قبل ماضمها ماعمري ضميت امي نفسي اضمهاااااااااااااااااااااااااااااااا وابكي واقلها سامحييييييييييييييييييييني والله انا احبك يمه والله احبك بس انا مدري شفيني ومرت ايام العزا الكل يبكي بس انا بكائي كان غير غير غير ومرت سنه وانا اربي اختي ورفضت اتزوج ومازالو يحاولون ونا رافضه ابتطلق واربي اختي كنت اعشقها عشق جنوني وكنت احزن على ابويه وتزوج ابويه وكانت زوجته صالحه الله يوفقها وصارت اختي تقلها ياماما وامي كل يوم يتفطر قلبي عليها ادعوا لها الله يرحمها ويغفر لها وادعولي والله تعبانه تعباااااااااااااااااااااااااااااااااااااانه