قصتي مع أهل زوجي ورايكم

السلام عليكم أضع مشكلتي هاهنا وأطلب منكم الرد عليها أخواتي أنا ساكنه مع أهل زوجي في نفس العماره زوجي ولدهم المسؤول لي 11 سنه متزوجه لم أقصر معهم بشي جلست قرابه خمسه سنين أطبخ لهم أدرس أولادها الصغار أسويلهم مكياج كم كنت ساذجه كنت أنكرف كرف ولمن كبروا البنات وانخطبوا ادبشلهم موديلات وأسواق وكل شي ولدت باثنتين من أطفالي عند امي ولمن حملت بطفلي الثالث قلت حولد في بيتي شوفي كيف انقلبو لا تولدي عندنا نحنا شايلين همك وهاتك ياكلام تخيلو اغلب مقاضي النفاس لوحدي أنا وأهلي تقضيها والله يسامحها أمه ماتخلينا نرتاح عندهم شقه لها عشرين سنه ماحد صلحها لمن دخل شهري تخلي زوجي يصلحها تكسير والخ وشوفي التعب كيف وانا ثقيله وولدها الصغير خطبتله وراحوا كلهم يلبسوا العروس ألشبكه وعشاء ولا قالولي وحلفت زوجي ما يتكلم زعلت مره لم اجد من ياخذ بيدي فقررت ان أروح عند أمي وبعد عشرين يوم رحت بيتي ولا احد روش البيبي ولا احد سال عليا والشغاله زعلت وراحت ولا احد سوالي كاسه حليب حتى تعبت مره غسيل وتعب وجلست في بيتي. بعد ما خلصت الاربعين شوفوا كيف الكلام أنقلب أطلعي عندنا أجلسي أسمري معانا انتي طيبه مافي احد زيك بس قلبي خلاص تعب منهم احسهم منافقين تشوفيهم بس أسئله  ولأجل قرب رمضان ومافي غيري للكرف مع انه عندها بنت كبيره شوفي كيف الكلام يبغوني باي طريقه أنا تعبت من الخدمه رحت عند الممرخه تقلي ظهرك مفكوك وتعب النفسي أخدمهم بصدق وهما ما يبان فيهم وشوشه نيتهم مو طيبه  وتعبت الحين عندي ثلاثه أطفال ابغى رايكم