قصتي مع إبنتي

عظم الله أجركن وأسكنه فسيح جناته والله يصبر قلوبكن

عظم الله اجرك والله يصبرك على مصيبتك ويعوضك..والله يغفر لابنك ويسكنه الجنه وجداني وجميع موتى المسلمين..

الله يرحمه ويجعله في جنت الفردوس الاعلى
سبحان الله كلمت بنتك كانها طالعه مني انا نفس الحاله اخوي المقرب توفي في حادث سياره وهو اشين شي موت الفجئه مات في ليله الخميس كان عندنا جالس ويضحك ومبسوط وكان ياعمري مريض فيه انفولونزا كانت يد فيها بندول ويد فيها مناديل وكان بيطلع مع اصحابه الثمامه كانت امي تقوله اجلس انتى تعبان وقام ياعمري وراح مع اصحابه بس تخيلي قبل موته كان جالس معنى ونسولف ونضحك ونعلق على بعض وفجئه راااااااااااااااااااااااااح منا الله يرحمهم ويجعلهم في جنه الفردوس الاعلى يارحم الراحمين
وابكتني كلمات بنتك وكانها طالعه من قلبي تصدقين مشاءالله بنتك عندها احد تحكيله انها فاقدته لكني انا ماقدر احكي حتى لواحد سالني ليه متضايقه وشفيك ماقدر اقولهم فاقده اخوي لاني اراعي مشاعر امي وابوي ماودي يذكرونه ويبكون ونرجع للحزن تبغين بصراحه ودي احضن امي وابكي في حضنها واصرخ واقولهم فقدته لكن ماقدر مادري ليش احسن حتى امي ودها تتكلم وتصرخ انها فاقدته لكن اخواتي واخواني مايعطونها وجه انها تتكلم يعني يغيرون الموضوع على طول زي امي خذت المفرش حق اخوي وصار لها ومره مجتمعين انا واخوتي نايمين عنداهلي راحت وجابته وحضنته وكنا نسولف سواليف عاديه فجئه قالت تدرون ان هاذا المفرش ماغسلته من زمان قامت اختي الكبيره تغير الموضوع وقالتلها ايه بكيفه يالله نروح نوم بس لكني احسنها محتاجه تطلع الي فيها وخاصه ايام العزى كانت كتومه يعني ماصاحت ولاصرخت حتى وهو اخوي سبحان الله مكان وده ان امي يضيق صدرها ابدا يشيل همها حتى يوم ماتت جدتي كان شايل هم امي كان يطالع امي عيونه ماتطيح منها فسبحان الله جى اليوم الي امي حزنت عليه والى الان مانسته وريحته في المفرش وامي تحضنه في الليل وتنام وتوفى وعمره19الله يرحمهم ويجعلهم في جنه الفردوس الاعلى
موضوعك يااختي وكلمات بنتك فجرني في شي كنت كاتمته ودي اشكيه لاحد وهل تسمحين استعير كلمات بنتك واحتفضبها لي

الله يرحمهم ويجعل قبورهم روضه من رياض الجنه وينقيهم من الذنوب والخطايا كما ينقى الثوب الابيض من الدنس ويعوضهم شبابهم في جنه الفردوس الاعلى يارحم الراحمين واللهم اغفرلهم وارحمهم واجعل حياتهم في الاخره احسن من دنياهم يارحم الراحمين

والله هذا حال الدنيا الله يرحمنا جميعا.....

كل من صادفته يشكو همه***ليت شعري هذه الدنيا لمن؟