قصتي مع ابوي وقطيعتي له ؟ انا غلطانه ؟

ابويه من وانا صغيره كان يضربني ضرب مبرررح
بأي شيء قدامه !!!! لين انكتم ومقدر اتنفس واطيح بالارض
يشد شعري ويضرب راسي بالجدار بالقوة ويسحبني مع شعري من غرفة لغرفة يضربني بالسلك ويخوفني بالسكين وبالسلاح ....
{وبالشارع يصرخ عليا قدام الناس و مرا ضربني في الحرم ع ظهري ودفني بقوة لاني بس امشي بشويش ؟؟؟وانا عمري ١٣ ومتغطيه والناس يطالعون فيني وع ابوي !!!! عمري ماراح انسى نظراتهم !!!
ثمن وبعمر ١٤ قال لامي ان جاء عريس لي وامي فرحت !!
انا بكيت وقلت مابغى انا لسى صغيرة بمل جامعه وبعدين بتزوج قال المره مالها كلمة عندي ويوم الشوفه يوم قلت مابغى اشوفه ضربني بقوة وقال البسي وان جيتك ومالبستي تشوفين وش يصير فيك ... لبست ورحت وسلمت ع زوجي وبعمر ١٥ انا في بيت زوجي
م انسى ليلة الزواج يوم كنت بالقاعه وقاعدة ابكي اترجي امي ماتخليني ... وامي تدفني وتضحك وتقول روحي لزوجك واترجى خالاتي ويسحبوني مع يدي بقوة وانا ابكي ..... (صح امي بعد كانت تقذفني بشرفي وتسبني وتخاصمني وتضربني لكن سوت حسنات نستني سيئاتها )
المهم جاء ابويه يركبني السيارة وانا ابكي وابوس يده اقوله ابويه الله يخليك لا تخليني انا مو بنتك ؟ ي ابويه الله يخليك ي ابويه وابويه يدفني ويقول اركبي ويعطيني ظرف ويقول هذي هديه مني لك !!! وسكر باب السيارة وانا ابكي طول الطريق وخايفه ......
والهديه كانت من فلوس مهري الفين ريال اللي بقت 🙂
سامحته ي بنات ع كل شيء وكان ماصار شيء
بعد الزواج برضو يضربني ولدت وبرضو يضربني قدام ولدي !!!!!! ليش طلعتي بدون اذني ويضربني يتفل بوجهي يدق راسي بالجدار يطش العصير بوجهي
مرا تفل علي طبعا كل هذا بعد الزواج ...وجات التفله ع وجهي بالتماام 😊 والتفله الثانيه جات ع ملابس اختي بالغلط قمت وغسلت وجهي واختي زعلت وراح لها وقالها انا اسف ماكان قصدي انها تجي عليك وانما ع فلانه... اللي هي انا 😊
مقدر انسى ذا الموقف !!!! هذا وانا عمري ١٩ واختي اصغر مني !!!!!
عمره مامد يده ع اختي الا مره وحده بس ويعتذر لها و يلبي لها طلباتها ويخليها ع راحتها تروح وتجي واذا لقاها برا الشارع يسالها رايحه وين تقول المكان الفلاني ويمشي بينما انا وانا متزوجه رايحه اجيب لولدي حليب من الصيدليه لان له ٤ ساعات يبكي جيعان !!! وامي قالت لي الحقي ع ولدك ابوك بيتاخر ورحت ونزلت ولقيته عند باب العماره وقال لي وين رايحه قلت له الصيدليه وقال امشي اوديك ووداني وشريت الحليب ويوم وصلنا البيت ضربني وقال تطلعين بدون اذني برا البيت هاه ؟!!!! فجاة كذا قلب علي !!!!
وفوق ذا سامحتههه 😊
لين صار عمري ٢٢ وجات ولادتي ... وكنت عند ابوي طبعا ابوي كان قبلها متصل ع زوجي وقاله قول لفلانه لا تجيني تطلبني اوديها مستشفى خاص اذا مرا مرا وديتها ع الحكومي غير كذا ماعندي ولا تجي تكلمني ع الخاص ولا بيصير زعل بيني وبينك مايعلم به الا الله !!!
وزوجي حلفني ما اكلم ابوي عند الولادة لاني بولد خاص طبعا جاني الطلق وابوي كان في البيت ... امي قالت له اني جاني الطلق قال وين زوجها ؟ وهو عارف ان زوجي مسافر !!! قالت ماتعرف انه مسافر قال ليش مايجي يوديها وبعدها بكم دقيقه جات اختي عنده وقالها سكري النور ابغى انام ... مشينا بالتاكسي انا واختي وامي
المستشفى اللي رحنا له كان تعاملهم جدا سيء !!! قررت اولد بمستشفى يبعد عن منطقتنا بساعه ورحت رغم رفض امي .... رحت مع اخوي وجات امي معاي ....
ولدت هناك وكانت احلى ولادة بالنسبة لي 😊💔
يوم الخروج ابوي قال من قال للملعونه تروح هناك ولاحد يروح يجيبها خلوها تنام بالمستشفى وان رحتي لها مايصير لك خير امي قالت لها الحين بنتك ولادة وتتكلم كذا ؟ فلانه مو بنتك ؟ قال لا انا اولادي اللي قدامي وبس وكانوا اخواني متجمعين
طبعا امي ماسمعت كلامه
وجاء وقت الخروج وتاخرت امي علي ٧ ساعات ..
قررت امشي لحالي وامي تهجدني وجات واخذتني ورجعنا وابويه حتى ماجاء سلم علي !!! رغم ان مابيننا شيء ولا حصل اي زعل بيننا مرت ثلاثه ايام بالثلاثه ايام هذي انا صرت افكر باللي صار حسيت اني من جد خلاص كرهت ابويه !!!!!!! وقررت ماعاد اكلمه ولا عاد اسلم عليه ولا حتى ابغى اشوفه ....
اليوم الثالث شافني بالغلط !!! وقال مبروكه ؟؟؟؟!! طنشته ولا طالعت فيه من بعدها مشيت ع بيتي والحين لي ١٠ شهور ما اكلمه وان جيت اسلم ع الكل الا هو مااسلم عليه محيته من حياتي وكرهته صرت اتذكر كل اللي سواه فيني !!! واكرهه اكثر واكثر ..
يوم كنت صغيره كنت احبه كثيييير كان احب انسان لي هو ...
كنت حتى البس ثوبه وانام فيه كنت احبه ...
لكنه حطم كل شيء وانقلب الحب كره 😊
مااتذكر شيء حلو اتجاه ابوي ... عمره ماعطاني هديه بالمقابل يعطي اخواني واختي ....
الان وانا عمري ٢٢ احس مشاعري تجاه ابوي جدا سلبيه افكر مع نفسي انه لو مات ماراح ابكي عليه كثر ماراح ابكي ع اللي سواه فيني ع تعذيبه لي وتزويجي وانا صغيرة والمعاملة السيئة تجاهي والتفرقه بيني وبين اخواني واختي ؟!!!!
بذكر شيء كان يصير معي اول .... اذكر ي بنات كان يضرب امي قدامي وانا صغيرة وانا بالمتوسط وبالثانوي !!!! ولما يضربني يقول انتي زي امك !!!!!!
انا صرت اشك انه مو ابوي احيان افكر اسوي DNA عشان اتاكد اذا هو ابوي صدق ولا لا !
برايكم اللي سويته غلط ؟ وهل ربي يعاقبني ع كرهي له ؟ وبرايكم من المسؤول ع وضعي الحين ع الاطفال اللي جبتهم وانا صغيره ع الالم اللي انا اعيشه الحين؟
سامحوني بنات ادري قصتي طويله لكن لو احكيكم من الحين لبكره ماراح اخلص ... وربي ماشكيت لكم الا انه طفح الكيل عندي وكل يوم ابكي ع اللي صار فيني ماني قادرة انسى اللي صار فيني من الظالم ابوي