قصتي مع استودع الله

هذا الله يسلمكم تنو مت مع بنتي بتسوي عمليه وتعرفون السرقات في المستشفيات من قبل الخادمات وقبل أنام كنت حاطه فلوس حوالي ثلاثين ريال في درج الدولاب جنب سرير بنتي وذيك الليله كنت تعبانه أبغى أنام مواصله لي يومين لأني كنت قلقانه على بنتي والحمد لله سوت العمليه وابغى ارتاح لكن كان قلبي ناغزني خائفه أنام وينسرق الجوال او الايباد حق بنتي فحطيتهم تحت راسي ونسيت الفلوس والله سبحانه الهمني أني استودعه اشيائي فقلت قبل أنام اللهم أني أستودعك جميع اغراضي ونمت نوم عميق ماصحيت الا على قربعت الخادمات وهم ينضفوا الغرفة قبل أذان الفجر وانتبهت ان الدرج فاضي مافيه فلوس وناديت الخادمات وسالتهم وأنكروا وظطريت أني ابلغ الممرضات مو عشان الفلوس لا والله بس عشان يتادبوا وبالفعل فتشوهم ومالقيوا معاهم شي وفتشوا شنطهم وماحصلوا شي وانا أساسن كنت متأكده من وحده فيهم وقلت للممرضات وربكم الهم وحده من الممرضات وراحت فتشت غرفت الخادمات وحصلت فلوسي مع فلوس ثانيه فوق المئة ريال وبرضوا مازالت تنكر لكن الممرضات قالولي ان لها سوابق مو اول مره تسويها وكتبوها محضر ووقعت عليه وفلوسي رجعوها لي ووزعتها صدقه عن بنتي على باقي الخادمات قبل اخرج من المستشفى والحمد لله انه حفضلي بنتي وباقي اغراضي عشان كذا يااخوات مهما حرصتي على أغراضك لابد ان تستودعيها الله معليش طولت السالفة وهيه قصيره بس عشان تستفيدوا استودعكم الله اللذي لا تضيع ودائعه