قصتي مع اسناني.. وأريد علاج لبياض الأسنان

السلام عليكم... كيف حالكم حبيباااتي
بقولكم قصتي مع اسناني آمل ان تساعدوني
من وانا صغيرة اسناني كانت مفرقة وغير مرتبة ركبت تقويم وانا بالصف ثاني متوسط ونزلت التقويم وانا بالصف ثاني ثانوي يعني 4 سنين مانزلت التقويم بدري لاني اتأخر عن مواعيد وبعد مانزلت التقويم لقيت اسناني مرتبة ولكن .....


لاحظت سني الامامي مسود مالاحظت السواد الا بعد مانزلت التقويم رحت عند دكتور ثاني قالي عندك العصب ميت والسبب مجهول قال الدكتور ممكن خبطتي في احد ف مات العصب بس انا مااذكر شي طيب والحل ؟؟
قال لازم نسحب العصب الميت عشان يروح السواد وسحبه
النتيجةةة !!
خف السوااااد قليلا بس لازال موجود وواضح كمان
رحت عند دكتورة ثالثة قالت لازم تحطي عدسة ( طبقة ) ع الاسنان عشان يروح السواد ف بردت السن المسود من فوق عشان مايبان اذا حطت الطبقة
النتيجة ؟!!
حححلووه ف البداية بس بعد يومين لاحظت انه السن المسود صار ابيض من السن الي جنبه كلمت الدكتورة قالت عشان بردت لك السن المسود ف صار ابيض من السن الي جنبه وبتسافر الدكتورة قالت اذا ظل تعالي لي بعد ماارجع من السفر عشان احطلك طبقة ثانية عشان يصير نفس اللون ولاحظت باقي الاسنان بدت تصفر ماعدا السن المسود ظل ع نفس درجة البياض
وزواج اخويا بعد 5 ايام ابغى حل طبيعي لتبيض الاسنان سمعت عن زيت زيتون ولكن السؤال
هل ينفع استخدم زيت زيتون ع طبقة الاسنان ولا تأثر عليها ؟ وهل فعلا زيت زيتون يبيض الاسنان ؟
معليش طولت عليكم بس حبيت احكي لكم قصتي مع اسناني وياليت تساعدوني وشكرا