ملكه الاحساس 01 @mlkh_alahsas_01

عضوة جديدة

قصتي مع اقرب انسانه بحياتي للحين مو مصدقه

السلام عليكم بقولكم ايش صار بيني وبين اقرب انسانه لي الى هيا بنت خالي وبنفس الوقت متزوجه اخوي يعني علاقه قوووويه كان مايفرقنا الى النوم والله العظيم كنا اكثر من خوات كنا نخاف على بعض ونبكي مع بعض ونشكي همومنا واكثر مما تخيلوكانت اذا ولدت اشيلها شيل مااخليها تتعب وجابت 5 عيال والله والله كلهم انا ربيتهم ومدلعاها وهي وعيالها واذا بتطلع اشيل عيالها علشان تاخذ راحتها مع زوجها كانت تقولي امي ماتسويلي الى سويتيه كانت تنام حتى وقت الغداء وتجي تاكل وتمشي بيتها جنب بيت اهلي كنت انا امر بمشاكل وضغوط بعد طلاقي كان امي مو متخيله اني اطلب طلاقي من ولد اختها بعد ماوراني الويل وامي تعرف انه مو بصاحي وكانت بس تضغط علي وتبهذلني الله يسامحها كانت تقولي امي احس انك خانقتني واشياء كثيره المهم زوجه اخوي طلبتني لاخوها
|تزوجته من قهر امي لي والحمدلله انا
سعيده مع زوجي ونسيت ايام قهري والفضل لله ثم زوجه اخوي سافرت وهيا تبكي لما سافرت ورجعت ازورهم انا وزوجي كل ماشافتني انا وزوجي تتضايق وتتغير علي بس مدري وش فيها قالت ليش اخوي يحبك مره تقولي انا اغار منكم كنت احس انها تمزح المهم بعد ولادتي كانت تجي وتقولي يالله قومي نظفي البيت مسويه نفسك تعبانه اصلا انا مااجيهم الى كل شهرين وكانت ماتسولف معي وتبعد عني وكل مالبست وتزينت قالت انتي جننتي اخوي وراك انا اوريك كنت احسبها تمزح كنت والله ماازورها الى وانا جيبتلها هدايا وهي وعيالها المهم تخيلو انا وزوجي بحياتنا ماتزاعلنا واول مانجيهم تخيلو نفس اليوم مانقدر نجلس مع بعض ولانتكلم مع بعض حتى نسافر والله اول مانمشي من عندهم ننسى زعلنا سبحان الله المهم زرناهم في رمضان وتجمعنا انا وحريم اخواني عند اهلي كنا مبسوطين اول ماسافرنا كلمني ابو زوجي الى هو ابوها وقالي اني سبيته ولعنته حلفتله اني ماسبيته ولا بحياتي بسويها قفل بوجهي كلمت ابوي وقالي اجيهم واشوف السالفه تخيلو اول ماكلمتها قلتلها ابوكي يقول اني سبيته تخيلي قالتلي وانا وش دراني وقفلت بوجهي وتفاجات من اسلوبها المهم يوم كلمها زوجي قالتله اني سبيته هوبعد واتكلم عنه كلام مو زين وتقوله اني سبيت ابوه وقالتله لو مكانك بطلقها واالله ماصاركل هذا انا انهرت ابكي اصلا زوجي ماصدق فيه انا مو مصدقه انا اقرب انسانه لي سوت كذا وكانت تقول عني كلام عند اخوي ودوم زعلان مني كل ماسالته قال ولاشي يوم جيت لخالي بفهمه واحلفله اني ماقلت خاف بنته تطلع كذابه وتتفشل قدام اخوي واهلي وتصيرلها مشكله بسرعه انهى الموضوع وطردني واخوي صارحني انها كانت تقول عني اني مااحبه ومااطيقه المهم بالنهايه عرفت انها كلمت زوجه اخوي الثاني وقالتلها ابيك توقفي معي حتى يطلقوني من زوجي وتشهد معاها بس هيا ماوافقت وقالتلها ليش قالت اني ممشيه زوجي بكيفي وانا مخلياه خاتم بيدي قالت لها خليهم في حالهم ماتدري اني معيشه اخوها ملك وزوجي بهذلها وماعاد يكلمها وانا مو متخيله الي صار من اقرب انسانه لي كل ماقريت رسايلنا بكيت كل شي بحياتي يذكرني فيها صرت اضايق اروح عند اهلي مابي اشوفها اخوي ضغط عليها تعتذر مني بس انا مو قادره اتحملها او اسامحها وش رايكم بالله عليكم كلهم يبوني اسامحها وانا مو قادره انتم وش رايكم لاني الشهر الجاي باروحلهم مره نكدت علي شهور وانا ابكي الحين ابو زوجي مقاطعني انا وزوجي بسبتها وخوات زوجي قاطعوني مدري وش قالتلهم عني ارجوكم وش رايكم ارسلت لها رساله قبل فتره تذكرها بحياتنا ماردت علي :angry2:

يلزم عليك تسجيل الدخول أولًا لكتابة تعليق.

تسجيل دخول

ميرندافراوله • 14 سنة

اذا اكرمت الئيم تمردا

اكثري من قول اللهم اكفنيها بماء شئت

Arrrwa • 14 سنة

الله يهديها ويكبر عقلها ويصرفها عنكم

نجــديـه • 14 سنة

لاحول ولا قوة الا بالله

الله يصلح ما بينكم ويكفيك شر خلقه

انتي اكثري الاستغفار وانسي موضوعها وتجاهلي تصرفاها حتى لا تزيد من كرهها عليك

ام الكناري 4 • 14 سنة

عزيزتي خل دايم الدعاء هذا معاك
اللهم اكفيني فلانه بماشئت
وبعدين روحي وخلك قويه انتي روحي عند اهلك ويش عليك منها واذا جات اسحبي عليها سلام وخلاص
هي كانت تحبك لمصلحه وعلي بالها تكمل مصلحتها بعد زواجك بس مسار الي تبغاه عشان كذا قلبت عليك
اذا اكرمت الكريم ملكته واذا اكرمت اللئم تمرد
سمعيها دايم هذا المثل
ولاعاد ترسلين عليها رسايل الي سوته صعب تنسينه
اهم شي انتبهي لزوجك
وعمك حاولي تروحين له ولاتكلمينه وتقولين اعرف انك عارف ان بنتك كذابه بس لاتوقف مع الظالم دعاء الظالم مابينه وبين الله حجاب
و***** الله ربي ينصرك قولي دايم
حسبي الله ونعم الوكيل
وتقبلي مروري

نفسي اشوف امي • 14 سنة

لاحوله ولاقوة بالله والله موقف لاتحسدين عليه ماني عارفه ويش اقولج