قصتي مع الإجهاض المنسي....اللهم آجرني في مصيبتي وأخلف لي خيرا منها

السلام عليكم ورحمة الله وبركاته ....وبعد ..

علني أجد لهذه الحروف التي تختنق في صدري متنفس بسيط لها ..عبر سماع دعواتكم ..وجميل نصحكم لي..

أنا سبق وأجهضت مرتين كلهم يموتون في الأسبوع الثامن ..الأولى عندما أكمل حملي 9 أسابيع نزل معي إفراز بني وأستمر في النزول وذهبت

للمستشفى وأخبروني بأن الجنين متوقف نبضه وميت من أسبوع فحمدت ربي وأجروا لي عملية تنظيف ..

بعدها بفترة بدأت أحس بالآم في منطقة الأرحام وأسفل ظهري في غير موعد الدورة ..وكانت تضايقني..

ثم..شاءت قدرة رب العالمين بأن أحمل للمرة الثانية ..والحمد لله وبعد ما أكملت شهرين ونصف نزل معي دم زي المويه

وخفيف وتوقف ولم أسعف نفسي بأخذ مثبتات وقلت في نفسي اللي كاتبه ربي يبي يصير ..وكنت أشعر بالآم في

معدتي شديدة ..وأحلام وكوابيس مخيفة ..وكنت أتكلم وأنا نايمه واتهاوش مع ناس ويصحى فيني وزوجي ويسمع

كلامي وبعدين يصحيني من النوم وأتضايق بالمرة..والحمد لله واللي كان يزعجني بالمرة اني كنت دايمآاصحىمن

النوم وانا اتمغط .ثم اسمي بإسم الله واقرا على اللي في بطني ....لحد ما كملت 11 إسبوع ..وبعدين نزل معي دم زي الدورة

..ونوموني في المستشفى وسولي سونار وقالوا الجنين مافيه نبض وبعدين سوو لي من بكرة اشعه فوق صوتية وقالوا لي انتي حالتك غريبة

ماندري وش اللي فيك وبدوا يعطوني مثبتات وقالو لي نبي نسويلك للمرة الثالثة سونار داخلي من بكرة ..وبعدين جاني نزيف في ذيك الليله غزير بالمرة زي البزبوز..من الساعه 3 الفجر

ولحد الساعه 10 ونصف الصبح وهم مخليني على السرير وما اتحرك ويعطوني مثبتات ومغذيات وحدة ورا الثانية

وبعدين نزلوني على شان السونار الداخلي وكان وقتها النزيف يطلع معي زي قطع الكبدة اكرمكم الله وقالو لي الجنين ميت من ثلاث أسابيع ..ومن بعدها

قرروا يعطوني طلق صناعي على مرتين لحد مايسون لي العملية بكرى ..عاد قالت لي وحده اطلعي للبيت

واستخدمي دوا شعبي ..وطلعت واستخدمته وياليتني ماستخدمته ..سبب لي مغص واسهال ونزيف أشد من

اللي قبل ...

وبعدين رحت لللمستشفى وكان الضغط نازل ودقات القلب ضعيفه وارتعد من شد النزيف ..وبعدين عطوني طلق

صناعي وسوو لي عملية التنظيف ..والحمد لله على قضائه وقدرة