السلام عليكم صويحباتي واسعد الله صباحكم
انا اسئل نفسي دااااااااااايم
ليش الواحد اذا تمنى شي في حياته مايحصله او يحصله بس مو كامل يعني ناقص؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مافهمتو قصدي هاذي قصه وحده من صديقاتي تحكي لي وحبيت انقلها
بس هي الي قالت انا ابكتبها باناملي من القلب للقلب عشان تكون
اوضح اكثرلبنات حواء........... انا كنت قبل مااتزوج يعني لسا بنوته صغيره ورده متفتحه
كنت اتمنى زوج فيه كل المواصفات الحلوه واهم شي الي كنت اتمناه اتمناه اتمناه
زوج من طبقه راقيه واسمه حلو مايهمني وسامت شخصه لا لا اسمه اهم شي عشان اتفيخر اذا نطقت اسمه عند قرباتي وصديقاتي
ويكون غني وساكن في حي فخم من احياء الرياض الراقيه وبيتهم جمييييييييييييييييل
واهله ناس على موستوى من الجاه والاناقه يعني يشرفون
وكنت اتمنى والله اهله يكونون كثيرين اخوان واخوات
يعني بالعامي حموووووووووله صح
وغرفتي بعد كنت اتمناها راقيه وجميله واثاثي صح ويفتح النفس
واسوي لي زواج فخم وزفه وبهرجه
واهل زوجي اذا جو لزواجي يفتحون النفس كشخه واخر حراكات
بس ما صار والله العظيم ولا شي من هذا كله
صدق تقدم لي واحد وسيم وعجبني وارتحت له مره اهم شي في الموضوع
بس ياتيكم الاتي
جو اهله وشفتهم امه امراه كفيفه بس تفتح النفس يعني تدخل القلب على طولراعيه طاعه وتخاف الله من شكلها واخوواحد
زوجت اخوه عاديه جدا
ماعنده الا اخت وحده وعاشه في اخر الدنيا طبعا متزوجه
عطوني مهر عادي جدا بحكم اني اسكن عندهم يعني مافيه بيت
مستقل معصي يبغى امه حبيب امه واهلي ما شرطو عليهم
لسا يجيكم الباقي.........
لامكالمات ولا اتصالات واسمه عادي جدا جدا لاو كثير عندنا في العائله ولا كنت احب الاسم ابد لانه شعبي
تزوجت مااعرف عنه اي شي فقط وظيفته تمشي الحال
ولا شبكه ولا شي يعني قراوى
حددوا يوم الزواج وراحوا اهلي يرتبون غرفتي ويحطون عفشي رجعت اختي وانا عند الباب ابي الاخبارشفت وجهها مايبشر بخير سئلتها ها وش الاخبار قالت كل شي زين وهي مكشره وعرفت ان الدعوه ماتبشر بخير......... وجاء يوم الزواج
دخلو اهله عاديين جدا ولاتسريحات ولاشي والاغلبيه حريم كبار تقريبا عشر حرمات
المهم دخل عريس الغفله سلم وهو مستحي ولبسني طقم كبر جدي ماعجبني ابد احس انه قديم الظاهر كرسي فهد مدري كرسي محمدهههه
بس قديم في قديم المهم قال يالله نمشي للبيت قلت نمشي
واحنا نمشي بالسياره عيوني في الاحياء ياربي وين بيتهم احلم ببيت حلو مو لازم قصر يعني شي يعوض عن شي ياربي وين ساكنين وكل ماشفت فله حلوه تمنيته بيتهم وعلى هذي الحاله الين
لف يمين ودخل سكه تجيب الهم والغم ووقف عند باب فله قديمه والحي قديم يجيب المرض
وفتح لي الباب ونزلت وانا ضايق صدري واحس ان احلامي كل شوي تنقص
واطلع على فوق ماانتبهت للدور الارضي كنت في هم وادخل قسمي واتفاجأ عباره عن غرفه نوم لابأس بها لونها ابيض والموكيت خفيف كحلي والغرفه الي بجوارها مجلس بيج وبني من اسواق دايل مساند كئيبه وموكيت من اول يعني قديم موجديد فيه حرق وحاطين فوقه زوليه
بالله فيه ناس كذا وش يسمى هذا بخل ولا سماحه ولا قله ذوق انتم جاوبوا
والادهى والامر دوره المياه كرمتو اااااااه ه ه المروش ضعيف وبارد كان زواجي على دخول البرد وغسالت اليدين صغيره كنها حقت العاب بنات ..شباك كبيييير ولا مروحه شفط ولا شي واعظم من هذا كله الحمام مشترك مع اخته يعني تدخل القسم وتشاركنا في الحمام اااااااااااه ااااااه جاب لي العشاء على طول تقل له سنه ما اكل انا طبعا انسدت نفسي ولا اكلت مجرد اتفرج عليه وهو والله ماكلف نفسه يقدم لي ولا لقمه ولا قطعه بس يسولف وياكل
وانا مجرد ابتسامات هنا وهناك
مجرد ماخلص على طول طلع باقي الاكل واخذوه اهله ولا شفت شي وافتح الثلاجه ولا احصل الامويه وعصير مشكل تذكرت يوم كنت صغيره دايم ابوي يشتريه لاخواني الصغار
المهم مع السولف داخ ونام وانا مانمت احس اني في حلم واسئل نفسي وين احلامي ولا شي تحقق ولا شي
ودموعي تنزل ولا اقدر اوقفها وين اليالي الحالمه:26:وين اليالي الرومانسيه عاد انا مااستاهل جمال وجسم وكشخه وشهاده بس الحظ والله انه الحظ
المهم مع التفكير ماادري كيف نمت والااقوم على خبط الباب
نعم ...مين ... الا واخته رايقه جايبه الفطور الساعه تسع مادري عشر وافرح جايعه وافتح والقى هذاك الصحن المعدن القديم وادخله
والحمدلله لقيتها راحت ماشافتني
واخذ الفطور واصحي عريس الغفله وقام يفطر وانا من شفت الفطور واشبع على طول والله انها مو تكبرعلى النعمه لا والله بس العين تعجب بالشي قبل البطن
تخيلت اول ..... كنت احلم يجيني الفطور قطعه كيكه تشيزبالاناناس مالحه وحبتين كروسان قليل مربى وبعض حبات الزيتون الاخضر والاسود وقطع من الجبن المالح وبعض من البسكويتات وكب شاي من الصين الفاخر وكاس عصير فرش مع قطع من الفواكه يعني تمنيات حاجات بسيطه كنت اشوفها قبل الزواج عند اهلي
الا اشوف ذاك الصحن المعدن وطقم من صحون الاستيل القديييييييمه من فول اسوود الله يديم النعمه وجبن ماصل وبيض بارد وشاي اسود كله سكر وخبز من امس ومسخنينه
واغتم زياده ولا اشتهي اكل
المهم نزلت بعدها بحجه اسلم على امه وابوه وياليتني مانزلت
الاالبيت على وجود خادمه الا انه غير نظيف واذكر كلام اختي واستاء اكثر واكثر جلست في الدوانيه هم كذا يسمونها ومدت اخته فنجان قهوه شكلها مو حلو مافيها الزعفران والتمر اشهب واسود وحياتي كلها صارت اسود في اسود
وقام اهو يوريني البيت وياربيه وش اشوف كل قسم اخس من القسم الثاني لا مجلس حلو ولا مطبخ حلو
معقول فيه ناس كذا كل شي قديم قديم وشين قراوى من جد ولا نظافه ولا ذوق كل شي ترقيع بلاط الحوش مرقع وسقف الغرف مافيه جبس والابواب الخارجيه قديييييييمه وكلها تراب يعني الشغاله تخذ راتب على الطل
المهم رجعت لغرفتي متضايقه وساكته واسرح بس اسرح وهو يسئل وش فيك وارد مافيني شي المهم
جا اليوم الي رحت فيه ازور اهلي ومن دخلت وانا افكر واهوجس
واخواتي وامي وش فيك بس يسئلوني والله اني ماابتسمت ولا حكيت ولا كلمه
وخذتني امي على جنب وسئلتني وشفيك بعدين بكيت وضمتني قلت لها ليش يمه تزوجوني هذا اهله قراوى يسدون النفس وهو بعد نايم لي بجالبيه ولا فكر فيني حتى غرفتي مره عاديه ليش يمه ما رحتوا قبل الزواج تشوفون البيت الي بتسكن فيه بنتكم كنكم ما صدقتو على الله اني اروح وافارق وانا ابكي مره
بعدين خلتني امي الى ان هديت وقالت لي
اسمعي يابنتي الزواج مو اثاث وخرابيط الزواج ستر واهم شي هو عاقل ولسا شاب وشكله مقبول وعاقل
واهله يابنتي ناس اجاويد والنعم فيهم وبعدين كيف نروح نشوف بيتهم هذا مو من عاداتنا ولا تقاليدنا وانتي مع العشره غيري وبدلي وخالتك حرمه حبيبه ولا راح تعارضك بس الله الله بالعلم الغانم والادب بعد تراه ياحبيبتي راتبه مو شي واهله ناس على قد حالهم وهذا نصيبك مكتوب لك
بعد كلام امي ارتحت 137درجه والله يابنات ماكنت ابغى ارجع معاه بس خفت على امي لان فيها ظغط وكمان من كلام الناس الي مايرحم المهم رحت معاه وانا احاول اني اعيش حياتي واتاقلم مع الوضع الجديد وكذا كذا لحد مافهمت هم وحاولت انهم يفهموني بس اتصدقون
اخته وش تقول عني بعد مده من زواجنا واعطتني انطباعها عني تقول اني شايفه نفسي وتحبين الفخفخه
قلت لها يعني الي يحب الزين ويحب السناعه هذا في نظرك شايف نفسه قالت لا البساطه زينه
ماعجبني كلامها لاني كذا عايشه عند اهلي عمري كله وكمان هذا الي تمنيته.......... وانا الحين لي عشر سنوات وما زلت مقتنعه بوجه نظري وما زلت محل اناظر الجميع من ناحيه بيتي
واثاثي وعيالي حتى كرمتو حمامي ومطبخي يعني اذا جو وزاروني يتفرجون في بيتي وبجد يعجبهم واشوف هذا على محياهم حتى خالي يقول هذا البيت والا بلاش
ترى على فكره ماقدرت استمر معاهم لاني ماحبيت عيشتهم وطلعت بعد ماجبت بكري
بس كل ماتذكرت حياتي اول ماتزوجت ادعي ربي انه يرزق بناتي غير عني يعوظهم غيري
لا تقولون يابنات اني مغروره ولا يهم الاثاث والبهرجه انا معاكم بس الوحد اذا عاش في جو نظيف وبيت يفتح النفس حتى لو كان بسيط يرتاح نفسيا حتى علماء النفس يئيدوني في وجه نظري
على العموم حبيت اكتب لكم معاناتي
عشان كل وحده تعرف ان مو كل وحده تتمنى الشي يحصل او تحلم في الشي تحصله ابد هذا يرجع كله للنصيب والحظ ولا تستعجل وتتطلق ولا تعاف زوجها
ترى انا من جد كنت ابغى ارجع لاهلي لانه باقي بكر يعني ما صار شي لانه حنون وخلى ايامنا الاولى بس تعارف عشان كذا شفت الاشياء الايجابيه وعجبتني فيه كثير وطبعا هذا يبين مع العشره ودمتم بود
غمامه @ghmamh
محررة فضية
يلزم عليك تسجيل الدخول أولًا لكتابة تعليق.
القناعه ثم القناعه ثم القناعه
هي اساس الحياه الزوجيه
الله يوفقك مع زوجك وكويس انك قدرتي تتاقلمي الله يسعدك :)
هي اساس الحياه الزوجيه
الله يوفقك مع زوجك وكويس انك قدرتي تتاقلمي الله يسعدك :)
بشرى111
•
هههههههههههه الله يحفظك والله حاسه فيك من جد معاناه وانا حالي من حالك بس الفرق ان اهل زوجي مليونيريه عندهم خير بس مايهمهم شكل البيت ,,استغفر الله ,,وفي الاول والاخير التوفيق من الله واذا الزوج انسان فاهم او فيه امل يتعدل مع الايام يهون كل شي والزوجة تقدر تسوي لها مملكتها الخاصة فيها.
الصفحة الأخيرة
يآآقلبي عليكي
والله الوحدة المفروض من قبل زواجهاا توكل امرهاا لربنآآ
يعني ماتقعد تعشم نفسهاافي بيت وحشم واسم زوجها واهله وتقوول يآآرب ترزقني باالي فيه الخير وانا رآآآضية
صدقيني كانت احلامي برييئة من صغري ماتمنيت الفيلا وشي فووق الخيآل تمنيت اشيااء على قدي وقلت
يآآربي والله اني رآآآآآآآآآآآآضية بمآآ قسمته ليآآ
والحمـدلله عآآيشة بنعمة صح انه اهل زوجي نآس بسيطين لكن الاخلااااق قمة لاقوة إلا بالله عمتي وبناتهاا ..الله يحفظهاا ويزوجهم يآرب
وزوجي كنت اتمناه يكون مثقف وفاهم والحمدلله ياارب لك الحمد
وسبحان الله اعرف وحدة من صحباتي كانت من صغرهاا تتمنى اشيااااء كثيرة انه اهل زوجها اغنياااء وتكون عايشة فين واشيااء كثيرة
وتزوجت واهله مثل ماتمنت ناس مبسووطين بس هوا اتكاله كثير على ابوه مو ذاك الانسآن المثقف امكن هيا فاهمة اكثر منه
يعني من كلامها ماحسيت ذيك الرجووولة ...وانا احب الرحآآل اللي يكووون كل همه بعد الله العلم في امور دينه ثم دنيآآه ....
وبعد ذآآآ كله مآآآفي احلى واجمل وارجل واطلق خخخخ طووولتهاا من ** القنآآآآآآآآآآآآآعة** يآآآآآآه شي مريح وربي لمن تكوني مقتنعة بأي شي و سبحآن الله بعدهآآ بفترة ربي يعوووضك كل خير.............
كآن الله بعوونك حبيبتي وسعتي صدري بموضوعك الحلوو واسلووبك الرآآيق ...:)
الله يووفقك ويسخر لك زوجك ييآآرب ...