اريج النرجس @aryg_alnrgs
محررة
قصتي مع الاستشاريون للاشعة!!حسبي الله // قديم
حسبي الله عليه من مركز الله لا يسامحهم وجعل ما جاني منهم تكفير نعنبو ابليسهم
الحين مركز وللاستشاريون بعد وعلى طريق الملك فهد؟؟وهذي امكانيتهم :angry2:
قصتي اني رحت ابي اسوي عندهم اشعة الصبغة عشان اتطمن على الانابيب أنا اتذكر اني رحت لهم قبل
سبع سنوات كانوا معليهم وكانوا اللي بالاشاعة فلبينيات شاطرين ايديهم خفيفة ولا كنت احس الا بالام
وقتية وخلاص وكان فيه دكتور فاهم تقدرين تتفاهمين معه ولا نطلع من عندهم الا ويعلمنا النتيجة بكل ادب
واحترام
لكن المرة هذي يااااااااااااااارب انصرني عليهم :06:جت هندية اتوقع (هذي اذا ما كانت بنغالية):p
قالت يلا شيلي عباية اطالع في المكان ياناس والله العظيم شفتوا غرف الشقق المفروشة القديمة سكن العزاب
والله مثلها هذي غرفة اشعة في مركز معروف ؟!!!اناظر الا فيه مكان يالله يكفيني احط اغراضي فيه عشان
اشيل البنطلون عشان الاشاعة طبعا من تحت يالله حطيت ملابسي وطلعت الا والطامة قدامي ادوات الكشف
قدامي حاطينها ورى جدار هنا في صحن وبدون غطا وبدون شي مو زي الاغراض اللي اشوفها مغلفة بعد
التعقيم في كثير من المستشفيات واطلع على السرير في غرفة الموت وشوي دخلت سورية اصلا هي والهندية
اول ما جيت طاقينها سواليف مع موظفة الاستقبال وانا طاقينا عشان يخلصون سواليفهم والله ما توقعتهم هم
اللي بيسونها لي يعني سواليف وفيه مريضة تنتظرهم وبعد ما طلعت على السرير بدات الهندية تحط المقص
يا ناس والله مو عارفة تدخله اللي في المستشفى سمعوا صراخي وهي:معليش خذي نفس وانا اصارخ على
السورية واقول خليها تشييييييييييييلة مدخلته بالغلط:angry2:وشالته ورجعته واشوى فهمت وبعدين اشوي
الا والاخت راجعة لي معليش يا مدام ما نقدر نسويلك قلت لييييييييييش قالت نزل كثييييير دم والدكتور كلمته
ورافض طيب انتوا السبب انتوا اللي جارحيني حسبي الله عليكم تتعلمون فينا قالت اسفه قلت مالي دخل
لازم الدكتور يجي قالت لا هو رافض نسويها وفيه الدم ,,عاد هنا قمت بعصبية وطلعت على زوجي قلت
الحين بقابل الدكتور وهو ليش وش اللي صار وليش معصبة المهم قام يراضينا موظف الاستقبال وقال تعالوا
بعد بكرة وتعرفون لازم اسويها بعد الدورة وما اتاخر رحنا يوم الاثنين ولما رحت اول ما شافوني قالوا روحي للدكتور
طبعا عشاني المرة اللي قبل طلبته ولما دخلت عليه بالغصب يتكلم ودخلت وبديت من جديد مع الاخت السورية
عاد مدري هي سورية او اردنية طبعا الهندية ابدا ما عاد دخلت لاني صارخت عليهم المرة اللي قبل وبعدين
سوت لي السورية كل شي وشوي نادت الدكتور طبعا مع صراخ والام لكن هذي متعودة عليها ولما خلصت
(نسيت ما اقول لكم لما رحت الحمام الله يكرمكم المرة اللي قبل) اقسم بالله الحمام لوحده حكاااااااااااااااية
يا ويلكم من ربي الحين الفلوس اللي تاخذونها من الخلق ليش ما تسووون الحمامات والله ان حتى العمالة
اتوقع ما يدخلونه :eek:تخيلوا معي كله فرش التنظيف حقة اللي ينظفون وكلها فوق المغسلة مافيه
صابون الا اللي ملصق في الجدار شكله من عهد الفراعنة الفتحة حقة المجاري اللي بالارض مفتوحة
وتطلع منها ريحة والله زوجي بالاستقبال يشم ريحتها وهذا كله والحمام اظن متر في متر وهم معبينه مساحات
آآآآآآآآآآآآآآآآآآآآآه يا القهر والصنبور حق الموية خربان وعورني قلبي لان الموية تصب ولا قدرت اسكرها
شفتوا هذا كله كووووووووووووووووووووووم ويوم صرت البس ملابسي واحصل السورية تطلع من نفس الحمام
باغراض الكشفية وانبوب الصبغة والادوات الثانية وهي تنشفها من الموية:06:يعني بس مغسلتها بالصابون
الوسخ في الحمام الوسخ هذا اذا ما كانت غسلتها بموية لوحدها يعني مدخلينها فيني بعد حريم بدون تعقيم
الله لا يسامحكم ..
المهم انا طلعت ولما قلت لزوجي يلا نروح للدكتور نتطمن وحضرة الاخ شااااايف نفسه وما عطانا وجه(طبعا من
جنسيه ثانية) ولما طلعنا قال زوجي اخيرا تنفسنا زين
ولما جت الساعة 10 بالليل الا وانا بديت انتفض واوووووون من التعب وهذي حالي ليييييييييييييينالساعة 3
الا وحرارتي مرتفعة واستفرغ وارتجف وحمى ياااااااااااربي ويش اسوي ما خلى زوجي شي الا وعطاني
ولا ارتحت والله ابكي بكى من التعب وانا ما ابي اروح اي مكان ما ابي الابر وعلى هالحال يومين والله باقي
فيني لوعة وتعب الى الحين من شدة ما شفت والله اني توقعت اني بموت وان شاء الله ربي يستر
لا يكون دخلني مكروبات او جراثيم..
الحين بالله عليكم من المسؤوول وليش هذا القرف والوساخة في مركز معرووف ولمييين اشكي ؟؟
نصيحة اللي تبي تسوي صبغة عندهم تهون يمكن اللي شوي كان زين الاستقبال حقهم وخلا خلاخل والبلا
من داخل ما اقول الا حسبي الله عليهم ونعم الوكيل..
46
52K
يلزم عليك تسجيل الدخول أولًا لكتابة تعليق.
والله لو اناااااااااااا منك ما اخليها تكشف علي با الادوات حقتها الوسخه كان راحتي لمكان غيره
سمعت عنهم كثيرانهم سيئين وقابلت وحده سوتها تشكي منهم مررررررررررره
حسبي الله عليهم وان شاء الله ما نحتاجهم وماتشوفي شر
حسبي الله عليهم وان شاء الله ما نحتاجهم وماتشوفي شر
الحمد لله اني ماسويتها عندهم
طيب والمدح الي بالمنتدى وش سالفته
الحمد لله على سلامتك ولازم تشتكين عليهم
طيب والمدح الي بالمنتدى وش سالفته
الحمد لله على سلامتك ولازم تشتكين عليهم
الصفحة الأخيرة
لو تقدرين تشتكين عليهم لاتقصرين يمكن احد يروح يشوف وضعهم و معداتهم حرام هذي ارواح ناس مو لعب رايحين يتعالجون مو ياخذون امراض