قصتي مع الاستغفار

السلام عليكم ورحمه الله وبركاته اخباركم حوائيات وحشتوني كثير اتابعكم بصمت بس الان بعد ماشفت قصص الاخوات مع الاستغفار قررت انزل قصتي
كنت ادرس في الثانوي لما بدئت استغفر بشكل يومي وكل مالقيت نفسي فاضيه استغفر بكثره مع قيام الليل والدعاء بكل الي بنفسي عاد ابن ادم طماع كل شي نفسي فيه ادعي فيه مستحيل او غير مستحيل احيانا اشياء جنونيه بس ادعي لان ربي مايرد من رفع يديه اليه وتحققت ولله الحمد المستحيل وغير المستحيل
ومن ادعيتي ان ربي يرزقني بزوج صالح ولله الحمد والله ان الناس تحسدني عليه مو عشان زوجي بمدحه لكم لا والله من جد معاه حياتي تغيرت للافضل بكثير وهو غير فيني اشياء كثير والله اني احمد الله ان رزقني بهذا الزوج الي ندر بذا الايام مااقول ان مافي مشاكل تصير مستحيل بس تكون مشاكل عاديه جدا تصير بين اي زوجين وتحققت لي اشياء كثير كانو يستغربو خواتي وش لون يجيك كل ماتتمنين لان اقول نفسي يصير كذا او ابي كذا وفي فتره بسيطه تتحقق فكانو يستغربوا قلت لهم الدعاء والله زي السحر سبحان الله اشياء جنونيه تتحقق ومايصدقون انها تحققت لي مع انهم كانو يتمنو نفس الشي بس ماتحقق لهم
فالاستغفار والدعاء شي عجيييييييب ومازلت ولله الحمد اتمنى وتتحقق لي ولاكن زي ماقلت لكم من البدايه ابن ادم طماع مايشبع اطمح للمزيد
اعظم امنيه اسأل الله ان يجمعني بوالديني ومن احب في جنه الفردوس الاعلى بدون حساب ولا سابقه عذاب