قصتي مع الاستغفار، للي دخلهم يأس تعالو ارفعو معنوياتكم معي..

السلام عليكم يا بنات اليوم حابه احكيلكم عن تجربتي مع الاستغفار




انا بدأت استغفر من خمس شهور بنية الله يشرح لي صدري وبنية الزواج من الرجل المناسب لان انا يجوني ناس بس سبحان الله ما ارتاح لهم 




المهم نتيجة الاستغفار كانت
اول شي نزلتلي المساعده المقطوعة لاني مقدمة عليها،،،
وجت بكل سهوله وبسرعه وبدون ما انتظرها... اللي هي مبلغ 10 الاف ريال




ثاني شي ان الله سهلي الحصول على الوظيفة




ولا حظوا سهلي ويسرلي بدون ادنى تعب او جهد مني




الحكاية انو بعد اجازة الصيف باسبوع واحد دقوا علي معهد عشان وظيفة مدربة عندهم 
انا كنت بحالة نفسية سيئة شوي المهم وكنت بصراحه ما ابغى الوظيفة ما عندي استعداد لاي التزام وانتوا عارفين الشغل يحتاج التزام 




المهم قلتلهم طيب بجيكم للمقابلة و بعدين سحبت عليهم وطنشتهم 




اليوم الي بعده دقوا علي مرتين من شخصين مختلفين بالمعهد و يرحبون فيني و يكلموني بطريقة لطيفة يبلغوني انو الراتب زاد 500 ريال




طبعاً انا بداخلي مو هامني موضوع الراتب لان فيه هم عندي اكبر الي هو الراحة النفسية والزواج والاستقرار النفسي مالي خلق التزامات ثانية




بتسالوني كيف توظفتي وايش سار معاك 




انا اقولكم جيتهم حتى السي في مو معي ولا جبت الا شهادتي بيدي مع انو انا مسوية سي في بس من كثر ما انا مو مهتمه للوظيفة 
ما جبتها ولا جبت دوراتي معي وسوتلي مقابله عادية بس عرفي على اسمك وايش تخصصك و حتى ما عندي خبرة في الشغل ابداً وكانت المديرة مره تبغاني اتوظف عندها باي شكل




انا كنت متوقعه انو تسويلي مقابله و بعدها تقرر تاخذنس او لا!! بس لا يا بنات كانت تبغاني باي شكل وانا كنت مستغربة صراحه 




شايفين يا بنات فين التيسير!!!  سبحان الله




والغريب في الامر انو انا الوحيدة في كل الي توظفوا معي الي راتبي كذا الباقي معطينهم راتب اقل مني ب 500 ريال،، حتى لما عرفوا البنات انصدموا وقالوا ايش معنى انتي ايش الفرق!!
مع انو فيه وحده تعطي حصص اكثر مني بس انا اخذ اعلى منها وكلهم نفس وضعي ما عندهم خبرة بالتوظيف




شايفين كيف سبحان الله!!








يا بنات توكلوا على الله واحسنوا الظن فيه وبيعطيكم فوق ما تتصورون
صحيح انو انا ببالي اشيا ثانية تحصل لي وما فرحت مرة بالوظيفة بس هذذا دلالة على ان الاستغفار يجلب ارزاق من حيث لا تتوقعون والله ما كانت ببالي الوظيفة ولا فكرت فيها بس فعلاً الحديث من لزم الاستغار رزقه الله من حيث لا يحتسب فعلاً والله انا ما كنت احتسب هذا الرزق ابد،، بس هو وزق وانا لازم اشكر ربي عليه...




انا كتبت هذا الموضوع عشان الهم غيري بالاستغفار وارفع معنويات البنات اللي يحتاجون اشيا من ربي واللي تبغا دعائها يستجاب واللي تبغى امنية واللي تبغئ رزق ما فيه شي بعيد عن رب العالمين الزمي الاستغفار والدعا 




وانتبهوا اهم نقطة هي اليقين والثقة بالله بدونها مارح تتحق لك اي رغبه او امنية ولا رح تستجاب لك اي دعوه من الله