قصتي مع الاورام الليفيه بالرحم تفضلو بالدخول ^^
السلام عليكم ورحمة الله وبركاته
مساء /صباح الخير للجميع
أخواتي بنات حواء الكرام
انا داخل بعضوية زوجتي وحبيت اقولكم قصتها لعلاج الورم الليفي اللي بالرحم
انا بصراحه تعبت ابحث في المواقع عن علاج بالاعشاب او علاج بالجراحه وابحث اكثر عن اي وحده عملت هالعمليه وكيف كانت نتيجتها وكم تكلفتها وخصوصا ان التكلفه تهمني وتهم كثير من الناس لان هالايام وانتم عارفين كل شي غالي والراتب مايغطي المصاريف يا الله نصرف على انفسنا وبيوتنا على العموم ما اطول عليكم
اولاً بحثت كثير في المنتديات وسمعت ناس تتكلم عن مستشفى الالماني وقلت اروح اشوف كيف طريقة العلاج وشو احدث شي عندهم المهم رحت لهم وسالتهم قالو روح قسم الاشعه يفيدوك هناك وعلى طول رحت قسم الاشعه وقالو فيه عندنا دكتور متخصص بالالياف الرحميه قلت وش اسمه ووين الدكتور ابغى احجز عنده قالو الدكتور مصري واسمه د.أحمد سامي وهو برفسور اشعة تداخليه المهم اخذت معلومات كافيه عنه وسالتهم كم تكلفة العمليه قالو تكلفتها 20 الف وكم المده قالو العمليه تسويه بنفس اليوم وتخرج ولها 3 ايام تنويم داخل المتشفى اذا حبيتم قلت خلاص موافقين شورك وهداية الله احجزي لنا قالت اخوي من حظك الدكتور موجود حالياً يجلس 3 ايام يسوي العمليات ويسافر مايرجع الا بعد شهرين يعني خلال هالشهرين تسوي حجز فيها ولكن الان ماعندنا زحمه بإمكانك تكشف عنده وقيمة الكشف لدكتور هي 475 ريال سعودي المهم دفعت المبلغ ودخلت على الدكتور وكان بقمة الادب والاخلاق وطلب اشعه سونار بقيمة 270 ريال وانصدمنا لان كان قبل سنه فيها 3 اورام صغيره وخفت انها تكبر مع مرور السنين كان اكبر واحد تقريبا 4 سم والباقي اقل من 3 سم المهم سويناها واكتشف الدكتور ان الاورام الثلاثه كلها بحجم 10 سم بحجم البرتقاله اثنين على جدار الرحم وواحد مكانه صعب فوق الرحم من الاعلى، وقرر الدكتور العمليه قال الان تدخلو التنويم عشان يجهزون العمليه قلت الله كريم ورحنا غرفة التنويم وخذوها على طول قسم التخدير عشان يركبون قسطره بالظهر وهذي القسطره يستخدمونها النساء عشان مايحسون بألم الولاده معليش حبيت اعطيكم هالمعلومه يمكن بعضكم مايعرفها وبعدين ركبو لها قسطرة التخدير وبعد 1 ساعه خرجت زوجتي واتجهنا لغرفة التنويم وجلسنا حدود 8 ساعات لانهم قالو لازم تصوم عن الاكل والشرب وبعد الساعات الطويله طلب الدكتور ان يعمل العمليه وعملنا العمليه خلال 2 ساعة تقريبا وكانت العمليه سهله جدا ولله الحمد وهي عباره عن وخزه في الفخذ الايمن وادخال ماده شبيه بالبودره لسد الشرايين الموصله والمغذيه للورم وخرجت زوجتي وهي طيبه ولله الحمد وجلسنا في المتشفى بعد العمليه 3 أيام وبعدها سوينا خروج والحمدلله وبعدها جلسنا نستخدم ابرتين تقريبا وحده مضاد حيوي وواحده مسكن للالم لمدة اربع ايام وهي بخير الان لها تقريبا اسبوعين خف كل شي لانها كانت تعاني من الامساك ومن كثرة التبول اعزكم الله ومن الم في اسفل الظهر وانتفاخ بالبطن وكبر حجمه والان راح الامساك وكثرة التبول والم الظهر والورم يبغى له وقت تقريبا 3 اشهر عشان يضمر شوي شوي وبعد 6 اشهر ان شاء الله يضمر تماما بأمر الله هذا اللي كنت بقوله لكم لاني كنت محتاج وحده تعلمنا عن هالورم الله لا يعيده علينا ولا يبلاكم فيه وربي يشفي كل مريضه تعاني من هالورم وانا انصحها ان تعمل العمليه مهما كان حجمها لا تتهاون فيه
اسف عندي خبر لكم سالت الدكتور قلت فيه اكل يسبب او دويه مثل حبوب السمنه مدري وش اسمها لان زوجتي تستخدمها او اي شي يسبب قال لا مايسبب هالشي بس اللي يسببه عدم انتظام الهرمونات في وخاصه هرمون الحليب
قلت له ابغى حميه لها قال مافيه حميه تاكل كل شي مايضرها ان شاء الله
والان هذي معلومات عنه عشان تستفيدون
متشفى الالماني رقم 048406000 تحويلة الدكتور للاستفسرا وليس للحجز هي 5454
موقع الدكتور أحمد سامي للعلاج بالاشعه التداخليه
http://www.discare.com/fibroid.htm
مبلغ او تكلفة العمليه 20 الف ريال سعودي
وبالاخير اطلب من الله ثم منكم الدعاء لنا بالذريه الصالحه وان لا يرينا وياكم مكروه
وان يرزق كل مسلمه الذريه الصالحه التي تخاف الله فيهم
دعواتكم لي ولوالدي وأهل بيتي
واتمنى من الجميع نشر الموضوع هذا في جميع المنتديات العربيه لا تبخلون على احد يمكن تحل مشكله انسانه تبحث عن حل لها
واسف على الاطاله لاني والله حلفت اني اعلمكم بالتفصيل عشان تعرفون كل شي
فمان الله
38
72K
يلزم عليك تسجيل الدخول أولًا لكتابة تعليق.
مشكور اخوي والله يجزاك خير يارب
ويشفي زوجتك ومرضى المسلمين يارب العالمين ويرزقكم ويرزقنا جميعا الذريه الصالحه يارب
ويشفي زوجتك ومرضى المسلمين يارب العالمين ويرزقكم ويرزقنا جميعا الذريه الصالحه يارب
الصفحة الأخيرة
up
up
للفائده