قصتي مع التكيس وحملي بتوامي

السلام عليكم ورحمة الله وبركاته

اليوم وبعد مده طويله قررت اكتبلكم قصة حملي
مو عشان بس ابي الي مثل وضعي ان الله يرزقها وتستفيد من قصتي
من يوم كنت بنت ودورتي متلخبطه وكشفت وقالو معك تكيس وطنشت ولا اهتميت
بس يوم تزوجت خفت اني ياثر ع موضوع الحمل وبدا الخوف معي وبدت رحلتي مع الحمل
ومن مستشفى لا مستشفى كنت سمينه ةاخذت حبوب تنظيم السكر وخسستني ونحفت وبرضو ماحملت ماخليت دكتوره مارحتلها بس بدون فايده كل الي تزوجوا معي جابو عيال الا انا كنت احس بنقص داخلي والهم يكبر كنت اقول خلاص انا عقيم زوجي بيتزوج علي ماراح اصير ام تحطمت وياست نسيت ان لي رب مايخيب من رجاه ودعاه تعبت من كثر كلام الدكاتره وخساير الفلوس حتى الحريم رحت ومافادوني قررت اني ارتاح من كل شي وجاء رمضان وقررت اني اغير من نفسي وشوف تقصيري مع ربي صرت ادعي واستغفر واقرا القران ونويتها انه لله مو عشان احمل وكنت ادعي ان ربي يكتبلي الخير ه
كنت دايم اقول يارب ان كنت كتبتني عقيم ان راضيه بقسمتك لي وفعلن الحمدالله تغيرت نفسيتي
وبديت مافكر كثير بموضوع الحمل بس قررت اني ابدا من جديد فيه مستوصف قريب من بيتنا توكلت ع الله ورحت كان وقتها ماعندها احد وكشفت علي وقالت معاك تكيس اول شيً بعطيك حبوب تنظيم السكر كوليها شرين وعالي ويذا خفت اعطيك كلوميد انا تعبت من حبوب تنظيم السكر وقلت مستحيل اكلهم لي سنه ونص اكلهم ماجابت نتيجه في هالوقت كان فيه مره يمدحونها بالرطاويه استخرت وقررت اروحلها. وتوكلت ع الله رحتلها ورتحت لها وحسيتها فاهممه وقالتلي معك تكيس ومرختني ووعطتني حوايج وقالت اذا جتك الدوره الجايه تعالي وستخدمت ادويتها وجلست استنى وماصار حمل جت الدوره ورجعتلها ومرختني وقالت كمل ع الادويه الي عطيتك الحين صارلي شهرين رجعت لدكتوره الي رحتلها قبل عشان اشوف وضع التكيس وسوتلي سونار ونصدمت :32:ان التكيسات راحت وقالتلي شفتي كيف الحبوب نفعت جلست اضحك
قلت بقلبي بلاك ماتددرين انا شمسويه وقالت خلاص بعطيك كلونيد حبه باليوم اخذتها وبعد ماخلصت الدوره كنت اكل خلطة غذاء ملكات النحل واشرب اناناس ومرمريه وقرا ع بطني وادعي وسبحان الله تحلمت اني انا وزوجي بالبر ولقيت ولد وكنت فرحانه وقول هذا لي انا ماني عقيم وتكرر علي الخلم استبشرت خير
بس قلت مابي اعلق نفسي امكن مايتحقق وترجع نفسيتي تتعب
باليوم الاربعطش رجعت لدكتوره عشان تشوف التبويض معاي كيف
سوتلي سونار وقالت طالعه اربع بويضات حجمهم كويس بعطيك ابره تفجيريه وححدت وقت الجماع وسويت الي قالت عليه مرت اسبوعين وكانت تمشي ع قلبي كنت ابغى احس باي شي من اعراض الحمل بس مافيه شي ياست وقلت شكلي مو حامل بقى ع موعد دورتي يوم وهاليوم كان اليوم الحاسم كنا معزومين باستراحه كنت احس اني تعبانه واحس حتى مشيتي ثقيله وضايق صدري وخصوصا اني سمعت كلام يغث من بعض الحريم واسالتهم الي مالها داعي طلعت من الاستراحه 2 رجعنا البيت وكنت منسدحه وافكر جاء زوجي وقال بجيب تحليل امكن تكونين حامل رفضت وقلت لا انا مافيني شي ماحس بشي
ورفض قلت جيبه بس اذا طلعت مو حامل مو تضايقني وقال خلاص وراح جابه دخلت الحمام وانا قلبي يدق مادري بتجي هالحظه الي بشوف فيها هالخطين ولا كالعاده حللت وع طول عطيته زوجي قلت مبغى اتحطم ونصدمت يوم قام يصااااارخ حااااااااامل وانا:32:عيوني طارت ايش ابشوف انهبلت صرت انقز نسيت نفسي ههههههههههههه
وبعدين جاني الشيطان يقول امكن الجهاز خربان ووسوست مانمت اشتني متي تجي الساعه عشر وروح الدكتورتي وحلل رحتلها وحللت وطلعت حمل صدق يالله ياذاك اليوم ماتتصورون فرحتي لك الحمد والشكر يارب
وقالت بعد اسبوعين تجين تشوفين النبض ماقدرت اروح الا العشا وزوجي عنده امتحان نزلني وراح دخلت ونسدحت ع السرير عشان نبض حبيبتي لاول مره حطيت الجهاز وجلست ادور فيه ع بطني وتقرب الجهاز لها انا خفت قلت اكيد فيه شي اسالها ماترد علي بعدين قالتلي انتي تتمنين واحد ربي رزقك باثنين قلت ايش قلت انتي حامل بتوام جلست ابكي مو مصدقه وتسمعني نبضهم

الحمدالله والشكر لك يارب والحين بناتي معاي عمرهم سنه ونص
ادعولي ربي يصلحهم ويهديم طلعو عيوني بشقاوتهم