قصتي مع التلقيح المجهري......

السلام عليكم ورحمة الله...كيفكم يابنات وش اخباركم...مع هالبرد ؟؟؟
طبعا بعضكم يعرف سالفتي واني مسويه تلقيح مجهري هالشهر المهم الترجيع كان يوم 3 هجري من هالشهر..عشان كذا يابنات جيت اعلمكم .......:26: :26: :26:
طبعا انحبسنا انا ورجلي بالبيت ماتعيدنا ولا شي وهو اللي يطبخ ويغسل ياعمري عليه ومريحني راحه وحاطه لي فراش بالصاله وجنبي اغراضي اللي ابيها عشان ما اقوم واقعد كل شوي وارتحت زيييين.
لما جا اليوم العاشر قلت لزوجي نروح نحلل وانا احس اني مو حامل حاطه فبالي هالشي علشان لااتحطم لكن زوجي مأمل مررررررره ويقول الا احس انك بتحملين ومستانس وربي تدمع عيني من كثر ما ارحمه..وده احمل مره مره.
رحنا للمستوصف وسحبوادم وقالت لي الممرضه اجلسوا في الاستراحه وانا اجيب لك النتيجه..
جلسنا واحس ان قلبي بيطلع من مكانه من قوة نبضاته.مدري وش جاني ماتوقعت ابخاف لهالدرجه واطالع رجلي ولاه ماسك جريده يقراها ووجهه يدل على انه خااااااااااااايف..
وانا قعدت استغفر ربي عشان اهدأ شوي لان جاني حالة خوف غريبه.
وكل مامرت ممرضه خفت اكثر وعرقي يصبب على اننا في عز البرد والله ماكذب.
جت الممرضه لي وحطت الورقه ف يدي وقالت لي


مدام مافيه همل.............:( .احس كأنها كبت مويه بارده علي:09: .واعيد هالكلمه في بالي كم مره ابي استوعب..واطالع زوجي ولا وجهه مخطوف واصفررر وملامحه حزززززززينه وبائسه وقالي يلا نروح البيت الحمد لله على كل حال.
ركبنا السياره وكل الطريق مادمعت عيني ولا دمعه م قوة الصدمه وزوجي يمسح دموعه ووجهه احمر ..
ورحنا البيت وانسدحت في السرير وصحت الين صفا راسي ..
انا اصيح علشان زوجي ..راحمته يطبخ ويسوي ويقرا علي كل يوم وفرحان والله مسكين يارجلي لكن ان شاء الله بيرزقنا ربي وتونا بأول المشوار ...........
ادري طولت عليكم بس من حبي لكم جيت اقص لكم قصتي واتمنى تدعون لي بالذريه الصالحه..
على فكره سوينا التلقيح في مركز الحبيب عند الدكتور محمد بقنه..