قصتي مع الحرامي

:22:السلام عليكم ورحمة الله وبركاته كيفكم حبايبي؟؟بقولكم قصتي عن الحراميه(لانهم اثنين على دفعتييين)الاول"حسبي الله ونعم الوكيل جنسيته هندي كنت توي عروووس وحامل بالشهر الثاني(قبل خمس سنين ونص)قمت الصباح الساعه 11ودخلت اتحمم(اتسبح)المهم خلصت سباحه ولفيت المنشفه وكنت واقفه افرش اسناني(دعاية سيجنال2)المهم انا رفعت عيني على الشباك(طبعا انا ساكنه بشقه دور ارضي وكان ورانا بيت لسااا جديد)يوم رفعت عيني واشوف اللي يسلم علي بيده(فيه خير يسلم)كان جالس على الجداررجل هنا ورجل هناك وجالس يضبطاالمظله للبيت الجديد وش تتوقعون صار؟؟!!!!مادريت الا اللي رفع السلم ونزله على الحوش حقي(الساحه الخارجيه)وقام ينزل__قسم بالله الارض ما شالتني ركضت وزلجت الباب اللي يطلع على الحوش ودخلت غرفتي وقفلت علي عاد العله ان زوجي يبعد عني70كيلو(شغله في بنبان)...مدري تعرقونها والا لا المهم اتصلت عليه وقلت له واشوى اخوه واخته كانوا رايحين اسواق المملكه وبالطريق المهم جو ولقوا الهندي انحاش بلغنا الشرطه وحققوا مع صاحب البيت واعترف الهندي(طبعا لقوه رجع للمؤسسه حقته)عاد المصيبه ان صاحب البيت يعرف خال زوجي(ياخال ابوي حك ظهري)وتنازلنا عن الموضوع)كانت القصه يوم الاربعاء وانا سقطت اللي ببطني يوم الاثنين اللي بعده حسبي الله عليه من الروعه ماغير مغص ببطني وجاني نزيف وحاااالتي مايعلم بها الا الله سبحانه وتعالى الله لا يوفقه_____ وقصتي الثانيه بعد ما ربي رزقني ببنتي كنت توي طالعه من النفاس(من ثلاث سنوات ونصف تقريبا)كنت ببيتي وزي منتو عارفين سهرة الرجال يوم الاربعاء وانا تفضيت لبيتي ونضفت ورتبت وكان ودي اتحمم بس كنت خايفه على بنتي وانتظرت الين جا ابوها تقريبا الساعه ثلاث ونص الفجر عاد انا داااايركت رحت اتحمم وهنا تجي الطامه الكبرى حسبي الله كنت لاهيه (العب برغوة الصابون وافرك يمين ويسار)(حشااا قدر)المهم سبحان الله حسيت كان احد يراقبني طبعا الشباك حقي من النوع اللي يرفع على فوق وكان مفتوح تقريبا ثلاثه سم الحوش حقي ظلام ما شغلت اللمبات يوم فتحت عيني كويس الا وانا اشوف لمعة عيون انا شهقت شهقه بسم الله الرحمن الرحيم وهو بلحظتها اختفى انا والله توقعته مقلب من زوجي وركضت طالعه ال والله الرجال يلعب بنته قلت له حرامي والله بر ا ما اقتنع مبزر عيونه @@ما استوعب الين قعدت اصارخ شوفوا عاد وش سوا(الرجل الشجاع)دخل المطبخ وجاب سكين(تعرفون السكين الخشب حقت الخضااار والفواكه)اخذها وطلع ولقا الباب حق الشارع مفتوح وما لقا احد برا لان الرجال امداه ينحاش كنت اتوقع انه طاب يدور غاز وما لقى حسبي الله عليهم$$انتبهوا تكفون اللي ساكنين بدور ارضي انا طلعت من هذيك الشقه وسكنت بدور علوي والحمد لله مرتاحه بس الحين بنطلع لانهم ركبوا فوقنا برج جواال الله ياخذهم وقاعدين ندور وما لقينا البيوووت نار نار