قصتي مع الحسد .......وغرفتي التي اصبحت صيدلية لعلاج تساقط الشعر....بدووووون فائده

السلام عليكم
بقولكم قصتي باختصار وياليت تتعظون مني وترقون نفسكم في كل وقت بالاذكار والقرآن

انا بعد ماكن الشعر غزارة وطول ....وهذا شي فينا وراثي الغزارة والطول يعني من الله (لله الحمد)
بعد مده لاحظت شعري يطيح بشكل خيااال لدرجة اني خفت اني اصلع او يكون فيني ثعلبه

وشكيت هالشي لعمتي ام زوجي .....فقالت لي يابنتي حصني نفسك انا اكثر من مره الحريم يسألوني وش تحط مرة ولدك على شعرها......وتقول والله ما اشوفها تحط شي!!

واتقول وحده معطية خدامة البيت فلوس علشان اتعرف شنو الزيت اللي استخدمه ...........مع اني والله ما استخدم اي زيت
وسافرنا بالصيف للسعوديه وكان شعري كل شوي يزيد تساقطه ....ورحت لدكتور جلديه صرف لي البخاخ هير جرو في البدايه وتونيك للشعر اسمه الكوم

صراااحه تونيك الكوم كان رائع بس بعدين اكتشفت ان فيه كورتيزن فعلى طول تركته
والبخاخ ما شفت له اي مفعول مع اني التزمت فيه يوميا مرتين

وبعدين رجع التساقط مره ثانيه ........فطلبت عمتي من زوجي (ولدها) الله يجزاها خير وين ما راحت ويخليها لي يارب.....انه يوديني عمره واغتسل من ماء زمزم
وفعلا وداني وماقصر الله يجزاه خير ............والله ياخواتي.......شقول لكم؟؟؟

ماء زمزم شربت منه لما ضلوعي تفجرت :) وغسلت شعري ودعيت من كل قلبي انه يفرج لي ويكفيني شر خلقه من الجن والانس

ماء زمزم ياخواتي كأني احط ناااااااار على راسي والصداع عجيب كأن راسي انقسم نصين ولكن لله الحمد بعد فتره ارتحت وحسيت ان شعري بدا يوقف تساقطه وهالكلام بعد اسبوعين تقريبا او اكثر
ورجعت الكويت ونفسيتي احسن علشان شعري بدا يخف تساقطه بس طبعا الكل مستغرب ليش شعرك جذي ......وين راح شعرك وطبعا انا دمعتي بعيني!!:44:
بس الحمدلله على كل حال مادام العافيه موجوده كل شي يهون
والحين بديت رحلة تربية وتغذية شعري من جديد
صرفت لي دكتورة جلديه امبولات فيشي ( وطبعا ولا لها اي مفعول فلوس على الفاضي)

بس اللي فعلا حسيت له مفعول وان شعري راحت منه القشره بسرعه وطال عليه هو..

سورسير ((( طبعا كلكم اتعرفونه))) فعلا راااااااااائع ويستاهل سعره

ياليت تستفيدون من قصتي ......ويمكن بعض الادوية ما نفعتني ونفعت غيري كل وحده حسب مشكلتها

الرقيه لا تنسون انفسكم ......فبعض النساء ما تذكر الله وتلقينها اكثر وحده تخاف من الحسد:06:
لا تنسوني من الدعاء فأنا بحاجه له