قصتي مع الحقن المجهري

السلام عليكم
طبعا يابنات كل واحده فينا عندها غصة بقلبها
وقلبنا محروق على ولد والله عالم بحالنا
انا اتزوجت وبعد مرور تقريبا شي 3 شهور على زواجي قررت
افحص عند دكتورة اطمن عل حالي طبعا انا كنت ما ابغى انو مو مستعجلة
بس تعرفو الاهل وامي المهم رحت والحمد الله كلو تمام حتى دكتورة
قالتلي بوقتها لأمي بنتك من بكرة عندها استعداد للحمل لانو كنت
مخلصة دورة وخصوبه تبويض مشاء الله عالي
فقالت خلي زوجها يفحص وهنا صدمة راح دكتور
وقلو الحيوانات المنوية عندو صفر رجعت البيت
ابكي وانصدمت وقلت الحمد الله
المهم بدأ علاج وجلس شي 3 شهور وعلاجو مانفع طبعا ماكنت عارفه
انو في اكل يساعد ويقوي انو متل خلطة
العسل وغذاء ملكات النحل وحبوب اللقاح وطلع النخيل
واجتني صدمة تانيه عشان مانفع علاج ورجع كملو 3 شهور
وكمان مافي تحسن نصحنا دكتور نعمل الحقن المجهري
استخرت ربي ورحنا عيد كلينك لانو قريبه على بيتنا
وصراحه ماكان عندي خبره او حتى اقرأ عل نت عل افضل دكتور او مستشفىى
مابعرف ليه كده اخذت قرار ورحت المهم رحنا عند دكتور اسمو احمد عبد الهادي اعتقد او محمد عبد الهادي نسيت الاسم
دخلنا عندو عملنا فحوصات وكلو تمام وصراحه دكتور ماحبيتو يادوب يطلع الكلمة حتى لما نسألو من غير نفس يجاوب
وقلت معلش اصبري و ان شاءالله خير
وصار وقت العمليه كنت مرعوبه ماني فاهمة شي
عطوني بنج وسحبو 3 بويضات وقمت من بنج بس ماحسيت بأي وجع بس نقط دم خفيفه
و صار وقت الترجيع وبعد ماخلص دكتور صدمني قلي رجعنا واحد قلتلو ليش
قلي لانو بويضه واحده كانت افضل شي فخفنا نرجعلك اللي درجتها مو مرة تخرب على كويسه
قلت خلص الحمد الله
وقت الترجيع شربت 4 قارورة مويا
وبس خلصو رجعو الأجنة
ابكي و اصرخ ابغ حمام مو قادرة اتحمل وممرات يقولو لازم تستني ساعه و نص
مابعرف يومها اش سويت وكيف اتحملت
وقعدت عند اهلي اسبوعين وشرفت دورة بس عملت تحليل اتاكد كنت متأملة
الصدمة تحليل الحمل صفر
انا هنا جنيت و ابكي حتى مو قادرة اشوف زوجي وهو مسكين
صابر و ومتحملني وحاسس بالذنب انو هو منو سبب
جلست شهر نفسيتي تعبانة
فقلي نسافر دبي نغير جو ونرجع نعيدها وسافرت وانبسطت
وقبل العمليه رحت مكة و دعيت وصرت اشوف عل نت دكتور كويس و مستشفيات
واخترت مجدي الشيخ بفقيه واستخرت ربي ورحت لعندو
وصار وقت العمليه وكان معايا كتير بنات بنفس الوقت
منهم سحب ومنهم ترجيع
وسحب دكتور شي 5 بويضات ورجعلي 3 اجنة ايوة وقت ترجيع يدوب شربت كاسة مويا
مابقدر استحمل عشان الحمام ماحعيد نفس شي
وبعد اسبوعين انتظار وشرفت دورة وعملت كمان التحليل
الصدمة تحليل الحمل صفر
ونرجع من اول وجديد ابكي ونفسيتي تتعب واقول الحمد الله
ورجع زوجي يشوف دكتور واخذ علاجات بس مافي تحسن
ماكنت بوقتها اش اعمل غير ادعي و اصبر حالي حال البنات اللي
مثلي
ورجعت عملت بحث عل دكتور تاني واخترت مازن بشارة و كان بداوم
بعيد كلينك
وصليت استخارة و بدأنا عندو وصراحه مرة ارتحتلو
ودكتور قلي بعمري انو 28 لازم يطلع عندي بويضات اكتر
فغيرلي طريقه منشطات وصار الكورس القصير
انا بالعملتين الاولى و التانيه كان الطويل
فجرب هالمرة القصير
وسحبلي 5 بويضات ورجعلي 3 اجنة
واحلى شي انو وقت الترجيع تشوفي بالاشعه كيف اجنتك صغار
ودكتور جالس يدخلهم في رحمك
سبحانك ياربي
وكمان جلسنا اسبوعين كانها سنتين
قبل بيوم تحليل اجاني مغص مرة فظيع مابشبه الم الدورة
لانو في العمليات اللي قبل احس بالالام الدورة عادي
الا بهالعمليه ماحسيت ابدا مع انو كان وقتها تشرف
وانا قبل بيوم موجوعه ومرعوبه انو تكون هادا وجع دورة
خاصة انو ينزل افرارات بني
تاني يوم صبح نزل نقط دم وهنا انا ارجف و حبكي
قلت خلاص دورة ومافي حمل
وسحبو دم ورجعت البيت لانو عياده قريبه عل بيتي قلي زوجي
خلاص انتي ارتاحي في البيت وانا حبقى في العياده
قلتلو شوف لو خبر كويس اتصل فيني لو لا خلاص ارسلي مسج
وبعد ساعتين اتصل وقلي انتي حامل
واتخيلو فرحتي وابكي وكنت لسه بالغرفه ماطلعت اقول لأهلي
فسجدت وصليت شكر لله
وطلعت اقول لأهلي شفت ابويا في المطبخ
وقلتلو يلا ابفى بقلاوة وهو هنا صرخ ويبكي يقلي حامل
ويحضني ويبكي وتجي امي كمان تبكي وتحضني وانا ابكي
وجا وزجي وهنا صدمة قلي انتي حامل بس
كانت النسبه 50 يعني لازم بعد يومين اعيد تحليل لو ماعليت نسبه يعني
راح الحمل
وانا بس سمعت هالخبر حسيت مويا حارة وانكبت عل راسي
وفعلا بعد يومين نزل الحمل الحمد الله وصار تحليل صفر
وانا خلاص تعبت نفسيا يعني صعب بعد ماتفرحي
وتقولي خلاص انتي حامل يروح كل شي
وترجعي للعمليات و الابر والضغط النفسي
الحمد الله عل كل شي
وقلي دكتور اعملي فحص للأجسام المضاده
لانو ممكن تكون سبب للأجهاض
وفعلا عملت تحليل طلع عالي وتعالجت عند سمير كوشك
في سمير عباس
وبعد ماارتحت قررنا نعيدها للمرة 4 قبل شهر
بس كمان عند مازن
ونزلت موضوعي في المنتدى كيف بعد التعب وكل شي وتكاليف
بالطب الدولي 7 بويضات ماتخصبو
مرة ادمرت صراحه بس اش نقول غير ان الله مع الصابرين
والحمد الله عل كل شي
صدقوني بكتب وانا قلبي محروق الواحد تعب نفسيا و جسديا
وانا دحين ناطرة اخلص دورة واروح افحص نفسي
واشوف دكتور كويس يتعالج زوجي عندو
يارب ارحمنا برحمتك و افرجها علينا ياعالم بحالنا
اكيد يابنات اللي متلي رح تحس فيني
طول الوقت ببكي لا وناس اللي من اهلك خايفين تحسديهم عشانهم حوامل
للمرة تانيه و تالته يبعدو عنك
ونظراتهم اللي تحرق القلب
اليوم ابكي بحرقه كل ما اتذكر حالتي وعارفه انو مو بس انا
في كتير بنات متلي و اصعب مني
بس الواحد بيتكلم من حرقه القلب
ويارب مايجي رمضان الا واحنا حوامل
وربي يسعدك قلوبنا ويعوض صبرنا وتعبنا خير قولو امين