قصتي مع الحمل

انا اريد ان اكتب قصتي مع الحمل...انه كل وحده اول ما تتزوج ايكون اول شي تبغيه الحمل وتفرح بطفل انا كملت تقريبا 9 اشهور ما حملت واختي كانت متزوجه في نفس السنه و بس قبلي بشهور وهيه احملت ويابت بنت وانا انتظر بعدين رحت اسوي فحوصات وقالت لي الدكتوره اني يمكن احمل ويمكن لا لانه البويضات عندي صغيره ولازم علاج بالابر او طفل انابيب والله اني طالعت من عندها ابكي وقلبي ايعورني خاطري بالطفل بس زوجي قالي ما نبغي اي علاج ولا طفل انابيب وبعدي وسرت العمره 3 ايام والله اني ادعي بطفل وانا اصيح ويوم كنت اسير اصلي عند الكعبه ولانه كله نمشي اهناك كان ظهري ايعورني وسويت تحليل اهناك وطلع خطين خط خفيف وخط باين شكيت بالحمل ولمى رجعت سرت عند نفس الدكتوره واكشفت عليه وقالت انتي مب حامل وتعالي انسويلج تحليل دم ويوم كانوا ياخذون عينة الدم اغمى عليه عندهم وبعدين ما خليتهم ايسولي تحليلل دم وطلعنا من عندهم ورحت عنهم وعرفت انه اختي حملت مره ثانيه والله انه قلبي عورني وقلت انا متى بحمل بعد كم يوم رحت عند دكتوره ثانيه وقالت انتي حامل والله اني فرحت قلت الحمدلله انه بدون اي علاج حمل بعد ما كملت 11 شهر من تزوجت وبعد ما ولدتو بعد الاربعين حملت بولدي الثاني شوفوا رحمة الله عليه يثبت انه مب كل كلام الدكاتره صح كل بيد الله سبحانه وتعالى.. والحمدلله قبل ما ايكمل ولدي الثاني سنتين حملت والحين من شهرين يبت الولد الثالث الله يحفظهم لي .... والحين خاطري اشل اعيالي كلهم واسير عند الدكتوره واقوالها شوفي الله رزقني بثلاث اولاد يعني ما فيه شي وانشاء الله .الله يرزقني بعيال ازياده وامزر البيت اطفال....... والله يرزق كل محروم