قصتي مع الحمل

السلام عليكم
أنا عضوه جديده بهالمنتدى أتمنى أكون خفيفه ع قلوبكم
أخواتي جيت أبقولكم قصتي بالتفصيل مع الحمل
الحمدلله ع كل حال انا حملت بعد سنه من زواجي(بعد علاج)
وولدت طبيعي ولله الحمد والمنه
وبعد 4 شهور قدر الله وحملت ولأن زوجي كانت عنده دوره مدة 3 ش وخلاني عند اهلي وكان يجي
كل اسبوعين يومين او 3 ايام آخر مره جا كنت مغتسله من الدوره من اسبوع
ومن بعدها ماشفت الدوره تأخرت مر موعدها وعدت 10 ايام بعد الشهر
وبديت احس بغثيان ودوخه وحسيت اني حامل بس ماحللت الا بعد مارجع زوجي
من الدوره وطلع لي خطين واااضحه وضوح الشمس أنا حمدت ربي ولااعترضت ع حكمه
الحمدلله ع كل حال بعد مارجعنا للشرقيه كنت قد عديت شهر واسبوعين ولارحت راجعت
لان زوجي عسكري ودواماته تجيب الغثا طبعا راجعت وانا قد لي شهرين واسبوع تقريبا
بس المفاجأه كانت إن الجنين مييييييت ومتوقف عن النمو من اسبوع
الدكتوره ماقالتلي انه متوقف عن النمو وانه ميت قالتلي راح اعطيك موعد بعد اسبوع
بإختصار الحمدلله ع كل حال بدأ ينزل مني دم ورحت المستشفى وبهذلوني
واللي أوجعني ان الدكتوره خبرتني اذا مانزل بيعطوني حبوب تنزله بس بينزل ع قطع
مو كامل كنت ادعي ربي ينزل لحاله بعد 3 ايام من نزول الدم بدأ يجيني مغص
وبدت تطلع مني قطع المشيمه ونزل الجنين والله حسيت براحه وحمدت ربي ولكن
رغم ذلك تقطع قلبي وبكيييييت ماأقدر أحضنه ولاأبوسه لانه شهرين بس لسى ماتكون
بس حطيت أصبعي عليه وبستها ياربي لك الحمد
ومن بعدها سويت سونار وقالو خلاص ماأحتاج تنظيف
جتني الدوره بعد التسقيط مره وحده وبعدها حملت وهذا بفضل ربي
لكن في ناس ماعجبهم خبر حملي الله يعفو عنا وعنهم 
وبالأخير طلع حمل عنقودي بدون جنين واللي ماباركولي بحملي تحمدولي بالسلامه
بعد التنظيف جزاهم الله خير عورو قلبي بتصرفهم
وانا حاليا اتعالج وباقي ع رحلة العلاج 4 ش 
وصرت اخاف من فكرة الحمل
عندي ولد عمره سنه و4 ش ومحسوده عليه بعد الله يحفظه من كل شر
طولت عليكم بس حبيت اقولكم قصتي مع الحمل ووجعي الكبير اللي مانسيته
الله يبعد الشر عنكم ولا يذوقكم اللي ذقته..
أستغفر الله العظيم وأتوب إليه