قصتي مع الحمل الجديد

بسم الله الرحمن الرحيم
ماادري من وين ابتدي قصتي بس ابيكم تكونون معاي بالقصة العجيبة الغريبة
وباركوا لي على سلامتي .. :D
في يوم الاربعاء الي فات رحت المستشفى عشان قررت اخذ حبوب منع الحمل ودخلت على الدكتورة وطلعت صاحبتي الروح بالروح من ايام الابتدائية :39:
بعد السلامات والتراحيب دخلت في الموضوع قلت لها انا والدة من شهرين تقريبا وابي استخدم حبوب منع الحمل سألأتني عن الدورة وقلت لها انها جات لي كم يوم بس على شكل نقط .. كتبت لي على حبوب ميكرولايت وقالت لي كل يوم حبة .. بس انا من باب المداعبة وزيادة التطمين قلت لها يمكن فيه حمل
<<<< مع وجهي احد يمزح في ذي الامور :icon33:
قالت لي خلاص خذي ورقة التحليل وتعالي يوم السبت اعملي التحليل وبعدين تقدرين تاخذين الحبوب ..
المهم يوم السبت جاية مبسوطة انا وزوجي للمستشفى وعملت التحليل وقالوا لي بعد ساعة النتيجة .. رجعت البيت وتغدينا وجلست على النت وانا ولاعلى بالي شي .. الساعة ثنتين ونص قلت لزوجي يالله دق على المستشفى ناخذ النتيجة.. قال لي لازم يعني ؟!انتي عارفة النتيجة .. قلت له لا عشان اخذ الحبوب وانا متطمنة..
دق على المستشفى وكلم المختبر والمسؤول قال له باسم من قال له اسم فلانة قال له لحظة راح ورجع قال له انت وش تبي حمل ولا ماتبي ؟
قال له زوجي : طبعا ماابي
قال له زوجتك حامل :22:
قاله لزوجي وشو انت تمزح :06:
قال له : لا ليش امزح .. احنا اول شي شكينا وبعدين رجعنا اعدنا الاختبار وطلع فيه حمل ..
والله انا حسيت ان الدم هرب من وجهي وحسيت ان قلبي وقف حتى عيوني ماتحركت :surprised
وزوجي صار يسأل المسؤول عن المختبر يقول له يمكن خطأ ولا شي وذاك يأكد له .. قال له اجل تنصحني ارجع اعيد التحليل في مستشفى خاص..
قال والله احنا تأدكنا بس اذا تبوا تعيدون التحليل .. ارجعوا حللوا من جديد ..
بعدها صارت المناحة :icon36:
زوجي يقول هذي كارثة وانا اطالع ولدي الصغير الي ماكمل شهرين وكاسر خاطري وابكي واتذكر كل شي صار لي مع الحمل والولادة ..
وزوجي مسكين يمسح على راسي ويهديني وانا خلاص ميتة من البكى ..
وقال لي الي تبينه بسويه لك وتوجهي الى ربك والله سبحانه قادر على كل شي .. وانا خلاص قلت اكيد فيه حمل مع اننا والله ماتقربنا من بعض بعد الاربعين الا يمكن ثلاث مرات وكلها مع عازل .. وهذا الي تعجبنا منه انا وزوجي..
وانتظرنا لين بس يجي موعد دوام المستشفيات وطيران على المستشفى .. وانا في الطريق توجهت الى ربي ودعيت له من اعماق قلبي وزوجي يدعي معاي وحسيت بقربي من ربي في ذيك اللحظة ياسبحان الله.. المهم وصلنا للمستشفى وطلعنا للمختبروشرحنا لمسؤولة المختبر الي صار لنا والله يجزاها خير طمنتنا وقالت لنا في حالات كثيرة تجي لنا ويكونون حللوا وطلع عندهم حمل وبعدين احنا اعدنا التحليل وطلع مافي شي .. وانا قلبي يرجف ولاكلمة زوجي هو بس الي يتناقش معاها حتى لما طلعنا يقول لي زوجي اول مرة اشوف وحدة ياخذوا منها تحليل بأبرة وهي ولا حست في نغزة الابرة .. لاني اصلا ماكنت في الدنيا.. :08: ..
قالت لنا المسؤولة النتيجة بعد ساعة ..
طلعنا وتمشينا شوي واثنينا ساكتين ولا كلمة وانا اناظر ولدي وهو في حظني وابكي .. وماقدرت اصبر قبل الساعة انا على باب المختبر بس ماقدرت ادخل زوجي دخل بعدها ماصبرت ودخلت وراه اشوف وجهه شوي مرتاح ..
سألته بشر قال لي خير ان شاءالله قالت لي المسؤولة ان التحليل طلع مافي حمل بس راحت تجيب الورقة حقت التحليل وتختمها :)
انا ماصدقت قلت له مااصدق الا لما اشوف النتيجة بعيوني ..
بعدها جات المسؤولة واعطتني النتيجة وانا والله بغى يغمى علي من الفرحة وزوجي لف يده حولي ماباقي شي ويحضني قدامها :32:
ااااه الف الحمدوالشكر لك يارب ..
انا يابنات مااعترضت على حكمة ربي ولاقدرته لاوالله بس تخيلوا انفسكم مكاني ياحوامل .. انا توني ماامداني انسى شي من الولادة حتى الم الغرز للان موجودة معاي ..
وانا باخر حمل تعبت مرة وكنت راح اموت في غرفة الولادة لولا رحمة الله الواسعة.. حتى القابلة لما شافت حالتي قالت لي كم عندك قلت لها ثلاثة قالت لي نصيحة لاتحملين مرة ثانية الله يخليلك عيالك ..
سبحان الله في اقل من ساعتين انا مت ودفنوني وبعدين رجعت انولدت من جديد هذا اقل شي اقدر اوصف فيه الشعور الي كنت فيه خلال هالساعتين الله لايعيدها ياااارب ..
وش رايكم في قصتي ؟؟!! مضحكة مبكية صح :)