حملي مافيه شي غريب يدل انه حمل خارج الرحم وماحسيت بااعراض وحم ابد واللي خلاني اشك اني حامل كلام ام اصيل وسبحان الله من رحمة ربي. عرفت اني حامل وماحسيت مغص نهائي يعني اللي هرمونهادضعيف اقل من 1000 وتحس مغص اسفل بطنها حاد مو حمل خارج الرحم يعني لاتتوهم المغص يجي لما يكبرزالكيس ويبان بالسونار وفي الغالب تحتاج عمليه اما اذا كان حجم الحمل صغير ومافيه نزيف يستخدمو منظار وفيه حالات اللي يكتشفو بدري تاخذ الحامل ابرة تنزل الحمل
اتمنى مشرفه القسم تضيف ذي المعلومة في الوموضوع لاني مالقيت تعديل.......

الف سلامه عليك ياقلبي فالك العافية ومأجورة ان شاء الله
بالنسبة للراحة لازم ترتاحي شهرين اقل شي عشان طبقات البطن الداخليه تلتئم تمام وماتتعبي في حملاتك الجايه ان شاء الله الرحم ما اتضرر لكن البطن سبع طبقات اتفتحت لازم تلتئم هذا كلام استشاريتي لما سويت العمليه العام الماضي
وبالنسبه للهرمون النسبه مو شرط انا انصح كل وحدة مجرد ماتتأخر عليها الدورة وتحلل يطلع حمل تروح تتأكد انه حملها سليم لاني العام الماضي للاسف كان الهرمون عندي جدا مرتفع 3800 في اليوم الاول واليوم الثاني ارتفع 4300 وكان هذا مصدر القلق والتساؤلات من قبل الفريق الطبي وكانوا مستغربين من النسبة وعندي الم قاتل ونقط بسيطة افرازات بنيه المهم كان عندي توأم الاول داخل الرحم وكان سليم والثاني خارج الرحم ونزيف داخلي في منطقة البطن والحوض لكن الثاني اتوقف نبضه وسويت تنظيف وفتح بطن في نفس الوقت يعني انت الحمد لله على طول بان وارتحتي من الالم انا بعد ما اتعذبت نفسيا وجسديا لما عرفت انه واحد داخل الرحم اتعلق قلبي قلت يلا يبقى واحد لكن ربي ما اراد والحمد لله الحين انا حامل بعد سنه بالظبط

الله لايكتب على احد يجرب هذا الالم وهذه التجربه القاسية ويرزق كل من تتمنى الذريه الصالحة

ياقلبي عليكي الحمدلله ربي عوضك
حالتك تعتبر نادرة
من جد لما اشوف مصايب غيري تهون عليّ مصيبتي
الله يهون عليكي الحمل ويسهل لك ولادته

نفس حالتي انفجر واستأصلو جزء من اﻻنبوب اليمين الحمدلله ع كل حال