والله العظيم يا خواتي في الله .. لو خبرت اهلي بكربتي ما قدروا يواسوني مثل ما تواسوني ..
والله تاثرت وايد بوقوفقم جانبي .. احس براحة انه في ناس في هذا العالم يعلمون بامري .. وانا اكبت في داخلي وصدري سنين طويلة .. والله انا قاعدة الحينه اصيح من كثر التاثر .. والله لا يراويكم في مكروه .. امين ..
اختي .. طامح .. انا اقوم الليل بس احيانا امتنع من .. والدعاء موجود مع الاستغفار والله يتقبل ان شاء الله ..
عزيزتي .. بنت النشاما .. مشكورة على المشاعر الطيبة .. والله انا متوكله على الله .. بس ساعات تاتيني وساوس الشيطان .. والله المستعان ..
اختي .. فطوم84 .. الله يرزقج ويرزقني بالذرية التي تقر بها اعيننا .. امين ..
عزيزتي .. واحة الخيال .. والله يسمع منج .. امين .. والله سالت مشايخ كثير .. وقالوا لي هذا ابتلاء من الله .. لاني والحمد لله .. مطيعة للوالدين .. والكل يحبني .. والحمد لله .. انه ابتلاء .. وان الله مع الصابرين .. وبعد الصبر ياتي الفرج باذن الله ..
الحمد لله اختي .. واحة الخيال .. والله لما تشوفين مصيبة غيرج تهون عليج مصيبتج .. بس انا مب زعلانه على نفسي بقدر ما ازعل على زوجي .. ما شاء الله اخوه ياله ولد من شهر وعنده اربع عيال .. واخوه الثاني بنية وعنده خمس عيال ما شاء الله .. واحس الحسرة في عينه .. مب حسد لا قدر الله ولكنها الغبطة ..
شكرا .. منتظرة الفرج .. على المشاعر الطيبة .. والله يفرج عليج .. امين ..
وادعولي الله يخليكم .. ويجزيكم خير ان شاء الله ..
والله العظيم يا خواتي في الله .. لو خبرت اهلي بكربتي ما قدروا يواسوني مثل ما تواسوني ..
والله...
يارب ياحنان يا منان يا ذى العرش المجيد يا فعال لما تريد ....... سالتك بعدد خلقك ورضى نفسك وزنه عرشك ومداد كلماتك,,سالتك بأسمائك الحسنى وصفاتك العليا ان ترزقك اختى فى الله الذريه الصالح عاجلا غير اجل يارب العالمين...وتسخر زوجها لها يارب العالمين