قصتي مع الحمل وكورونا و الاجهاض وحبوب الاجهاض ٣ مرات 💔

السلام عليكم
بحكيلكم تجربتي مع الحمل .. اكتب لكم الان وانا بالمستشفى
البدايه كنت مصابه بفايروس كورونا وتاخرت الدورة علي استغربت قلت يمكن من الفايروس ( مع العلم ان لي ٨ سنوات اتعالج ابي احمل) .. وسبحان الله ربي كتب اني احمل وقت اصابتي بكورونا
..جبت تحليل الحمل لان عندي علاجات لازم استخدمها قلت بتاكد بس ولما سويت التحليل طلع خطين 😭😭😭هنا انهرت بكاء 😭😭اول مره بحياتي اجرب دموع الفرح اضحك ودموعي تنزل شعور جميل وغريب ولذيذ جدا 💕💕💕 ..
عشت احلى شهر بحياتي اهتم باكلي وشربي ما اتحرك نهائي سعيده جدا اقوم الصبح واجهز فطوري واشغل قران واشرب كوب الحليب واشغل بخور كل يوم يمر احس انه نعمه كنت انام بدري عشان يمر يوم من الحملنفسيتي كانت قمه مثل الفراشه هاديه ومروقه وسعيده جدا سعادتي لاتوووووووصف استمتع بكل ثانيه ودقيقه


.. لكن لاحظت شي وحم مافي ؟؟؟
نهائي قمت اقرا قالوا طبيعي بس انا حملي السابق وحمي قوي جدا .. رحت للدكتوره قالت الجنين موجود والنبض موجود لكن حجم الجنين صغير ؟ قلت انا اعرف التاريخ الي حصل فيه الحمل لاتقيسين على بدايه الدوره قالت امم طيب كذا ممكن يكون حجمه صغير لانك لسى ٦ اسابيع .. المهم مرت الايام وانا ملتزمه الراحه وبقمه السعادة والوحم ماله طاري .. الى ان جاء يوم حسيت بدم نزل معي رحت الطوارى قالوا هرمون الحمل مايرتفع .. بعد يومين راجعتهم قالوا الجنين بدون نبض 💔💔💔 الحمد لله على قضاءه وقدره انهرت وبكيت لين ورمت عيوني .. وطلعت السياره ابكي مثل الطفل بكاء ماعمري بكيته استغفرت ربي وحمدته على قضاءه وقدره وانا موقنه ان قضاء ربي كله خير ولكن- ان العين لتدمع وان القلب ليحزن- والحمد لله

قالوا اطلعي للبيت وهو بينزل من نفسه لو مانزل بتعطيك حبوب اجهاض .. طلعت منهم لمستشفى خاص وطلبت سونار وقلت ابي اتطمن على البيبي قامت الدكتوره مسكينه تحوس قلت اش فيه قالت مافي نبض.. قلت يالله الحمد لله انا بس بتأكد ومريت العطار واخذت عشبه المدينه وكف مريم وكمون ورشاد ..
كان عندي موعد متابعه حمل مع دكتورتي بعد يومين قالت لي اختي لاتستعملين شي لين تشوفك دكتورتك وتتاكدين يمكن في نبض ماتدرين ... مر اليوم الاول تعباانه اليوم الثاني ماقدرت مغص والام وجسمي تعباااااان ) كان هذا طلق سبحان الله وانا ماكنت ادري ( قمت استخدمت الاعشاب واليوم الثاني رحت للدكتوره وزاد الدم عندها كشفت علي قالت مافي نبض فعلا والجنين والكيس بالرحم موجودين قالت تنويم واضح بتجهضين .. قلت استعمل شي قالت ولا شي ارتاحي وهو بينزل .. طبعا ماسمعت كلامها شربت عشبه المدينه وكف مريم
نوموني جاء اليوم الثاني قالت: مانزل معك،
قلت لا ،، قالت بنعطيك ٣ حبات تحت اللسات وبتسبب لك طلق. قلت شرايك ننتظر واستعمل مشروبات دافيه وامشي يمكن ينزل قالت براحتك قلت انا احس بشي نازل تحت بالرحم مثل الثقل خل نسوي سونار .. لما سوينا قالت فعلا الرحم مافي شي الجنين نازل على عنق الرحم. اشربي الاعشاب الي عندك ونشوف
اليوم الي بعده جو عملوا لي سونار ماتغير شي قالوا يالله حبوب الاجهاض استخرت واستعملتها الساعه ١١ الظهر يوم الجمعه الى الساعه ٥ العصر مانزل شي طلق مثل الام الدورة بس مضاعف قالوا يالله جرعه ثانيه ٣ حبات تحت اللسان ونفس الالم لكن الرحم مسكرررر مانزل شي




السبت اعطوني جرعه ثالثه 😥٣ حبات تحت اللسان لدرجه احس فمي تقرح من قوة العلاج ... ولا صار شي اتردد الله يكرمكم على الحمام و اكلت تمر تذكرت الايه القرانيه في سورة مريم سبحان الله ونزل معي كيس الجنين فقط
يوم الاحد جت الدكتوره اخذوا لي سونار وقالوا الجنين على عنق الرحم بس مو راضي ينزل لان الرحم مسكر قالت الدكتوره بحاول افتح لك الرحم🤬طبعا الالم لايوصف صراخ .. وقالت عندنا خيارات# بنعطيك جرعه حبوب اجهاض للمره الرابعه 😳😳 #ولا نعمل تنظيف
#ولا تطلعين وتشربين اعشاب وتجينا بعد اسبوع ؟
قلت الي تشوفينه )لاني اثق بعد الله بالدكتوره استشاريه فاهمه وحنونه وتخاف الله قالت خل نجرب نعطيك حبوب مره رابعه 🤪
قمت شربت عشبه المدينه مع كمون وحلبه .. تاخروا بالجرعه دقيت عليهم قالوا الصيدلي رفض يكتبها لنا لانك تحاوزتي الجرعه )) المستشفى حكومي طبعا ((
بعدها خلص دوام الاستشاريه وجاني الدكتور المناوب. قال بما انهم رفضوا يعطونك الخبوب بنعطيك طلق صناعي مع المغذي .. هنا انا خفت وقلت الموضوع مو مستاااهل اخاف ينفجر الرحم طلق والرحم مسكر!!
رجعت شربت حلبه وكمون واستخرت وقررت لو جابوا الطلق الصناعي برفض
المهم اكلت تمر وقهوه
.. سبحان لله بعد ساعة ونص الا حسيت بمغص قلت بتحجج بالمغص عشان مايعطوني الطلق .. اذن المغرب ودخلت بتوضى وكنت موصيه يجيبون لي حلتيته سمعت انها تفتح الرحم .. الزياره ممنوعه بسبب الكورونا بالموت قدرت يدخلونها لي لما دخلت الحمام الله يكرمكم بتوضى وافتح الحلتيته بشمها الا ينزل معي الجنين ولله الحمد


طلعت لقيت الدكتوره قالت مايحتاج نعطيك شي بكره تطلعين وهو بينزل مع الوقت .. قلت ابشرك نزل ولله الحمد ..
مايستفاد من القصة
١-مانستعجل بعمليه التنظيف ..اول اسقاط لي رحت مستشفى خاص اول ماعرفوا اني حامل وسقطت نزل معي الجنين بدوره المياه الله يكرمكم سوا لي تنظيف ؟؟ ليش طيب الجنين نزل ؟؟ لعبوا فيني لعب وانا بكريه جلست شهر اتألم من ظهري ..
روحي مستشفى حكومي لاتروحين خاص يلعبون فيك ولاتستعجلين لكن القرار الاول والاخير للاطباءحتى لايحصل نزيف لاسمح الله


٢ - لما سالت الدكتوره عن سبب توقف النبض هل من الكورونا قالت ممكن يكون سبب وممكن لان عندك اسقاطات سابقه ..


٣- عشبه المدينه وكف مريم شربتها ونزل الكيس والجنين من الرحم لكن علق بعنق الرحم لانه كان مغلق .. كنت استعملها بحذر وكميات قليله وانا بالمستشفى قلت لو لاسمح الله صار نزيف اكون عندهم .


٤- اكلت تمر بعد الله ساعد في فتح الرحم ونزول الجنين الحلتيته ما امداني استعملها نزل الجنين وانا توي افتحها بجربها .
٥ ايام تنويم بالمستشفى كنت جايبه الاعشاب معي وانقعها بماء حار واشرب منها
عشبه المدينه الصباح
والحلبه والكمون استخدمتها مع حبوب الاجهاض


شي اخير بقوله الحمد لله حتى يرضى على اختياره ومشيئته الي كلها خير. راضيه بقضائه وتدبيره . موقنه بان قضائه كله خير .. ربما هذا الجنين الي حزنت على فقده وبكيت عليه لو استمر لكان فيه اعاقه او تشوه فلك الحمد ولك الشكر
وتدبير ربي كله خير ان اشغلني عن الالم والحزن كنت ادخل لغرفتي وانهار بكي حلى حلمي الي مات نفسيتي كانت دنار لدرجه خفت من الاكتئاب ....فصرت مشغوله بموضوع خروج الجنين والحيره بين التنظيف او الانتظار او تجربه الحبوب. حتى صرت اتمنى خروجه وفرحت جدا بخروجه .. سبحان من اشغلني وسلاني عن الحزن والهم والغم الي كنت فيه ..
فاللهم لك الحمد حتى ترضى ولك الحمد اذا رضيت ولك الحمد بعد الرضا . وخيرة الله اجمل من امانينا 💕💕