قصتي مع الحوقله

السلام عليكم ورحمة الله وبركاته


من فترة مريت بظروف ، نفسيتي تعبت ومريت بكآبه وخوف وقلق ، تمنيت الأيام تمر بسرعه عشان انسى وحياتي تكون مثل قبل ما احس فيها بشي ، كرهت كل شيء واعتزلت عن الكل 🌸


حتى صديقاتي ابتعدت عنهم ، يلي تركوني ما تحملوا مزاجيتي ، ويلي عاملوني بالمثل ، وما قدروا ظروفي بس دايما اقول لنفسي انه ربي معاي في كل ظروفي حتى لو محد حولي 💙🌾


ونسيت انه ربي رحيم ولطيف ، دايما احسس يلي حولي برحمة ربي ولطفه ويتمسكون برب العالمين ويقوون يقينهم وايمانهم بالله ، ونسيت نفسي ♥️


مر علي ثلاث ايام تقريباً ما كنت اقدر ارقد ، يمكن ساعه او ساعتين وعقب اتم بخوف وقلق واتم افكر على اشياء مالها داعي ، حطيت عمري في حاجز اليأس ، دايما كنت ابعد نفسي منه ودخلت في غصبن عني ، اول مرة في حياتي امر بـ هالموقف واعيش بـ هالشعور♥️🥺


تعرفون شعور انه كل شي ضدكم ، والخوف محتويكم ! بس تدعون ، وما تعرفون ليش عايشين وتتنفسون !بيدي دخلت نفسي فاليأس عطيت الشيطان فرصة يسيطر علي ويكسر فرحتي ، نسيت اني ربي اقوى عن كل شي 💙🌧


وقعدت بيني وبين نفسي قلت ليش انا اضعف ؟ ليش اخلي الشيطان يضحك علي واعطي فرصه انه يكسرني اكثر واكثر ، ويخليني اوسوس على اشياء مالها داعي ، وامور حياتنا بيد ارحم الراحمين ، خذت لي نفس عميق وقلت لنفسي انا اقوى من هالشي حتى لو انه يتعبني💛🌻. .


وقلت لازم اتغير ويلي غيرني( الحوقلة ) وكنت واثقة انه ربي راح يريح قلبي ويبعد عني الخوف والقلق وما حطيت عدد معين في بالي ولا حطيت اليأس بقلبي وما فكرت فيها اصلن ، بس كنت احوقل وعندي يقين انه ربي راح يطلعني من هالعتمة ويعوضني براحة بال 💙🎐


احيانا في هل مواقف رب العالمين يعلمك منو معاك ومنو بيوقف في شدتك ومنو يتخلى عنك في اول فرصة ، ومنو يتمسك فيك ف اصعب اوقاتك ومزاجيتك 💛.




دايماً اقولكم عن فضل الحوقلة عظيم عظيم ، عندكم مشاكل ؟ وتأخير امنيات وتحسون بخوف وقلق واشياء كثيرة اكثروا من الحوقلة ( لا حول ولا قوة إلا بالله ) وانا حطيت نيتي اني ارتاح وانام نومه ما افز فيها ولا اتم في خوف ، والحمدلله لك يارب ربي ما خيب ظني ♥️😭


قمت من النوم وانا مرتاحه حسيت عمري خفيفه ، يالله ربي لطيف ورحيم بنا ، بس احيانا احن نغفل ونمشي ورا وسوسة الشيطان احمد ربي انه خلاني افكر فيها اني احوقل وافوض امري لربي 💛🌸


يمكن كلامي مش مرتب بس اتمنى تستفيدون منه وتخلون الحوقلة سلاحكم الوحيد في اوقاتكم الصعبة. .💙


أعجبتني فنقلتها🙏🏻❤️