قصتي مع الدعاء وحسن الظن مااكرمك يارب ادخلو وببتفأجو دعوه للامل وحسن الظن

السلام عليكم






هاهو الشهر على وشك الرحيل





واني لاحزينه لرحيله وانا لمااقم فيه العبادات مثل كل عام:icon33:

الحمدالله على كل حال



واقولكم مقدما جميعا كل عام وانت بخير وينعاد عليك بصحه وعافيه ولافاقدين ولامفقودين



المهم يابنات هالقصه توها صايره لي هاليومين وقلت بنزلها لكم تتفائلو وتجتهدو اكثر بالدعاء بهااليومين


ياطويلات العمر انا احب الالماس بس اهلي مايحبوه ويقولون مايسوى لو جيتي تبيعه ويشترون لي ذهب اصفر

وانااكره الذهب الاصفر وهم رافضين الذهب الابيض والالماس

1\المهم يابنات كان بقولكم اول شي دايم لمااشارك بشي اقول الحظ تعبان ومستحيل افوز


رقمتها عشان بعدين بعلق عليها


المهم كانت في فعاليات هاليومين بالسوق وكان من ضمنها الماس المهم انا شاركت وقتها قلت اليوم بفوز بالالماس ودعيت ربي ولكن هالمره غير كل مره اقول فيهاانه حظي شين ومستحيل يصير هالشي

المهم يابنات ماشاءالله تبارك الله فزت بالمأس صحيح اني مأخذتها لان تنازلت عنها لغيري من الحضور <<<<السبب لان اول شي انا منظمه وهو مسموح المشاركه لنا بس استسمحو مني اعطيها لاحد من الحضور عشان يفرحو وخاصة لان في ناس ذوي احتياجات خاصه وكان المسؤول يبيهم يفرحو ووافقت

والله يهني الي اخذها ويبارك لهم فيها ويعطيهم خيرها ويكفيهم شرها

وانا متأكده ربي بيعوضني باحسن وافضل من ذاك عشان كذا مو زعلانه :)

المهم يابنات فرحتي على كثر مافزت بالالماس كانت فرحتي الاكبر ان ربي استجاب لي رغم كثير انقهرو علي وقالو المفروض تأخذيها وقلت انا فرحتي الاكبر ان ربي استجاب لي واذا على الالماس اقدر اشتريه بس اهلي رافضين



ومن هنااقولكم شفتو يوم كنت اقول حظي تعبان وماندب حظي ماعمري فزت واول مااجسنت الظن ودعيت ربي بيقين استجاب لي



حبيت اشاركم في هذاالشي وتكثفو الدعاء هاليومين ولاتستبعدو شي على ربكم وحتى اهلي كانو منصدمين لانهم دايم يقولو الحظ نحس وكذا


بنات هي يمكن شي بسيط بس تدرون قبلها كمان كان فيه وسبحان الله مافزت لاني كنت مو محسنه الظن مستسلمه لفكرة حظي نحس

بس في اليوم الي احسنت الظن ودعيت فيه بيقين وحسن ظن ربي استجاب لي على طول ماشاءالله تبارك الله



حبيت اعطي للبعض من ياتيه احباط ويائس دافع واحمسكم وتشدو حيلكم هاليومين بالدعاء


تدرون مو انا بخاطري بالعمره بس انا قلت خلاص مافي ومادري كيف واستسلمت ومتأكده لو كنت محسنه الظن وادعي بيقين اكثر كان سافرت العمره بس الحمدالله على كل حال :44:



اتمنى قصتي تعجبكم وتعطي لمن تملكها اليأس والوسواس دفعه وامل بالي تتمنها والله يابنات مافي شي بعيد عن ربي يرونه بعيد ونراه قريب

حنا نشوف الشي بعيد صعب مستحيل بس ربك مايشوف ان هالشي صعب ويعجزه

تاملو في خلق وانه يعيدنا بعد الموت من العدم الى ماكنا عليه هل ماتتمنيه يعجزه لالاااااااااااا


وبالاخير حبايبي ابي منكم كل وحده استفادت تدعي لي بظهر الغيب بالي بتوقعي وانه يتحدد العرس قريب:44::icon33:



وان شاءالله سوف تكون لي سلسله قصص بحسن الظن والدعاء وسوف انزلها لكم


رغم كثير حولي يعارضوني اني انزل بس والله يكفيني وحده تقول عطتيني امل واني اشد حيلي اكثر بالدعاء واتمسك بالي ابيه تسوى عندي كل شي :39:


أختكم المحبه لكم دوما


&فتاة المستحيل&