قصتي مع الدكتوره عايده ناصر حسبي الله ونعم الوكيل

السلام عليكم ورحمة الله وبركاته
أنا أتابع في مستشفى الدكتور سليمان حبيب بالرياض عند د.زاهية كم كم وهي دكتورتي من أول طفله ليه وانا الآن حامل في ثالث بيبي ليه وإن شاء الله ولد
اللي حصل في يوم السبت الموافق 2012/4/21 كان عندي موعد مع الدكتوره فلما رحت لهناك قالولي الدكتوره مو موجوده طالعه عندها ولاده وهما متصلين قبلها وقالولي تعالي الآن والا ماراح تلحقي الدكتوره فأتصلت على زوجي على طول هو مهندس مدني يشتغل في الأمانه في جنوب الرياض وانا ساكنه في قرطبه تخيلوا المشوار وبعدين يقولوا مافي الدكتوره قلت يلا فطلبت بديل فدخلت على د. عايده ناصر وانا معصبه وزعلانه فقامت اعطتني الصاعقه الكبرى وتقولي إنت عندك المويات زايده في الرحم عن الحد الطبيعي ووزن الجنين كذلك وهذا كله سببه السكر وانت معرضه لولادة مبكره او ولادة قيصريه او لا قدر الله تفقدي الجنين انا صعقت وانفجعت انه وضعي خطير والدكتوره زاهية ماقالتلي على حالتي وأهملتني قلتلها طيب ايش اسوي قالتلي خذي ابرة محفزة الرئه للبيبي في حال حدوث اي شي لك قلتلها طيب وبعدين قالتلي راح اكتبلك تقرير طبي عشان تاخذيه معاك لمدينه الملك فهد الطبيه وروحي الطوارئ وهما راح يعطوك هيا لما رحت هناك قالتلي انت مافيك شي وماتحتاجي الأبرة فخرجت وأتصلت على د. عايده ناصر وقالتلي خذيها في اي مستوصف واخذتها في مستوصف المروج العلاجي عند د. سوزان الله يسعدها المهم وثاني يوم رحت قدمت شكوى عند المدير لطبي ياسر السدحان على الدكتوره زاهيه كم كم ويارتني ما قدمتها والله والله والله ندمت ندم كبير بس قدر الله وماشاء فعل المهم لما قدمت شكوى فيها قلت نقطه بايخه فيها انها مهمله مرضاها ولا تتابعهم كويس هذا معنى الكلام اللي افتكره المهم وبعدها طلبت تحويل للدكتوره شاكره برفين وعندي ذهابي للمستشفى في يوم السبت الموافق 2012/5/5 وانا انتظر دخولي للدكتوره وجاء موعد دخولي رفضت الدكتوره زاهية تسليم ملفي للرسبشين قبل التحدث إلي وبالفعل رحت لعيادتها وورتني الشكوى اللي قدمتها فيها فقالتلي انا راح اكلمك كأنسانه كأم لبنتها وليس دكتوره لمريضه عيب اللي انت كتبتيه فيه وسويته فقلتلها وعيب اللي انت عملتيه انا دخلت عند الدكتوره عايده وقالتلي كذا وكذا وكذا وانت مهملتني ولا حتى تعطيني خبر فكاااااااااانت الطامه الكبرى هنااااااا قالتلي انه الدكتوره عايده ناصر ماقالتلها كذا وانها تتكلم عليه كمريضه وكمان تقول الدكتوره عايد ناصر للدكتوره زاهية انه هذه المريضه تتكلم فيك وجاتني معصبه وهي غريبة الطوار المهم قلتلها انا معايا اثبات انه قالتلي هذا الكلام ووريتها التقرير اللي معايا فلما شافته الدكتوره زاهيه على طول رفعت السماعه واستدعت الدكتوره عايد ناصر وجلست تكلمها تقولها ليش تقوليلها انه عندك كذا وكذا وهيا كل شي عندها طبيعي ومافيها شي يخوف تقول هيا قالتلي هذا الكلام فرديت انا لو اعرف اشخص حالتي ما اجي لا عندك ولا عندها وتقولها هذا التقرير مو انا كتبته المهم انكرت قلتلها بيني وبينك الله واحلفي على القرآن انه هذا كله ماقلتيه ماحلفت هيا عارفه نفسها المهم اتضحت الصورة للدكتوره زاهية كم كم واتسامحنا انا وهيا وكانت سبب المشاكل الدكتوره عايد ناصر لقلة خبرتها وكفائتها الطبيه والتشخيصيه انصحكم نصيييييييييييييحه لا تروحوا عندها والحمد لله جات على ابرة محفزة رئه ولا اعطتني دواء وضرني وضر الجنين وقدمت شكوى في الدكتوره عايده ناصر عند المدير الطبي ياسر السدحان وادعوا لي انه ان شاء الله كل واحد ياخذ جزاه حتى لو انا ظلمتها ربي ياخذ حقها مني واذا ظلمتني واتكلمت عليه وتطلعني كمان كذابه الله لا يسامحها و لا يباركلها لا دنيا ولا اخره
وهذه قصتي ...
وادعولي ربي ييسر امري ويفرجها عليه بساعه طيبه يارب ... ويرزقني الولد الصالح اللي انتظره خلال هذه الأشهر القادمه
ولكم مني مني خالص الحب والتقدير :06: