قصتي مع السمنة

االسلام عليكم و رحمة الله و بركاته
كيف الحال يا بنات و شخبار يومياتكم مع الريجيم؟ ان شاءالله كل شي تمام؟
المهم انا يا بنات عضوة يديدة و اول مرة اشارك عندكم و كل مرة اسوي تسجيل في المنتدى يقولون رفض رفض يمكن صار لي شهريين اسجل و يطلع لي رفض لييين ما مللييييت و غيرت نيك نيم و كتبت لييين متى ؟ وصار حظي حلو ههههههههههه( :D )و ان شاء الله اكون ضيفة خفيفة عندكم الصراحة السالفة و ما فيها اني من صف رابع بدت معاي السمنة و شوي شوي زادت لين ما وصلت سبعين كيلو و انا في الصف ثالث اعدادي وياني خطاب و انخطبت حق واحد رشيق و مزيون(ههههههه علي انا :30: ) المهم هو ابدا ما شافني بس العايلة الكريمة قاعدة توصفني وقاعدة تخربط و تقول ان ولدهم احسن منها بوايد واني ما استاهل ولدهم (اذا ما استاهل ليش يتوا اصلا :16: ) بعد سنة من الخطوبة الريال يقول ما اباها خلاص تعبت ما ابا اجامل اكثر و الحمدالله الخطوبة انفسخت ( يعني بالعربي الفصيييييح باي باي هههههههه :D ) واهني بديت افكر و اقول انا استاهل واحد احسن منه و ان شاء الله ما راح احزن و مالي في كلام الناس هم يتحرووون راح اصيح ولا ادق راسي بالطوفة هههههه والحمدالله اني ما حبيته اصلا و شوي شوي رحت اخفف من اكلي يعني كل شي نص بالنص يعني اذا كنت اكل خبزة كاملة كنت اسويها بالنص و اذا كنت اكل عيش قبل 1000000 قفشة الحين 100 قفشة ههههههههه والله العشا نفس الشي كنت اسوي نصبالنص يعني لا ريجيم ولا ابو الرجيم و صرت ما اكل الحلويات و الشبس و الايس كريم حتى والله اني مازدت السلطة و لا الفواكه كل شي كان عادي في عادي حتى الماي ما كنت اكثر يعني يوم عطشت شربت والبيبسي قطعته نهائيا وشوي شوي قمت انحف من دون ما احس حت تصوروا المشي ما كنت امشي يعني من المدرسة الى البيت من البيت الى المدرسة لين قمت الاحظ الملابس قاعدة توسع بشكل رهيب والله يا بنات حتى امي و ابوي يقولولن لي ليش جذي نحفانة فيج شي (هم يتصورون اني قاعدة افكر حق اكس خطييييب ههههههه :D ) صرت سنتين اتهنى بجسمي و صرت البس وانا واثقة من عمري يعني سنتين وانا ستييين كيلو لا ازيد و لا انقص ليين خلصت الثانوية العامة وانا رشيقة بعدين ياني خطاب وانخطبت حق واحد الكل يتمناه حق بنته والله يا بنات ما ابالغ و تزوجته :icon28: وصار عندي عيال والحين انا عندي زيادة بالوزن بسبب الولادة واكل المطاعم زيادة عن اللزوم وصلت 85 كيلو المهم بديت انا طريقتي وللحين نزلت خمس كيلو في شهر و نص من دون ما احس يعني مرات امشي مرات لأ لاني مو مستعجلة عادي انزل بطيءءءءءءء المهم انزل وزني و انا مرتاحة وبس
ادري اني عورت راسكم بسالفتي بس ابيكم تعرفون انه مب لازم تسوووون دايت سوووا اللي يريحكم يعني عادي ينزل وزنكم بطييي خليييكم كووول و شوي شوي راح تلاحظون فرق انشاءالله يالله مع السلامة