قصتي مع الشغالات

محتارة من فين أبدأ وكيف أشرح لكم حالتي بس شيء في القلب ومحرووووقة من الشغالات
سالفتي وقصتي وحكايتي أنا عندي أطفال 3 ورى بعض ومحتاجين رعاية وإهتمام كبييير وأنا ماأقدر عليهم وعلى شغل البيت فقررت أجيب لي شغالة لشغل البيت بس أما أطفالي مستحيييييل تمسكهم أو تسوي لهم شيء حتى الله يكرمكم الحمام أدخلهم معاي لأني ماأثق فييييهم أبد؛؛؛طيب فين المشكلة؟؟
المشكلة جبت لي شغالة حبشية من اللي بدون إقامة وجلست بس إسبوع وراحت السبب؟؟!
كانت حامل وماتبغاه وأخذت حبوب وطاح حملها عندي وكان لها شهرين؛؛يعني جات عندي لحاجة ولما تخلصت من حملها راحت بالظبط جات عندي الجمعة وراحت الأربعاء؛؛
وجلست حايسة بدون شغالة وكلمتها قلت لها ماتبغين ترجعين قالت لي لا قلت لها أبغى شغالة وأدتني رقم وحدة الله لايعيدها ماتحملتها إسبوووعين وربي أقرفتني بعمري وسخة بكل ماتعنية الكلمة أول مرة أشوف حبشية وسخة مثل(فطورها من الصباح تتركة مكشوف لحد المغرب وترجع تاكله-الشاهي البراد تتركة مفتوح بدون غطاء لليوم الثاني-عصيراتها تتركها مفتوحة على الدولاب-الصامولي تتركة مفتوح الكيس ولما أصحى أبفطر أنا وأولادي والله الاقيه ناشف ويابس ماتقدرين تبلعينه )تضاربت وتفاهمت وتناقشت بس بدون فائدة طردتتتتتتتتها..
وكلمت الأولى قلت لها ماتبغين ترجعين قالت لي تبغيني قلت لها إذا تبغين تشتغلين تعالي؛؛
الله لايعيدها من ساعه كلمتها فيها وترجيتها ومن هنا تبدى معاناتي وحكايتي::
ماتذكرت المواقف غير في اليومين هذي؛؛
جات عندي يوم الأربعاء العصر وفي نفس اليوم آخر الليل بنتي ماكملت سنة إنحرقت يدها من موية البرادة ومستشفى وحووووسة 
وبعدها بكم يوم بنتي الكبيرة جاتها نزلة معووية غريبة تعبت وتبعت لحد ماتشافت منها ولله الحمد
وبعدها طاح على ولدي عمرة سنتين باب دولاب الملابس لاتسألوني إش صار لكن ربي كتب له عمر جديد
ومشاكل مع زوجي--وأي مشوار يتفركش مستحيل يتم--أكل والله العظيم ماشفت شغالة مثلها أكلت الأخضر واليابس ماتترك شيء في الثلاجة وماأدري ليه ماكنت أكلمها؟؟
علاقة مع زوجي أبدا طول فترة جلوسها عندي ماصار شيء أصلا حتى ماكنت أفكر إنه ليه وإش الأسباب؛؛
وآخر مصييييبة وأنا عند أهلي لقيتها ماسكة ولدي وتفرجة على مقطع بجوالها وإرادة الله أنتبه له وكان المقطع لولدي مصورته وهو يلعب إنصدمت ودي أصفقها سألتها متى صورتية لأني والله ماأتركه عندها قالت لي اليوم صورته وفعلا كان بنفس الملابس اللي وقتها لابسها وكان التصوير في بيت أهلي أستغفلتني وصورته طبعا خليتها تمسحة وقلبي ماريحني أشغلتها ورجعت فتشت جوالها مالقيت المقطع وبعدها بيومين و ولدي الصغير وأخته يتعبون وأسبوع نومتهم في المستشفى وأبر وتحاليل طفشوني وخرجتهم على مسؤليتي
طبعا الشغاله وقت تعبهم راحت إجازة واحد متوفي عندهم ولاعاد شفت وجهها طردتها أحرقت قلبي بأطفالي:::
والله أكتب لكم وأنا مقهووورة ياناس ماأذيتهم والله تاركتهم في حالهم نوم وأكل وشرب وشغل ماأكلمهم تشتغل على خفيف طول الوقت فاضييييية على الجوال
يعني هم يعرفون الواحد قد أيش محتاجهم ويذلووونه''حسبي الله ونعم الوكيل""
من بعد ماخرجت وأحس براحة في بيتي صح الشغل هاد حييييلي بس النفسية أرحم..
طبعا أنا من المدينة والشغالتين جبتهم من عند واحد يجيب شغالات وماياخذ عمووولة عليهم بس تدفعين فلوس الشغالة
نفسي أقول إسم الرجال وإسم الشغالة حتى كل وحدة تاخذ إحتياطها منها بس أخاف
أقطع رزقها.
عندي سؤالين :
ولدي الصغير دايم تعبان وكل المصايب ماتصير غير فيه كيف أعرف إذا فيه عين أو حسد؟؟
أبغى راقي كويس نفسي أروح وأخذ ولدي معاي 
نفسي أرتاح وأعرف إش فيه؟؟
لاتجي وحدة وتحرق قلبي وتقول لي هذا من الشغالات لا والله ولدي من كان صغير وهو تعبان كان هادي ومسالم وقبل مايكمل سنة وينقلب حاله لطفل ثاني..

عندك نصيحة-كلمة تجبرين خاطري قوليها
أما تجين تسبين وتتفلسفين الله يجزاك خير إقري الموضوع وأخرجي بدون رد..