قصتي مع الصدقه وتيسيرها

السلام عليكم بقولكم وكاطول عليكم عن قصتي مع الصدقه
سبحان الله كنت قبل مهمومه وكنت اخاف من المصيبه والبلاء
وادعوا الله دوما ان لا يبتليني المهم تذكرت الصدقه وقلت الحين ادعوا ربي
وبس ليش ماتصدق وخصوصا ان تاصدقه تشفي المريض وتطيل العمر وتدفع البلاء
وتزيد الرزق سبحان الله كم نحن غافلون لماذا لا نخصص جزءا من اموالنا للصدقه ولو يسيره
وفكرت قلت صعبه اقول لزوجي يعطيني مبلغ للصدقه وانا راح اخذ منه للسوق كمان يعني
لملابس العيد غير ملابس الشتا الي اقبل علينا فاستحيت اطلب منه ودعيت ربي انه ييسرلي
امر الصدقه 000وفي نفس اليوم لما جا زوجي من الدوام قابلني وهو يعطيني خمسميه ريال
قلت ليش هذول قال هذي هديه مني بمناسبه فلوس الانتداب اللي اعطوني اياها سبحان الله
شوفوا كيف ان ربي قريب مجيب الدعاء وفكرت قلت وش احسن شي اتصدق فيه ودعيت ربي ييسرها لي
والله يابنات مامداني افكر الا واتصلت علي وحده من قريباتي تقولي اذا بتتصدقين بصدقه السنه اللي كل يوم
يطلعون منه ريال وهو 360ريال على ماظن وقالت عن ناس محتاجين متفقين مع مطعم يغديهم كل يوم ب40ريال لان
ماعندهم احد يطبخ لهم وابوهم تعبان وامهم مطلقه قلت سبحان الله جت لعندي وقلت لها سجليني بالثنتين
بخمسميه ريال لكن بعد كم يوم جاني ابليس وقالي روحي اشتري فيها بالسوق واذا طلع راتب زوجك اعطيهم بعدين ودعيت ربي قلت يارب يسر لي من ياتي ياخذها لاصخابها قبل ان اشتري فيها وسبحان الله بعد شوي جت
بنتي تقولي فلان جا يبي فلوس الصدقه بيوديها لفلانه صاحبه مشاريع الصدقات ماشالله عليها والحمدلله
قلت وانا اشكر ربي واسبحه سبحان من يعطينا لكي نقرضه ومن يقرض الله قرضا حسنا يضاعف له وهو الذي ييسره لنا لكن احنا محتاجين صدق النيه والحمدلله على توفيقه فياليت تستفيدون من قصتي وتعملون بها 000