قصتي مع الضغط

السلام عليكم

اتمني احد يفيدني بقلكم قصتي في حملي الاول

تاخرت في الحمل 7 سنة وبعدها حملت وطرحت من الفرحه انا وزوجي

وكان اول حمل مافهم فية كثير وغيركذا زوجي مو مهتم بالمراجعات غير بالخصوصي يقول اريح

وبعد كذا فرحتي ماتمت مات الجنين في بداية السادس

ودارت فيني الدنيا انا وزوجي بس الحمد\الله عندي ايمان احتسبت وقلت اللهم اجرني في مصيبتي واخلفني خير منها

ولمن جاء مو عد نزول الجنين اعطوني طلق صناعي ماتتخيلون عذاب الطلق وانتو جربتوو وراح تحسوو فيني

لكن الوحدة تتعب في الطلق تصبر نفسها انها بتشوف طفلها وتضمة وتنسى الالم وكل شي

بس كيف الوحدة لمن تتعب وكل شي بالاخير تشوفه قدامها مكفن

هذا غير تعب النفسية
اللهم لااعتراض

لمن سئلت الدكتورة ايش سبب وفاة الجنين قالتلي ضغط دم مرتفع وزلاال في البول كانت عندي اعراض الضغط وانا حامل بس ماكنت اعرف انه ضغط وقلت اللهم اجرني في مصيبتي واخلفني خير منها

والحمدالله الله عوضني بعد بسنة والحين حامل بشهر وماكنت متوقعه باحمل على طول لكن الحمدالله على كل حال بس قصتي بحملي الاول وعذابي خرب علي فرحتي انا وزوجي ماخلينا موقع مايتكلم عن الضغط مادخلناه صارت فيني وساوس وانه راح يموت ومارح يتم واقل زوجي لاتفرح وتنصدم ولاتهتم ابد
والحين ابيكم تريحون قلبي كل وحدة تقول من جاها ضغط اوتسمم حمل اوزلاال في البول ومات اللاول والثاني عاش

ابي تجاربكم اوتجربة احد تعرفونه فيدوني لاتسفهوني