قصتي مع العقم.... اتمنى قرأتها والدعاء لي

السلام عليكم
بنات راح اقول قصتي مع العقم،، واتمنى الدعاء منكم بقلب صادق لي وكل محرومه بها المنتدى
بعد تأخر سنه رحت وسويت فحوصات وقالت الدكتوره زوجي سليم بس انا عندي هرمون الحليب ،، تعالجت منه وحملت لكن الله ما كتب ونزل ،، وبعد سنه تقريبا رحت لدكتوره قالت نفس الشئ بس عطتني مع علاج هرمون الحليب كلوميد وحملت، بس صار حمل خارج الرحم،، وبعد العمليه بكم شهر ،، رحت للدكتوره وسوت لي اشعة صبغه قالت لازم اسويها بعد اي عمليه وطلعت النتيجه كويسه الانابيب مفتوحه وشكلها كويس،، وبعد كذا سوت تحاليل طلع هرمون الحليب زين بس صار عندي مشكله في هرمون ثاني البرجسترون وعطتني او شهر كلوميد ما صار فيه حمل ثم ابر كم شهر ما فيه حمل صار عندي تضخم في المبايض من كثر الابر المنشطه .. مليت وقفت عن العلاج خفت قلت اخاف ها الابر كلها تضر،، وبعد يمكن سنه رحت لدكتور قال اول شئ لازم نسويلك منظار؟؟ سويته طلعت نتيجته... ان عندي مشكله ولا لها حل بعد الله الا ( أطفال الانابيب) وهي التصاقات في الانبوب الايمن وانسداد في الايسر؟؟؟؟ يالله يا بنات وشلون كان الخبر قاسي علي وعلى زوجي وخاصتا زوجي... بس الحمد لله على كل حال....
زوجي ما اقتنع قال اكيد يبي فلوس ومن ها الحكي ( من هول الصدمه يمكن ) وبعد فتره بديت اقنع فيه بشتى الطرق لين اقتنع بس بعد ايش....
وبعد سنه من ها الكلام تقريبا بديت اول عملية طفل انبوب ..
نتيجتها سحبو البويضات وبعد السحب بيوم انتفخ بطني انتفاخ عجيب ورحت للاسعاف صار عندي استجابه زائده وحطوني على الملاحظه ... ولا صار فيه ارجاع .. وعشان المستشفى حكومي ما عندهم تقنيه تجميد الاجنه فاتلفوهااا
وبعد كم شهر عدت المحاوله وصار فيه ارجاع ولا صار فيه حمل وتعرفون وشلون النفسيه عاد والانتظار للنتيجه كيف... بس ما نقول الا جعلها تكفير للذنوب
وايضا بعد كم شهر عدت المحاوله .. اول ما ابتدي يسون لي اشعه لقو كيس بويضه قالو بنسحبه قبل ما نبتدي منشطات وسحبوه وبعد ها السحب صار لي التهاب حاد في البول ( يمكن عدوى) بس استمر ها الاتهاب لين الارجاع لدرجة اني خسرت 4كيلو من التعب... والنتيجه ما فيه حمل
وبعد كذا
جلست قرابة السنه وغيرت المستشفى وعدت العمليه وبعد فشلت .... والله يرزقني
بس في ها المستشفى جمدو لي اجنه اول ارجاع للاجنه المجمده صار حمل بس ما استمر طلعت النتيجه بعد يومين نزل دم ثم اجهضت ... يعني يا فرحه ما تمت... والحمد لله على كل حال
وبعد كذا عدت التجربه وايضا فشلت
اللهم ارزقني الذريه الصالحه المعافاه عاجلا غير اجل وجميع المحرومات
وان شاء الله راح اعيد التجربه ولا تنسوني من الدعاء
ودمتم،،،،،
اختكــــــــــــــــــــــــم/ عبير البنفسج