قصتي مع العقم خمس سنين والنهاية السعيدة

بسم الله الرحمن الرحيم
اخواتي كل يوم وانا اتصفح المنتدى قلبي يتقطع على اخواتي المحرومات من الخلفة عشاني اتذكر ايام ماكنت وحدة منهم والحمدلله ربي رزقني والله يرزق كل محرومة يارب
وبسبب ذلك قررت اكتب قصتي مع الحرمان من الخلفة لمدة 5 سنين زواج وايش كانت طرق علاجي والنهاية السعيدة ولله الحمد
طبعا انا اتزوجت وسني صغير كنت 17 سنة وعشان كده فضلت اخاف اني احمل لكن ربي كانه كان يوريني لاني كنت خايفة من لحمل حرمني منه فترة عشان كده كل وحدة لازم تقول الحمدلله على كل طفل ربنا يرزقها هوا وماتغضب حتى لو كان الجنين غير مرغوب فيه
المهم جلست تقريباسنةونصف ماحملت بعدها حسيت بالخوف لاني كنت صغيرة مابغى احمل وبعد السنة والنصف بدات اخاف مع انه ولله الحمد زوجي كان الموضوع عنده عاااادي ما يبغى يخلف لسة
بعد كدا رحت كشفت قالولي بس هرمون الحليب مرتفع وجلست اتعالج منه بدوا صغير والله ماتذكر اسمه بس يبدا بحرف p وحبوبه صغيره جدا المهم جلست عليه سنة ونصف بلا فائدة وكنت احس انه مايغير شيئ وبعد سنة ونصف عملت اشعة الصبغة وعلمت تحاليل وووووو وكله ماطلع عندي شيئ غير سليم كله سليم والسبب بس هرمونالحليب مرتفع وبعدها صرت اتنقل في المستشفيات ومحد يقولي غير هرمون الحليب مرتفع واخيرا وحدة كلمتني على دكتور باطنية وقالتلي روحليه انسان مرة كويس وطيب ودكتور ممتاز جدا ورحتله وعملي تحاليل كثيييييييييييرة كلفتني والله اكثر من 3 الاف ريال المهم ويوم النتايج قالي انه عندي تكيسات دقيقة وصغيرة جدا في المبيض ماتبان ومسببتلي التاخر ده وهرمون الذكورة عندي مرتفع وعلاجي كان بادوية الجلوكفاج وشيئ ثاني ماذكره بس الادوية كانت جدا قوية وبشرني وقالي انشالله الله علاجك من هادي الحبوب 6 شهور وبعدها كمان 3 شهور كلوميد وانشالله 9 شهور تجيني تقولي حامل والله يابنات الادوية من قوتها كانت تخليني اطيح من طولي بس هيا اهم شيئ انها ابلعها بعد الاكل ولما ابلعها بدون اكل مة تتعب يعني كنت احس انه بيغير شيئ في هرموناتي طبعا جلست 6 شهور وانا عالادوية وبعدها وحدة كمان دلتني على صلاة الحاجة وكنت اصليها بنية خالصة طلبا للخلفة في نص الليل وادعي انه ربي يرزقني في السجود من كل صلاة وبعدها رحتله بعد 6 شهور وقالي نبدا مشوار الكلوميد مع نفس الادوية ومشيت عليها مع نظام تمريخ كنت اعمله عند وحدة جاوية كل شهر مرتين تلين الرحم وتزيد قوته والحمدلله بعد 9 شهور زي ماقال الدكتور بفضل ربنا حملت ونسيت اقولكم انه يوم اتاخرت الدورة كنت افكر انه التاخير من خربطة الدورة كالعادة ورحت المستشفى وانا زعلانة مررة وكنت حروح للدتورة ناوية شر ابغى ابر التنشيط حتى لو على موتي بس يوم رحت اكشف لقيت اني حامل والحمدلله كنت بجد فرحانة والله يابنات انه كله من صلاةالحاجة وبعدها الدكتور هاذا في مستشفى سليمان فقية اسمه مازن فقيه حق باطنية رائع جدا بس عيبه دائم السفر وماحد يلحق عليه وهاذي قصتي لكم عشان بس اعطيكم امل واتمنى اكون افدتكم مع خالص دعواتي لكل انه بنا يرزقه اللي يبغاه والحمدلله انا عندي بنوتة والحين حامل وادعولي بس ربي يرزقني الولد لانه شكلي احمل بالقوة يعني مو سريعة الحمل وياللللله برضه اتعذبت لما حملت في التاني وانشالله ربي يعطيني الولد عشان ارتا ح يكون عندي الولد والبنت
اختكم لوليموا