قصتي مع المدرسه عطيني رايك

سلام ياحلوات
اخباااااااااااااااااااااااااركم ان شاء الله الجميع مرتاح ومبسووط
راح ابدا القصة من البدايه
انا قدر الله علي وتخرجت من الجامعه منذ مبطي:27: وبعد بضع سنين قررت اني اتوضف خاص تدرون ليش
لني حسيت اني خست بالبيت من كثر ما انتظر الوظيفه الحكزمي :44: الموووهو توضفت العام الماضي بمدرسه رائعه وناسه وضحك وفله وادارة جيده بس عيبها شغلتين بناتها قليلات ادب صراحة ولا يحترمون المعلمة :09:
والعيب الثاني الراتب ماااااااااااااااااش شوي :mad:
ولذلك قررت اني ابحث عن مدرسه افضل واروح اقدم قبل امس في مدرسه كبييييييييييييييييييييييروة ولها سمعتها
صراحه يوم دخلت المدرسه قلت وااااااااااااااو وش هالزين
نظافه وترتيب وكلش كلش زين الموووووهم قلت في خاطري تهقين يابنت يقبلونك المموهم قدمت اوراقي والا يوم قالووووووووووووووو يااهلا والله جيتي والله جابك:27: عاد انا استانست حييل
المووووووووووووهم سويت مقابله مع المديرة سالتني اسئله غريبه قلت مايخالف يابنت جاوبي
وبعدها قالت لي حظري لي درس واتفضلي بكرة اشرحيه عشان اشوف مستواك
قلت لها تم تم تم
والله ثاني يوم رحت وانا بكامل قواي العقليه ههههههه اقصد محضرة زين مازين
واقدم درسي بكل ثقه هع :)
وبعدها قالت لي المديرة فله شمعه منورة انتي معانا
عاد انا تشققت من الوناسه راتبهم جيد نوعا ما والمبنى حلو وكلش تمام
بس قالت لي المديرة لازم تقابلين المديرة الكبيره المشرفه على المدارس
قلت لها من عويييناتي بس كذا كلي لكم
الا اني لا حظت ملاحظه دقيييقه للغايه ههههههههههه وهي ان كل المعلمات لابسين لون واحد
واللبس الصراحة موش ولابد يعني يفتقر للذوق تماما استغربت اكثر قلت معقول كل معلماتهم كذا
الموهم قابلت المديرة صراحة الانسانه محترمة وباين عليها منظبطه جدا يعين ماعندها يمة ارحميني
قالت لي لازم تعرفين شروط المدرسه
قلت تفضلي
قالت
انا احب معلماتي يربطون دروسهم بالقران والسنه وسيرة الصحابه
قلت لها ان شاء الله اكون عند حسن ضنك
قالت لي لازم تقرين اسبوعيا صفحتين من القران وتفسيرينهم وصفحتين حديث مع التفسير وسيرة الصحابه عشان تدخلين هالاشياء بدرسك ( مع العلم اني مادة علميه )
قالت ايضا بالنسبه للبس
التنورة فضفاضة جدا بدون موديلات والبلوزة طويله مغلقة الرقبه تماما واكمام طويله غير شفافه ووسيعه
ممنوع الكعب والصنادل
تلبسين جزمة مع شراب اكرمكم الله
ممنوع العبايات المزركشه والمخصره
قصي اضافرك
ممنوع تحديد الحواجب
ممنوع المكياج
ممنوع الصبغات الصارخه
ممنوع الاكسسوارات باللبس
انا بديت اطرطع
ابتسمت وقلت كملي ياسيدتي
قالت ممنوع ان احدى الطالبات تراك بعرس لابسه عريان وتتمايلين وترقصين على الاغاني
قلت بخاطري وش ذا النشبه
قالت ممنوع تشوفك اي طالبه باحدى المقاهيي كاشفه الوجه ( قلت بخاطري الحمد لله انا ما اسويها )
بالاخير قالت نوقع العقد قلت لها انا الان سمعت شروطكم عطوني وقت للتفكير وان شاء الله يصير خير
واطلع من عنها جري عالسياره
الحين ياحوائيات ابي نتناقش بهالموضوع
بالنسبه لي
انا ماعندي اي مانع انه يتوحد الزي بالعكس اريح ولا عندي مانع اني البس تنورة خاليه من الموديلات واكمام طويله
بس عاد مقدر البسها بالوسع اللي شفته اليوم احس لو لبست كذا ماعرف امشي احس اني ضايعه
لا تفهموني اني ابيه ضيقه لالا بس ابيها قد جسمي وتكون لايقه علي مو البس مقاس اكس اكس لارج
انا مع اللبس المحتشم اللي يعطي المعلمه هيبتها وقدرها امام طالبتها لكني ضد اللبس المبهذل
وبعدين انا احيان البس كعب احب امشي فيه واحيان صندل واكرة شي اسمه شراب اتعب منه ما طيقه
والاكسسوار ليش تمنعه انا ماراح البس الالوان الصارخه بس ابي شغلات تزين المراة واللبس
وبعدين صراحة احس مالهم دخل بسلوكي خارج مدرستي ما يجبروني وين اروح وكيف البس هذا يعود لاخلاقي وتربيتي
وايضا ما تجبرني على قراءة القران والتفسير والاحاديث هذي من عباداتي وشي خاص بيني وبين الله لا اسمح لاحد بالتدخل فيه واذا كان على ربط الدرس بالدين فهذا سهل بالبحث بالنت ولا داعي لتحديد الصفحات التي اقراها سواء من القران او السنه
يعني بالعربي ما دخلت مزاجي هالشروط الاجباريه
لو قالت لي نريد لبس محتشم وخلاص
وانا انسانه عاقله وواعيه وكبيره مستحيل اجي المدرسه ببنطلون جينز او تنورة قصرة او مفتوحه او اي شي من هالقبيل
هاه يابنات نبي تعليقكم على الموضوع وهل معي حق في ترك الوظيفه والا لا
افيدوني لانه لازم اعطيهم ردي بدري بالنسبه لي مو مقتنعه ولو داومت معهم احس اني بتعب نفسيا بس لو لقيت ردود مقنعه يمكن ارجع عن قراري يالله همتكم ياحلوين