السلام عليكم
بليز مشرفات لا تنقلون موضوعي من هالقسم
محتاجه اكبر عدد يشوفه من العضوات, مالي بعد الله الا عضوات عالم حواء
ممكن دعوة صادقه تفرج علي هم شهور طويله
انا الحمدلله عمري في منتصف العشرينات ومتزوجه (عقد قران) واوضاعي الماديه كانت مستورة
وصحتى ممتازة الحمدلله يعنى مجرد ايام الدورة الشهريه اتعب لمده 3 ايام وبعدها الحمدلله ارجع لطبيعتي
اكل واشرب عادي وجسمي كان زين لا مليانه كثير ولا ضعيييفه
من حوالي 4 شهور تقريبا بدت معاي حاله غريبه كنت صاحية الصبح كالعاده بفطر وشوي بعد الفطور
حسيت بغثيان وبديت ارجع الاكل وارجع لحد ما حسيت نفسي عيني راح تطلع من مكانها
وظليت ارجع حتى عصاره المعده رجعتها (السموحه علي الوصف المقرف لكن قصتي قصه )
واتصلت علي زوجي ورحنا المستشفي وعطونى مغذي وسوولي فحص دم
والنتيجه التهاب فالدم مجهول السبب والتهاب فالمسالك البوليه وتم صرف العلاج لي
وظليت ابلع بهالمضادات الحيويه وافي فايده الحرقه اللي في المعده تزيد والحرقه اللي فالامعاء تزيد
رحت لعياده ثانيه عند دكتور هندي شاطر سبق ان عالجني من القولون ولما تجيني الدورة كنت اروح عيادته ويصرف لي ابرة مسكنه وظليت اتردد لعيادته وانا يوم عن يوم اذبل واتعب وما اكل
احاول اكل بس الغثيان يزيد واكل بس عيش وروب ( رز وزبادي ) وما يكمل فبطني دقايق الا ويطلع :(
وقامت تجيني نوبات حمي وارتعش واهاذي
ورحت تنومت في مستشفي 2 لمدة اسبوعين وشوي ارتحت للعلاج ورجع اقوي الالم اقوي من الاول
وصرفنا كل اللي معانا من فلوس مجمعينها للعرس علي المستشفيات الخاصه لان الحكومه يعطونى بندول ويقولون تعالي بعدين او يعطونى مواعيد بعيده
واخر مره رحت لمستشفي كبير وغالي وسوولي منظار للمعده وقالي لقينا مثل ورم صغير بس ان شاء الله مافي شي ! يعنى ما عطانى الطبيب تفسير اش هذا الورم ورحت عند دكتورة ثانيه لما زاد علي الم الدورة قالت لي عندك تكيس فالمبايض, المبيضين وهذا يسبب الم فالظهر والبطن وقت الدورة الم شديد ولازم انقص وزني وانا اساسا بعد المرض نزلت 6 كيلو وزنى صار 50
فهالفتره في وحده حسبي الله عليها
كنت احسبها صديقه كنت متعاطفه مع ظروفها لان امها وابوها منفصلين وهي محد تقدم لها
المهم هذي البنت تزوجت وراحت لحالها وانا ظليت متواصله معاها ولا بدت بعد فتره تروح لساحر او مشعوذ
بس هي تقول انه شيخ وتروح لحالها وبالليل .. ومرات يدخل معاها فالكلام في تفاصيل نسائيه علي اساس ان من تفاصيل العلاج. ويوهمها ان الكل يغار منها والكل يسويلها سحر وهي عايشه الدور مع ان جمالها عادي واخلاقها مب لهناك بس كله تتوهم ان الكل يبغي يسحرها
.. ومن غير طلع ان لها اخوان سوابق فقضايا اخلاقيه وهي مخبيه علي وانا ابتعدت بهدوء عنها
بعد فتره قامت تتصل وترسل مسجات مصره الا انى اروح معاها عند هالساحر
وتقولي هو يعرف كل شي عنج بدون لا انا اقوله وانا اقولها زوجي ما يرضي اروح
ولما مرضت قامت تتصل وتسألنى مثل اللي تطمن عالاوضاع بس انا ما شكيت فيها ابدا
وثاني رمضان ارسلت لي مسج تتهمني في شرفي !!!!!
ان ليش خبيتي علي وانتى اكيد الغثيان اللي فيج بسبب حمل والادهي انها تتهمنى انه بالحرام
مع ان انا متزوجه ليش ما يكون بالحلال لكن ليوم الدين ما احللها وربي ما احللها انها تتهمني وعساها تنحشر مع الساحر يوم القيامه
انا ابتعدت عنها لانها صارت تعلق خيوط سودا وتمائم وتروح البحر ترمي اشياء
وتقول راح اخليه يعطيني سحر عشان كل اللي معاي بالدوام يصيرون اوكى معاي
يعنى يمكن هي متوهمه انى انا اغار منها وراحت سوت لي اشياء خصوصا ان في ناس شافوها نازله حوش بيتنا ونحن ما نقعد بالحوش ولا في شي هناك وهي تلمح لي ان يمكن انا اغار منها
حتي غيرت رقمي عشان ما اقرا كلام جارح من رسائل تزيد تعبي تعب
كرهتها والله كرهتها اذا كانت هي السبب في مرضي ربي يوريها العذاب اللي تعذبته
الحين انا حالتى الماديه صفر حتى فلوس لعياده ما عندي ولا اعرف شيخ عندنا بالامارات
واكل ما اقدر الا لقمه لقمتين طول اليوم
حتى صديقاتى ملوا منى محد يقدر يعزمنى علي بيتهم يخافون ترجع لي الحاله وامرض ولا اقدر اشم ريحة الاكل
بس اقوم اسبح وارجع غرفتي صرت باهته من المرض وانام كثير احاول الايام تمر انتظر الفرج
في ناس عطونى ماي وسدر مقري عليه تحسنت ورجعت بعد فتره اسواء
ما اقدر اكلم حد علي طول اعصب واصيح ودموعي تنزل من اقل سبب
ادعولي
محتاجه الدعاء
ادعولي ان الله يفرجها علي وعلي زوجي عشان اقدر اسافر تايلاند اسوي فحوصات والحق نفسي
الدكاتره عندنا كل يوم كلام ولا في نتيجه وامى حزينه علي
ادعولي الله يشفيني عسي ربي لا يوريكم مكروه في حد من اهلكم
عمري ما طلبتكم ورديتونى اكتب لكم وانا اتألم كأن عمري 50 واخاف زوجي يمل ويتركني
احاول اني اتناسي المرض واطلع لكن اتعب
ادعولي ان يتوفر لي مبلغ واسافر
العود المنثور @alaaod_almnthor
كبيرة محررات
يلزم عليك تسجيل الدخول أولًا لكتابة تعليق.
!حلا الياسمين!
•
الله يفرج همك ويشفيك
جزاكم الله كل خير وعسي ربي ينولكم اللي في بالكم
بروح اقرا سورة البقرة و انام والله كل يوم انام وانا حاطه فبالي ان يمكن ما اصحى من التعب ويوم انام كله كوابيس ثعابين وغيره مع انى انام عالجنب اليمين
بروح اقرا سورة البقرة و انام والله كل يوم انام وانا حاطه فبالي ان يمكن ما اصحى من التعب ويوم انام كله كوابيس ثعابين وغيره مع انى انام عالجنب اليمين
الله يشفيييك ياااااارب عاجلل غيير اجلالله يشفيييك ياااااارب عاجلل غيير اجل
ياعمري الله يشفيك والله كلنا تعبانين مافيه حدى مرتاح بس الي انصحك فيه لازم تواجهينها بشكوكك وتخلينها تطلع الي سوته لك وعليك بقراءه سوره البقره في الثلث الاخير من الليل لمده شهر تراها تفك السحر وتحرق الجان وتحصني دائما ولاتنسي اذكار الصباح والمساء واقري في زيت زتون وادهني فيه جمع جسمك المتضرر والله يشفيك ياعمري
الصفحة الأخيرة