قصتي مع المساج الصيني, اعمليه لزوجك

اليوم رجع زوجي من العمل وكان تعبان جدا ولاحظت التعب عليه واشتغلت الرحمه عندي واقوم واطفي كل انوار الغرفه وماخليت الا نور التليفزيون وقصرته منعته من الرؤيه والصوت ههههههههه
واجلس اطالع فيه وانا ممدته على السرير بعدين جات في بالي ارفع رجوله طول ماهو نايم واطلع برى الغرفه واروح للصاله والمح مخده الكنب حق الصاله الكبيره اللي نستند عليها واشيلها واوديها للغرفه واحطها تحت رجوله لأنها عاليه صارت رجوله مرتفعه ..
بعد مارفعت رجوله فوق المخده حسيت انها خشنه من الكرف واتذكر ان فيه عندي في الدرج فازلين خاص باالكعبين وافتح الدرج حق التسريحه واطلعه واجلس ادهن رجوله مع عمل مساج وتدليك للقدمين مرورا باالأصابع والكعبين بعد ماخلصت حسيت اني ماسويت شي يعني احس مو كفايه اللي سويته ..تذكرت حركه اللي هي حجر صغار يحطونها الصينين بين الأصابع لأراحه القدمين والأصابع واطلع ادور في البيت ادور شي يصلح احطه بين اصابيعه وافتح في الأدراج لعلي المح شي ينفع والقى مسبحه عندي كبييره وقديمه تعلق في الحائط وحجم الكرات اللي فيها اكبر من التمره بشوي وشكلها بيضاوي قلت هذه قديمه بقصها وافرطها واخذ اللي فيها وافكها واطير هواء للغرفه وانا جايبه معي رولة مناديل والكرات الخشبيه حقات المسبحه والف كل كوره باالمنديل واحطها بين اصابيعه صارت رجوله شكلها كنها ورده علشان اصابيعه متباعده هههههههههههههههههههههههههههههه
وانا ميته ضحك وهو مبسوط ريحته بعدها غطيته وخليته ينام ونام على هذه الحاله يوم صحى جلس يشيل الكور الخشبيه لكن الطريقه ريحته جدا

منقووووول من واحة المرأه