مشكورة اختي على سرد موضوعكِ بطريقة حلوة وشيقة
والله يشافيكِ ويشافي جميع المؤمنات
أنا ماني نحيفة ولا سمينة يعني وسط حبييت بس أسلم عليكِ وأهنئكِ وابارك لكِ على التغير الجذري الي حدث لك وإن شاء الله نهاية السوء والله يوفق لكِ وتكوني بصحة وعافية
وصحيح لبس الكعوب يسبب كثير من المشاكل الي احنا في غنى عنها وانصح كل أخواتي أن يخففو من لبسها لأنها تسبب ألالام في الظهر وانحنائه
والله يرزقكِ الذرية الصالحة

مساكم الله بالخير جميع ومشكورييين على الرد يالغاليات ...
التمرين سلمك الله هو انك تجلسين على الارض وتمدين رجولك بشكل مستقيم وتاولين تمسكين اصابع رجوليك الثنين من دون ما تثنين ركبك ابببد وبكذا تعرفين اذا كان رحمك بمكانه والله يابنات ولا لكم على يمين اني كنت احاول وهي الحرمه اللي مرختني تحاول تدفني عشان المس اصابع رجلي والله ماكنت اقدر اموت من الوجع اللي بظهري وبيني وبينكم ماكنت مصدقتها مره وكنت اقول يمكن عشاني جسمي ضعيف وعضمتي دقيقه ماتحملت بس اتضح لي العكس ما شفت احد الا اقوله يسوي التمرين قدامي حتى بالعزايم ما افتكوا مني وبنت عمي ماشاء الله عليها حامل وبطنها شبرين قدامها لا إله إلا الله وسوت التمرين عادي وانا بعد ما مرختني شهرين ورى بعض اقصد بايام الدوره لين قدرت امسك رجولي والحمدلله الحين احسن بكثيررر يالله من فضلك وانا يافتاة الحي من المدينه المنوره والحرمه هذي باكستانيه اصلها ولها اكثر من عشرين سنه بالسعوديه
بس والله ياعليها مرخ يجيب العافيه وهي بالمدينه وحملو بسببها بعد الله ناس كثير وجيراننا يعرفون وحده قعدت 7 سنين ماحملت وبعد مرخ هذي الحرمه حملت ماشاء الله يعني ثقه ان شاء الله



الا على فكره بسم الله علينا وش نطط موضوعي هنا توني كاتبته اليوم الفجر والله احسبهم حذفوه قالوا هذي صخله مضيعه القطيع بدل ماتكتب بقسم الحمل والولادة جت كتبت عندنا .


اي سعال شي ماشيات تراني بالخدعه اقصد بالخدمه

ايه نسيت والله اني باردت خشه معليش عليميه بالمنتدى توني جديده الله اختي صالحه مشكره على الترحيب وبالنسبه لاخوك لا يكون نحيف من الكرم بس مثل اخوي الصغير يسلف سندويشاته لاخوياه ومصروفه يعطيه لاخوي اللي اكبر منه عشان يخليه ينام عنده مايحب ينام بلحاله بغرفته والولد كل ماله ويقضي لين اكتشفنا السر ياشين الكرم الزايد.هههههههههه . وبالنسبه لاختي زين ومهابه انا انصحك اول شي تسوين الاجراءات الطبيه احسن مدامك توك متزوجه وبعدين روحي للحريم اللي يمرخون لان في اشياء مايعرفونها الدكاتره مثل ميلان الرحم وانا سويت سونار وقالو كل شي اوكي عندك وتحملين عادي قلت لهم والألم الفضيع وقت الدوره قالو طبيعي بعدها انا لجات للحرمه هذي بعد الله سبحانه بس ترى بعضهم ماخذينها تجاره ومايخافون من الله انتبهي منهم... ام الحلوين وردات الامل مشكورين والله يبارك بايامكم وسامحوني انا من الطفاقه رديت على التمرين بس وبعدين رجعت اقرى ردودكم مره ثانيه وانتبهت لكلامكم الطيب وقلت مايصير لازم ارد على الناس الذوق هذي وانا عادي عميشه عمشمش ام الذوق .... خخخخخخ ياشين الواحد يوم ياخذ مقلب بنفسه
ولا اوصيكم لا يردكم الا الكيبورد ان بغيتو شي..

غناتي عمشى شليويح جربت مارمت ..اصبوعي ووووين وريولي ووووين
يعني فيه شي.. فديتج اختي بي عندج تمرخيني ..تعالي انا احيد كلمه تمريخ تنقال للناقه والا انا غلطانه

ههههههههههههه والله مدري يالغاليه تنقال عندنا عادي اجل وش نقول مساج ههههههههه وبعدين ماقدرتي تسوين التمرين يعني والله اعلم ان فيك شي مدري بس هذا اللي صار معي الكل جرب وقدر يسويه الا انا ... ابحطه بقسم الحمل والولاده ونشوف كم وحده تقدر تسويه..
ومشكوره على المرور