اختي اشوف كلامك وكانك تتكلمين عني با الضبط وبكل التفاصيل حتى بديت اشك اني انا اللي كاتبه الموضوع .اختي انا اعاني الان وانا اكتب ها الرد من الم فضيع في رجلي وغير كذا جاني فتق في بطني ومسبب لي الم فضيع الله لا يوريه لحد حتى ولدي الصغير عمره 9 شهور ما ني قادره اشيله او اهتم فيه اهملت حياتي الاجتماعيه بسبب شغل البيت زوجي صار يعايرني با الشغل حتى اهله قالهم اني موسوسه لحد ما جاتني عين والحين ما اقدر اتحرك ابدا فعلا كثر النظافه وسواس . اختي وانتو اخواتي واللي يقرا كلامي ادعولي ان الله يشفيني من اللي انا فيه ويعطيني الصحه عشان اولادي وعشان الطفل المسكين اللي ما عنده احد يهتم فيه لان لوصار لي شي لاسمح الله عيالي بيضيعون ارجوكم ادعولي .يمكن تكون دعوه من دعواتكم الصادقه تستجاب ويشفيني رب العالمين .و***** الله تكون في ميزان حسناتكم يارب .

الله ينطيج العافيه والحيل وترجعي احسن من اول

النظافه احسها اهم حتى من الانوثه
لكن بهل وقت ياحياتي الدنيا تطورت
وصار في غسالات صحون
وغسالات ملابس تطلع الملابس حتى مكويه
وهذه غير الكوايه البخار والمكنسه الكهربائيه
ومكائن شفط الغبار

يعني تقدر الوحده تنظف وترتب وتنهوس بس بالمعقول وتستخدم التكنلوجيه لصالحها وتبقي وقت لبيتها واطفالها وزوجها

بالنسبه لي اشوفج صح بس لو خففتي لو 10 % من هل وسواس

لكن لا تنسين لما تقرين هنا قصص تقولج كنت وسواس نظافه وتالي قلت كافي او عين او سحر او الخ وصارت ما تهتم ببيتها ونظافته وتتقول هملت حتى زوجي وتزوج عليه
يعني ما ربحت شي لا نظافه بيتها ولا زوجها ولا سعادتها ولا راحه اطفالها



اقول الله يعينا على شغل البيت ويرزقنا واياكم من حيث لا نحتسب ان شاء الله

كلنا كنا كده بس على راى الووالده لله يعطيها العافيه ( بردى على قلبك و كل شى بيستوى)


و الله ان كلامها من جد لما فهمته و استوعبته احس انى احسن يعنى كل ما كان البيت همى صحتى رايحه فيها

ما جتنا العين فى عافيتنا الا من كتر النظافه و الترتيب

الحمدلله اننا صحينا من غفلتنا و الحمدلله على نعمه الصحه الله يديمها علينا

سبحان الله مثلي ما رحمت نفسي لا بحمل ولا بنفاس بس الحمد لله اني نظمت ومشيت ع جدول يريحني والله يرزقنا الصحه والعافيه ويقوينا .. مشكوره ع طرح التجربه

الله يعطيك الصحة والعافية