توتة ........لا تعابي
لايخرب صوتك .........هههههاي

طبعا انا ملقوفة مررررررررة
سويت بحث وطلعت هده المواقف

1 هده شكولاتة ....مشرفة الجمال والاناقة
انا قبل اسبوع كان عندنا زواج ..

ودقيت من جوالي على بيت حماي ابي اسأل عن العيال ..

كنت مستعجله ..

الووووووووو ..

ردت: الوووووووووو

قلت ريفين ..كيف العيال >>>>>> اسم الشغاله طبعا ..


قالت :



































نعمممممممممم كثري منهااااااااا>>>>>> طلعت دقيت على جوال اختي بدل مادق على بيت حماي ...

2 هده ست الحسن.......مسكينة
انا قبل يومين اتصلت من المدرسة على البيت اطمئن على الاحوال......
طبعا ما في البيت الا الشغالة والبيبي 10شهور.......
ـ السلام عليكم .... كيف الحال شريفة؟؟؟؟؟؟؟
ـ عوووووو.....عععووووو
يارب وشش ذا الصوت..
ـ آلووو....آلووووو
ـ عععووووو ......ععووووووو
وكل ما قلت الو يطلع لي ذا الصوت اللي كانه صوت مخنوق......
واحاول افسر بسرعة الحكاية......
ـ الو..... شريفة.... انت تعبانة..... وش فيك؟؟؟؟؟؟؟؟
ـ ععععوووو...ععووووو
قلبي خلاص بيوقع لرجولي.........
هذا رجال في البيت؟؟؟؟ لا شريفة..... بنية تشادية صغيرة مو راعية هالحركات.....
اكيد هذا اشتراك في الخط.......
والافكار هذه تجئ بسرعة وراء بعض......
بيأس:
ـ اللووووو ... شريفة,,,,,
ـ مين شريفة هههاادي ياامي ........اش تقولي؟؟؟؟؟؟
اطل على شاشة الجوال ...... مكتوب البيت .... اش الحكاية’’’
ـ الووو.... مين؟؟؟؟
ــ اش مين ...... ايش تبغوا؟؟؟؟؟ ايش الحكاية؟؟؟؟؟؟
واضبط اعصابي ..... واهدئ شوي ..... واتمعن في الصوت ..... واصرخ بدون شعور:
ـ يا بايخ..... يا ثقيل دددمممم .... فجعتني

3 وهده ام معاذ وجهاد..مشرفة قسم الاسرة والطفل
يوم ركب والدي تليفون خط ثاني في البيت .. أول استخدام كان من أخي ..

رررن رن رن رن رن رن ..

طبعا طلب الخط القديم .. "الخط القديم كان في دور .. والجديد كان في دور " ..

طبعا رديت على التليفون :"السلام عليكم"

الجهة الثانية :"وعليكم السلام .. أنا .. فلان .. ممكن أختي تسوين لي شاي"؟

أنا ما عرفت صوت أخي في التليفون ..

.... حاضر .. ولا يهمك ..

رن رن رن رن ...

طبعا أختكم .. "السلام عليكم .. مين ؟"

.. يااااه ما عرفتي صوتي .. أنا أخوك .. لا تنسي النعناع ..

خلاص أنا عصبت .. "لا تتصل مرة ثانية اتق الله .." ..

رن رن رن رن ..
أختكم ..:"بصراحة أنت ما عندك ذوق .. ولا بتستحي"

... "شكرا جزيلا .. الوالد موجود" ..

... "كمان .. صحيح ما بتستحي .. حط السماعة ولا عاد ترجع تتصل مرة ثانية " ..

..."أنا فلان .. الوالد موجود؟" ........... المتصل كان وزير سا بق .

وجهي صار يجيب ألوان .. وحسيت راح يغمى علي ..

.... "مين حضرتك قلت " .
.... "أنا فلا ن .. ممكن أكلم الوالد" .. الرجل اتعصب .. والله ..


قلت أعتذر .. "أنا آسفة .. لكن حضرتك عارف المعاكسات .......... " ..


..... "خلااااااااااص .. الوالد موجود" ... ما كان له نفس يسمع ..


جريت بالسماعة للوالد .. ووجهي ألوان .. وحالتي حالة .. لدرجة إن الوالد فزع لما شافني ..

أعطيته السماعة .. وانتظرت لآخر المكالمة حتى أسمع إن كان سيخبره أم لا ..


ما كان عنده وقت يحكي له ...


كان الموضوع قبل زواجي بعام كاملا .. وحتى يومنا هذا كل ما سأل\ت الوالدة عليه قالت لي .. خليت الرجل ما عاد يتصل .. يخلي السكرتيرة تتصل وتطلب له الوالد .. وبعدين يتكلم ..


-
والبقية جاية

وهده انا شخصيا

لما كنا صغار كانو الناس في التلفون ما يفرقو بيننا انا واخويا اليي اصغر مني

ومرة اتصل صاحب اخوي وكنا في المتوسط وعلى بالي خالي

>>>>>هو مرات يتصل ويسوي حركات بايخة<<<<

__السلام عليكم
-وعليكم السلام
__وسال :كيف الحال؟
-ما انتبهت :الحمد لله ماشي الحال.....مين؟
__ماعرفتني؟
ما اوقف عندها لا اكمل
__طيب كيف الدراسة؟
-ماشية بس مين؟
__ما عرفتني مو معقول؟طيب كيف الوالد ؟ايش اخباره
-الحمد لله بس مين ما عرفت
-خالي؟..........فلان
__بالله ما عرفت مو معقول يا........فلان
-انا اصلا مو.........فلان
__ معليش والله حسبت........فلان
-لا مو مشكلة
__والله اعذريني
خلاص>>>>>>>>فضها سيرة<<<<<<
وناديت اخوي
وامي بهدلتني عشان قاعدة اتكلم مع واحد ما اعرفه
واحلف بالله اني كنت احسب خالي
ولا في فايدة بس الحمد لله ما ضربتني

ولما يخلص اخوي الرايق يجي يقولي قدام امي

صاحبي فلان يعتذر منك ويقول انه صوتك زي صوتي

وامي بلا قلة حيا انت وهو بلا زي صوتك بلا مسخرة
وانا هده نهاية التناحة


------------------------------------
5 وهدا الاخ افكر فيك.....محرر في عالم حواء

اتصلت على صديق لي ..وردت أخته ..قلت لها وين فلان ..قالت أصبر شوي ...ونادته وقعدت تسولف مع أختها والسماعة مرفوعة

قالت الأولى : شفتي فلااااااااانه الكذااابة
الثانية : ليش وشفيها
الأولى : تقص علينا تقول إنها متزوجة وهي نصااااابة
الثانية : وشدعوة ...!!! أنا شايفة زوجها واقف عند باب المدرسة
الأولى : لااااااااا ياغبية هذاك أخوها ...
الثانية : معقولة !!!!
الأولى : والله لأفضحها ..بخليها سالفة المدرسة ..
الثانية : ليش وش بتسوين ...
......................؟؟؟رد صديقي
......: ألو ..
وقلت له تراني سمعت السالفة ..وقال لخواته ...الظاهر إنهم مانامو ذيك الليلة من الفشيلة




6 هده قلوب الحبوبة
الموقف هذا صار لوحده اعرفها كنت انا وياها في زياره لأحدى الصديقات
اعطاها زوجها جواله علشان تكلمه اذا حبت تروح البيت .. وطبعا هو راح
مع واحد من اصحابه ... وطول ما احنا هناك يدق عليها بجوال زميله ...
وهي طبعا تكلمه باحلى كلام...ولما جا وقت الذهاب للبيت الا الجوال يدق
طبعا جوال زميله اللي هو معه
هي : نعم يا عسل
هو :ابو فلان
هي :لا لسه ما جاء...اسفه افتكرتك زوجي.. ويصيرلون وجهها جميع الوان الطيف
ويطلع المتصل زميله يحسب الرجال اخذ جواله ورجع البيت....
وصراحه كان موقف لا تحسد عليه....




7 وهده ....نور الشمس تسوي دعاية للكاشف:05:

كنا في البيت و رن التلفون
طلع واحد بايخ يقول سلمى موجودة ( ولا يوجد في البيت أحد بهذا الاسم )
فقلنا له لا يا أخ انت الظاهر غلطان ما عندنا أحد بهذا الاسم!!!!



وبعد شوي

اتصلت بنت تقول :



أنا سلمى
أحد سأل عليي؟؟؟؟؟؟

تخيلوا شعورناوقتها

ومن بعد هذا الموقف اشترينا كاشف للرقم فوووورآ

علشان ما أحد يستلمنا مرة ثانية



الصراحة موقف مررررة يقهر.............حمرة الورد



المشاركات زي ما قلت ملطوشة من مواقف عائلية لهنافس...........اقصد سفانة
:44:

سامحوني على اللطش

طبعا لسة ما خلص اللطش

هده تيمة العزيزة .........موقفها مع التلفون والخياط


مرة كنا رايحين لخياط في مجمع سوق .. وكنت أنا صغيرة لسا في المتوسط .. وكنت مرة نعسانة .. وطبعا جلست أمي وأخواتي سنة يتكلموا مع الخياط السعودي .. وكان محله فيه زاوية شوية مخفية وفيها كرسي كبير دوار زي حق المكاتب .. المهم جلست عليه وقعدت أستناهم اللين نمت .. لما صحيت .. الدنيا هدووووووووووووء .. وما في أحد في المحل .. والباب مقفول .. في البداية ما استوعبت بعدين أكتشفت انهم كلهم خرجوا وسكوا علي الباب عشان صلاة العشا .. وأنا ماني عارفة راعي المحل سواها بقصد ولا لا .. طبعا محسوبتكم أعصابها حديد .. رحت أحاول أفتح الباب .. طلع بالكهربا من اللي ينزل من فوق .. جبن حديدة طويييييييييييييييلة ودخلتها تحت الباب وصرت أحاول أرفعه .. صار يطلع أصوات .. وسمعت برة رجال يتكلموا .. قلت يمكن دحين يشوفوا الباب يهتز يجوا ينقذوني ( اذا كان عندهم شهامة ) ما نفع الحل صرت أدق الباب وأنادي .. ولا من مجيب .. بدأت أنهار وعيوني تغرغرت .. وفجأة يرن التلفون ... صار قلبي يدق .. أرد ولا ما أرد .. أرد ولا ما أرد .. في الأخير رديت .. طلعت زبونة .. واستغربت .. حكيتها اللي صار .. وأنا أبكي .. قالتلي لا تخافي أنا راح أتصرف .. وشوية والا الباب ينفتح .. شوي شوي يطلع لفوق .. ويبان الرجال .. وراه أهلي .. ما أذكر الحوار اللي صار بس أتذكر أنهم قعدوا يضحكوا علي وأنا حقدت عليهم .. مو كفاية نسيوني وكمان يضحكوا .. أتاريهم ما انتبهولي وأنا نايمة وقفل الرجال علي وهو مو داري .. وبعد شوية أتصلت الحرمة اللي أول ورد عليها الرجال وسمعتها تهزأه وصار وجهه زي الطماطم .. تدروا ليش ؟؟ لأنها طلعت زوجة مدير هيئة الأمر بالمعروف والنهي عن المنكر .. وكانت على وشك تبلغ عنه .... هههههههههههه يستاهل .. طبعا أهلي زعلوا مني لأني أحرجت الرجال .. وقالوا لي يا ملقوفة اشلك تردي على التلفون ....... شفتوا أهلي الرهيبين كيف ؟؟




وهدا موقف جواهر السعد


هالموقف مو لي لصديقتي...تقول كنا قاعدين بالليل وقت العشاء وجوعانيين انا وخواتي في بيت اهلي (اشوا مو في بيوتهم) واشتهوا يطلبون من مطعم... دقت على المطعم ..رد عليها واحد سعودي (اثرها غلطانه في الرقم) وقالت مطعم الفلان قال لها ايه قالت لو سمحت ابي كذا وكذا عنوان البيت كذا كذا مو النافذ الاول الثاني اول بيت مو الباب هذا الباب الثاني ....يعني بالتفصيلللللل رقم التليفون كذا كذا ...وسكرت وجلسو ينتظرون الاكل ...بعد نص ساعة رجع دق عليهم وقال والله كسرتو خاطري اخاف انكم جواعى تراكم غلطانين لا مطعم ولا يحزنون ............تخيلتوا الموقف..ها عاد انتبهوا لا تخرون كل شيء للمطاعم لين تتاكدون يللا باي خلصت مواقفي استنى تعليقاتكم


كدا خلص موضوع سفانة ..........

اذا لقيت مواقف تانية لطتها لكم عن قريب ان شاء الله


حمورة الامورة

هلالالالالالالا عصفوووووره
الحمدلله انا صوتي مشاء الله صوت حرمتةً عاقلة محد يغلط فيه مشاء الله لاتنظلوني كخخخخخخخخخخخخخ