:30: :30:

مرحبا ,,,,,,,,,
أكمل لكم ..............وماحسيت بنفسي الى وامي وزوجي يكلموني ويقولون لي جبت ولد زي القمر نجيبه تشوفينه وارد عليهم( لا ) ظهري يعورني والله كأنه نار من اثار الطلق الصناعي واللممرضه تقول هذي تهذري من البنج وانا اسمعها وواعيه وش اقول وخذوني للغرفه وفيني الغذايه والقصدره(للبول )ونمت الى الساعه 8الصبح نفس اليوم وامي عندي وزوجي راح للبيت ينوم بصراحه ماقصر تعب معي وتحمل صراخي عليه(الله يخليه لي) وبعدها ماجاني نوم الى الليل وطبعا ممنوعه عن الاكل وبطني الله لايوريكم كأنه مقصووص بمنشار وجسمي كانه جبل من ثقله (انا ترى مو سمينه )
ولما جا المغرب جات الدكتوره وقالت يله امشي شوي وفكوالقصدره منها والله بغيت اموت يوم جيت اقوم من السرير وجلست افحط وافحط إلين قمت ويوم وقفت بغيت ادوخ واجلس في حضن امي 3دقايق الين ركد راسي وامشي وانا محدبه ماأقدر اوقف مستقيمه احس بطني بينشق وامي ماسكتني لاادوخ ,وبعدين قالت الدكتوره جبولها سوائل ,,,,بصراحه حسيت نفسي معاقه وحمدت ربي على العافيه وعلى هالحال اشيل هم القومه من السرير وابكي من الألم ويبدون الزوار يجون وخذ يامجاملات وتنصحني وحده الله يجزاها خير البس مشد طبي وطلبته من الدكتوره والله خفف على الألم حسيت بطني مسك شوي وكل شوي الممرضه تسأل وانتم بكرامه (مافيه هوى ,براز ) وانا لا هذا ولاذا ويعطوني تحميله وتخفف شوي واللحمد لله تقريبا 5 ايام وخف الألم واجد وطلعت عند اهلي طبعا ممنوعات كثيره .....طلوع الدرج لا ,العطر لا, الطلعه برى البيت لا , وامسح حول الجرح باالمره والكمون وشرب كمان وعلى فكره ماتحممت كامل ابد امسح صدري وبطني بفوطه بالصابون ثم بفوطه بالمويه ,وشعري اغسله كويس بالشامبو ورجولي كمان اغسلها بالموية والصابون اهم شي الجرح لا يجيه مويه هذي نصيحه الناس لي من تجاربهم************ الحمد لله على نعمه التي لا تحصى *************:24: :33:

الحمد لله على السلامة...ومبروك اللي جالك..وجعله من حفظة كتابه الكريم...وفعلاً حسيت إني معاكِ مرحله مرحله حتى طلعتي من المستشفى...الله يقومك بالسلامة..

الحمد للة علي سلامتك بس صراحة ما توقعت العملية متعبة لهذة الدرجة انا اسمع الناس يقولون اسهل
بس الحمد للةعلي كل شي

عز الله قصتك فلم هندي:23:

اما بالنسبه لروحة الحمام في عز الطلق:11: .......ذكرتني بوقت ولادتي..

على العموم الحمد لله على سلامتك وسلامة البيبي



:26: :26: :26: